Euskal hedabideen egoera prekarioa gainditzeko Legebiltzarrean adostasun bila
"Egungo prekarietatea gainditzeko" hitz egin nahi dute euskal hedabideek Jaurlaritzarekin. Alberto Barandiaran Hekimen euskal hedabideen elkarteko ordezkariak Eusko Legebiltzarrean egin duen agerraldiak erakundeekin eta alderdiekin “lankidetza eskaintza” egiteko balio izan du.
Kultura, Euskara, Gazteria eta Kirol Batzordean hitz egin du Barandiaranek. Garbiñe Mendizabalek (EAJ), Xabier Isasik (EH Bildu) eta Vicente Reyesek (PSE-EE) egindako galderei erantzun die astelehen eguerdian.
Jaurlaritzak euskarazko komunikabideentzat eman duen azken diru laguntzan izandako irizpide aldaketa polemikoa dela-eta egin du sektoreak agerraldia: audientzia datuei puntuazio altuagoa emanez eta tokiko hedabideak Euskal Herri osokoen talde berean sartuz, medio bakoitzak jaso duen kopurua aldatu da; eta horrek ezinegona sortu du sektorean.
Legebiltzarraren adostasuna helburu
Bestelako laguntza politika lortzea "beharbada Hizkuntza Politikako Sailburuordetza gainditzen duen lana da”, Barandiaranek adierazi duenez. Horregatik, euskarazko hedabideek behar duten babesa adosteko Legebiltzarraren kontsentsua mesedegarria litzatekeela gaineratu du.
Hori bai, Hekimenek argi dauka diru laguntzak emateko modua aldatu behar dela: “Guretzat problema da urtero negoziatzen aritzea, hedabideak estu dabiltza, deialdia azaroan ateratzen da...”.
Audientziei garrantzia handiagoa emateko irizpideak aldatu izanaz bere irakurketa zein den ere gogorarazi du sektoreko ordezkariak: “Ezin dira berdin baloratu tokiko hedabideen eta nazionalen irismen datuak. Findu egin behar da irizpide hori. Eta findu behar dela HPSk ere aitortu du. Beraz, ez dugu ulertzen zergatik hainbesteko aldaketa kolpean”.
Aurrekontuetan garrantzia galtzen ari den poltsa
"Kontua ez da diru banaketa gure artean nola egin. Gaur egun dagoen sarea ezinbestekoa bada, sare hori babestu behar da", adierazi du Barandiaranek.
Gutxitu ez badira ere, urtez urte jaisten ari da aurrekontu orokorrarekin proportzioan euskal hedabideek jasotzen duten laguntzen pisua Barandiaranek azaldu duenez.
Gaiaz hitz egiteko prest agertu dira legebiltzarkideak. EAJko Garbiñe Mendizabalek adierazi du, Hekimenen azken batzar orokorrean martxan jarri ziren lan taldeek erakusten dutela sektorea lanean ari dela. “Gu ere lagun gaituzue, animo gure aldetik”.
Xabier Isasik, bestalde, nabarmendu du administrazio publikoak euskara sustatzeko jartzen duen euro bakoitza “oso errentagarria” dela. “Euskararen sustapenean dirua gastatu baino, inbertitu egiten da”.
Espainiako Gobernuaren Enresa enpresa publikoaren esku geratu da instalazioaren titulartasuna, eta eraisketa lanetarako guztira 475 milioi euroko gastua aurreikusi dute. 40 urtetako etekinak pribatuak izan eta gastuak publikoak izan direla salatu du Araba Garoña Gabe... [+]
Eusko Jaurlaritzak Gazteen Emantzipazioa Laguntzeko 2030 Euskal Estrategia aurkeztu du asteazkenean, emantzipazio adina 28ra jaisteko eta soldatak 2010ko kopuruetara iristeko helburuz. Diru laguntzak ematea aurreikusten du, eta gazteei zuzendutako 13.500 lanpostu berri... [+]
Elkarrekin-Podemosek eta EH Bilduk aurkeztuta, enpresa estrategikoei lagunduko dien banku publiko baten sorrerari buruzko mozioa eztabaidatu dute Eusko Legebiltzarrean. Euren esanetan garrantzitsua da enpresa horiek EAEn errotuta eta funts putreen eraginpetik kanpo egotea... [+]
Ohiko teoria ekonomikoaren arabera, inbertsio pribatuak publikoak baino eraginkorragoak dira. Inbertitzaile pribatuek beraien enpresatan inbertitzen dute ekoizpena bizkortzeko eta ondorioz mozkin itxurosoak eskuratu ahal izateko. Alabaina, gauza bat da teoria interesatuak dioena... [+]
Ostegun honetan grebara deituta zeuden 26.000 irakasletik %70 ez da lanera joan, sindikatuek jakinarazi dutenez. Jaurlaritzak lantaldearen erdira murriztu du jarraipena.
Diru-sarrerak Bermatzeko Laguntzarik (DBL) ezingo da gehiago eskatu uztailaren 1etik aurrera Gipuzkoan –seme-alabak dituztenen kasuan, abenduaren 31ra arte luzatuko da epea–. Diputazioak dio prestazio ekonomiko honek ez duela gizarteratzeko balio eta kendu egin du,... [+]
Komunikabide euskaldunek egindako gomendioak kontuan hartu gabe ebatzi du Eusko Jaurlaritzak 2015eko diru laguntza deialdia. Iaz baino diru gehiago banatu du, baina hedabideek eskatzen zuten irizpide aldaketa kontuan hartu gabe.
Egoera ekonomikoak behartuta, Elhuyar aldizkariak maiztasuna murriztuko duela iragarri du. Hilabetekari izatetik hiru hilero argitaratzera pasatuko da.
Hedabide euskaldunetan egiten den inbertsio publikoa audientzien arabera banatzeak “zalantza metodologiko ugari” sortzen ditu, Euskal Herriko bost unibertsitate irakaslek egindako azterketen arabera.
Azken urteotako inbertsio publiko txikiena egingo dute Hego Euskal Herriko administrazioek euskarazko hedabideetan, Hekimen elkarteak jakinarazi duenez.
Hekimen Euskal Hedabideen Elkarteak proposamen zehatza egin die Eusko Legebiltzarrean ordezkaritza duten talde politikoei: datorren urteko aurrekontuetan milioi bat gehiago bideratu dezatela euskarazko hedabideentzat.
Eneko Bidegain Mondragon Unibertsitateko irakasleak uste du diru gehiago behar dutela euskal hedabideek eta diru hori hizkuntza politikakoa ez den beste aurrekontu poltsetatik etorri beharko litzatekeela.
Ardanza I aroan audientzia esaten zitzaion. Horretan ez ginen txapeldun euskarazko hedabideok aspaldi urrun hartan eta gaur ere ez.
Hasteko eta behin, eskerrik asko Legebiltzarrari, Hekimen euskal hedabideen elkarteari foro honetan parte hartzeko aukera emateagatik, eta bereziki EH Bilduko taldeari, horretarako gonbitea egiteagatik.