Euskal hedabideen diru laguntzak publizitate irizpideekin banatu direla diote adituek
Hedabide euskaldunetan egiten den inbertsio publikoa audientzien arabera banatzeak “zalantza metodologiko ugari” sortzen ditu, Euskal Herriko bost unibertsitate irakaslek egindako azterketen arabera.
Josu Amezaga (EHU), Eneko Bidegain (Mondragon Unibertsitateko Huhezi fakultatea), Estitxu Garai (EHU), Xabier Landabidea (Deustuko Unibertsitatea) eta Yosu Yurramendi (EHU) irakasleek txosten bana egin dute Hekimen elkarteak eskaturik.
Ostegunean aurkeztu zuen Hekimeneko zuzendari Alberto Barandiaranek Gipuzkoako Batzar Nagusietako euskara batzordean.
Lan horietan, Eusko Jaurlaritzak euskarazko komunikabideen diru laguntzak banatzeko erabili dituen irizpideak aztertu dituzte eta hainbat hobekuntza proposatu.
Publizitate munduko kontzeptuak laguntzak banatzeko
Irismena “publizitatetik datorren kontzeptua da” adituen ustez, eta “hedabideen jarduna neurtzeko erabiltzekotan, hainbat egokitzapen eskatzen ditu”.
Hortaz, irismenaren kontzeptua “definitzea eta moldatzea” gomendatu diote unibertsitateko adituek Jaurlaritzari, deialdia “gutxieneko berme batzuekin egingo dela ziurtatu ahal izateko”.
Irismena egoki baloratzeko aholkuak
Adituen ustez, audientziak irizpide gisa erabiltzekotan, kontuan hartu beharko lirateke komunikabide bakoitzaren izaera eta hedadura –ez baitaukate publiko potentzial berdina medio nazionalek eta tokikoek–; baita zenbatero banatzen den produktu bakoitza ere.
“Halaber, irismena neurtzeko aldagai homogeneoak behar dira” gaineratu dute adituek: “Irismena puntuatzeko modu bera, eta irismena neurtzeko modu bera ere bai”.
Zer beste gai hartu behar litzateke kontuan?
Hekimenek osteguneko agerraldian defenditu du “gogoeta zabalagoa” behar dela komunikabide euskaldunetan egiten den inbertsio publikoaz.
Jaurlaritzak komunikabideen kostuen portzentaje bat finantzatu beharko luketela uste du Hekimenek, egiturazko premia larrienak konpon daitezen.
“Ondoren”, gaineratu du Barandiaranek, “eragin soziala eta dinamismoak neurtzeko beste aldagai batzuk zehaztu eta ponderatu beharko lirateke”, irismena bera, baina baita berrikuntza, kalitatea edo errentagarritasun soziala ere. “Horrek beste ahalegin bat eskatzen du, ahalegin ekonomikoa ere bai”.
Ikusiker Ikusentzunezkoen Behategiaren txosten berrienak euskal gazteek informazioaren / albisteen kontsumoan duten interesa aztertu dute. Emaitzak interesgarriak dira; laburbilduta, informazioaren interesa egon badago, eta informazio-iturri fisa, sare sozialak dira gehienen... [+]
Sare sozial horretako hainbat erabiltzaileri zozketa bat irabazi dutela dioen mezua bidali diete kontu faltsutik, euskara txukunean idatzita. Mezua jasoz gero, ez klikatu esteka eta ez eman datu korronteari buruzko daturik, iruzur bat da eta. Euskalerria Irratiak kontu hori... [+]
Hemen eman ahal zaio atxikimendua manifestuari. Agerraldi herritarra egingo da ekainaren 21ean, 19:30ean Amurrioko Udaletxearen aurrean.
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Arrosa Irrati Sareak Nafarroan ospatuko du lehen aldiz komunikazio librearen aldeko eguna. Mende laurdena bete berri duen Esan Erran irrati txikian dute hitzordua, apirilaren 13an, Basaburuan. "Guretzat elkartzeko egun bat da, elkar gehiago ezagutu eta elkarlanaz... [+]
Datozen eraldaketa sakonen aurrean euskarazko hedabideek iraungo badute, erakunde publikoei prozesuak azkartzeko laguntza eta konpromisoak eskatu dizkie Hekimenek, herri ekimeneko euskarazko hedabideen elkarteak.
Trantsizio digitalarengatik eta lehengaien garestitzeagatik, 2023 urtea zaila izan dela nabarmendu du Hekimeneko zuzendari Igor Astibiak
1988ko azaroaren 7an egin zuen lehen emisioa Iruñerriko irratiak. Urteurrena aitzaki hartuta, Zentral aretoan “musika eta hitza” uztartuko dituen ekitaldi bat antolatu dute.
Irrati urtea astelehenean, hilaren 18arekin, abiatuko dute, albistegiak eta arratsaldeko magazina indartuta. Azaroaren 7an, irratiak 35 urte beteko ditu eta hainbat ekimen gauzatuko dituzte urteurrena ospatzeko.
Euskal Herriko tokiko hedabideen sareak jasoko du aurtengo EITB Saria. Tokikometik adierazi dute mundu mailan tokikoak hartzen ari diren lekua aitortzen dutela EITBtik ere eta sektorekoek aitortzea "oso pozgarria" dela.
Euskarazko egunkariari loturik eman du bizialdiaren zatirik handiena, horixe du sor-marka eta jatorrizko izendapena. Eguneroko kazetari loturik jardun du beti, eta ekarri dizkio disgustu ez gutxi. Handiena, Euskaldunon Egunkaria-ren itxiera 2003an, eta hainbat lagun orduz lehen... [+]
45 urte zituela hil da, gaitz larri baten ondorioz. Azkeneko bi urteetan Pantailak Euskaraz mugimenduaren bozeramaile eta lehendakari izan da, euskarazko ikus-entzunezkoen beharra aldarrikatzen.