Euskal Hedabideen Behategiak unibertsitateen babes instituzionala jaso du
Hekimen Euskal Hedabideen Elkarteak eta unibertsitateek elkarlan hitzarmena sinatu dute Bilbon, behategia sustatzea helburu.
2012an Hekimenek eta hainbat ikerketa taldek Euskal Hedabideen Behategia sortzeko hasitako bideak beste urrats bat egin du, elkarteak eta EHU, Mondragon eta Deustuko unibertsitateek ostegun goizean sinaturiko hitzarmenarekin.
Lankidetza horrek helburu ditu, besteak beste, euskal hedabideen datu basea egitea, prospektiba lanak, irakasle eta profesionalen komunitatea sortzea eta oro har euskal hedabideen sektorea “indartsuago eta eraginkorragoa” egitea.
Bilboko EHUko Bizkaia Aretoan egindako ekitaldian izan dira Hekimeneko zuzendari Alberto Barandiaran, Fernando Plazaola EHUko Ikerketa arloko errektoreordea, Deustuko Unibertsitateko errektore Jose María Guibert eta Mondragon Unibertsitateko errektore Vicente Atxa.
Erakunde sinatzaileek prentsaurrean azaldu dutenez, hitzarmenak hedabideen sektorearentzat ez ezik unibertsitateko ikerlarientzat ere garrantzia handia dauka, behategiak elkarlanerako gune berria irekitzen duelako euskal hedabideen eta komunikazioko adituen artean.
2012tik ikertaldeak lanean
Hekimen elkartea 2012an sortu zen eta hasieratik jarri zuen helburutzat unibertsitateekin ikerketarako gune bat sustatzea hedabideen errealitatea hobeto ezagutu ahal izateko.
Urteotan unibertsitate horietako hainbat ikerketa talderekin aritu dira harremanetan, Gipuzkoako Foru Aldundiaren eta Udalbiltzaren babesarekin. Lan horren ondorioz, besteak beste euskal hedabideen datu basea diseinatu eta garatu da.
Datu base horrek Hekimen osatzen duten komunikabideen finantzazio, egitura eta audientzia datuak bilduko ditu eta tresna garrantzitsua izango da sektorearen eboluzioa neurtzeko. Era berean, interneteko kontsumoari buruzko informazioa sistematikoki biltzeko Hekimen Analitycs programa garatu da.
Sinaturiko hitzarmenari esker, lan horri jarraipena emateko lankidetza markoa ezarri da Hekimenen eta erakunde akademikoen artean.
Datozen eraldaketa sakonen aurrean euskarazko hedabideek iraungo badute, erakunde publikoei prozesuak azkartzeko laguntza eta konpromisoak eskatu dizkie Hekimenek, herri ekimeneko euskarazko hedabideen elkarteak.
Trantsizio digitalarengatik eta lehengaien garestitzeagatik, 2023 urtea zaila izan dela nabarmendu du Hekimeneko zuzendari Igor Astibiak
Iazko urteak eman duenaren azterketa eta 2023an dauden erronka nagusiak jasotzen ditu Behategiaren urteroko argitalpenak. Azken horien artean dago digitalizazioaren eta adimen artifizialaren garapena baliatzeko urrats sendoak eman beharra; dela eleaniztasuna, ikus-entzunezkoak,... [+]
Hedabideak laguntzeko Eusko Jaurlaritzak aurten egindako bi dirulaguntza deialdi aztertu ditu herri ekimeneko euskal hedabideen elkarteak, eta ondorioztatu du “baliabide handitze nabarmena” behar dela sektorea egonkortzeko, berrikuntza prozesuak sustatzeko eta... [+]
Jabetza intelektuala beti da garrantzitsua, sarri arazo iturri ere bai, eta horregatik mundu osoan ondo araututa dagoen esparrua da. Merkatua jaun eta jabe, eta salerostea eta lehia horren garrantzitsua den kapitalismoan, jabetza intelektuala batez ere copyright zigiluarekin... [+]
Ikus-entzunezkoen Espainiako legea onartzeko prozedura azken txanpan dela, une erabakigarria dela eta “gure hizkuntzaren presentzia duina bermatzeko” legeak hainbat puntu jaso beharko lituzkeela gogoratu dute Euskalgintzaren Kontseiluak, Euskaltzaleen Topaguneak,... [+]
Bingen Zupiria sailburuak Legebiltzarrean eman dituen azalpenak entzun ondoren, Hekimen elkarteko zuzendariaren arabera ezinbestekoa da COVID-19aren ondorioei aurre egiteko Jaurlaritzak emandako laguntzak gainerako euskarazko komunikabideei zabaltzea.
Eusko Jaurlaritzak COVID-19ak eragindako kalteak arintzeko asmoz zenbait komunikabideri emango dien laguntza gainerako euskarazko komunikabideei zabaltzeko eskatzen du Hekimen Euskarazko Hedabideen Elkarteak.
Donostia, irailak 14, Bingen Zupiria Kultura sailburua Euskarazko Komunikazioaren EHUko ikastaroetan: “Euskarazko hedabideak lerratuegiak daude posizio politiko-ideologiko batzuetara”. Ez da egokia argia izan behar duena ilun agertzea. Sikiera aukera izan bagenu... [+]
Euskarazko komunikazioa 2020ko hamarkadan, horixe izan zen EHUko Udako Ikastaroetan irailaren 14an eta 15ean Donostian landu zen gaia. Euskal Hedabideen Behatokiak antolatu zuen gogoeta, Hekimen herri ekimeneko hedabideen elkartea eta EHUko Nor ikerketa taldearekin batera... [+]
Dirulaguntza eredu berria adostu dute Eusko Jaurlaritzak, EAEko hiru foru aldundiek eta herri ekimeneko hedabideen Hekimen elkarteak. Itunak 2019-2021 urteetarako balio du.