Gazteen hamarretik bakarrak dauka etxebizitza erosteko ahalmena EAEn
Egun alokairuak hipotekak baino 60 euro garestiagoak dira, eta gazte askok euren diru sarreren %40 baino gehiago bideratzen dute errenta ordaintzeko, Jaurlaritzaren azken txostenaren arabera. Honen aurrean, etxebizitza-premia duten gazteen gehiengoek Gobernuak babesturiko bizileku gehiago eraikitzearen beharra azpimarratzen dute.
Araba, Bizkaia eta Gipuzkoako 30-34 urte bitarteko hamar gazteren artean zazpi emantzipaturik daude, eta gurasoen etxetik emantzipatzeko batez besteko adina 29,8 urtekoa da. 18 eta 34 urte bitarteko hiru gaztetatik soilik bakarra dago independizatuta, guztien %30 gutxi gora behera. Datu horiek Eusko Jaurlaritzak jaso ditu “Gazteak, emantzipazioa eta etxebizitza-premia Euskadin” ikerlanean 2023an egindako inkestekin.
Emantzipatutako 18 eta 34 urte bitarteko gazteen %44,5 alokairuko etxebizitza batean bizi diren arren, jabetzako bizitokia hobesten dute gazteek. Hala ere, ez dute diru-sarrera nahikorik edo egonkorrik etxebizitza bat erosi ahal izateko errentapean bizi direnen hamarretik bederatzik adierazi dutenez. Gazte hauek maiz diru-sarreren %40a baino gehiago bideratzen dute errenta ordaintzeko, egun hileko hipoteka-ordainketak baino 60 euro garestiagoak baitira alokairuak. Orain lehen baino murritzagoa da errenta-gastuen eta hipoteka gastuen arteko aldea Jaurlaritzako Gazteriako zuzendaria den Miren Salatxagak berretsi duenez.
Txostenean gailentzen da emantzipatutako gazteen %12,1 bakarrik bizi dela babestutako etxebizitza batean. Emantzipazio prozesua hasiko duten erdiak (%53,5ak) bakarrik ezagutzen du Etxebideren Etxebizitza Zerbitzu Publikoa, eta horien %36 soilik dago instituzioaren etxebizitza-eskatzaile gisa izena emanda.
Emakumeek eta atzerritarrek emantzipatzeko jaidura handiagoa
Azterlanean azaltzen da EAEko gazteek tradizionalki emantzipatzeko joera dutela; bikotekidearekin partekaturiko jabetzako etxebizitza baten alde egiten dute. Txostenak ere erakutsi du ageriko diferentzia dagoela “sexu eta jatorriaren arabera”. Gizonen aurrean emakumeek emantzipatzeko jaidura handiago dute, %34,4, %26ren aldean. Gisa berean, gazte atzerritarren emantzipazio-tasa %8,4 puntu altuagoa dela aditzera eman du ikerlanak.
Etxebizitza berriaren lokalizazioari dagokionean, gazteen %60k euren udalerritan emantzipatu nahiko luketela agerian jarri du; lantokiarekiko hurbiltasuna baino sozializazio-zirkuluarekiko gertutasuna nahiago dute gazteek.
Valentziako tanta hotzaren kudeaketa txarrak aldaketa ekarri du muturreko eguraldiagatik izan daitezkeen alerten inguruan, “neguko” lehenengo denboraldian agerian geratu den bezala. Hego Euskal Herrian ibaiek gainezka egingo zutelako mehatxuaren aurrean, hainbat... [+]
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Lau hilabeteko eta lau urteko bi ume dituen familia bat etxetik bota dute astelehen goizean Bilbon. AZET Etxebizitza Sindikatua azken egunotan etxegabetzea bide judizialetik geldiarazten saiatu bada ere, astelehen goizean bota ditu poliziak etxetik. Manifestazioa deitu dute... [+]
Abenduaren 14an etxebizitzaren negozioaren aurkako manifestazioa egingo dute Bilbon, etxebizitza sindikatu nagusiek deituta. “Doako eta kalitatezko etxebizitzaren alde eta politikarien eta instituzioen fartsaren aurka” mobilizatzera dei egin dute. Ane Salvador... [+]
Etxebizitza Sindikatu Sozialistak eta Harituk antolatuta, manifestazio bat izan zen ostegun arratsaldean Iruñeko Alde Zaharrean. "Etxebizitzaren negozioaren aurrean, eta hura sustatzen duten politikarien aurrean, etxebizitza eskubide unibertsalaren benetako defentsa... [+]
Abenduaren 14an Bilbon etxebizitzaren negozioaren aurkako mobilizazio nazionala antolatu dute Euskal Herriko Etxebizitza Sindikatu Sozialistak eta Euskal Herriko Etxebizitza Sindikatuen Sareak. Ia 200 izan dira auziarekiko elkartasuna adierazi duten eragileak.
Horren nabarmenki izan ez bada ere, Gipuzkoako gainontzeko lurraldeetan ere gora egin du etxebizitzaren prezioak. Modu berean higiezinen salerosketa ere handiagotu egin da, antza inflazioaren eta interes tasen jaitsiera dela eta, Gipuzkoako Higiezinen Jabetzako Agenteen Elkargo... [+]
Alokairuen bidezko espekulazioa oztopatzeko neurria azaroaren 25etik goiti izanen da indarrean Ipar Euskal Herrian. Momentuko, tentsiopean diren Lapurdiko 24 herriei eraginen die: Ahetze, Angelu, Arbona, Arrangoitze, Azkaine, Basusarri, Baiona, Biarritz, Bidarte, Biriatu,... [+]
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Lanaren Ekonomiaren 8. denboraldia etxebizitzaren gatazkari helduz hasi da, Karla Pisano, Roser Espelt, Miguel Virizuela eta Argiako Jon Tornerrekin. Bi barikutan behin 11:00tan izango da irratsaioa.
