Euskal Elkargoaren baitako talde politiko bat sortuko du Peio Etxelekuk
Peio Etxelekuk (EAJ) iragarri du Elgarrekin herriarentzat taldearen sorrera, beste 35 hautetsirekin batera, eta haiei batzera deitu dituzte elkargoko partaide guztiak. “Ildo ezberdinetako hautetsiak” biltzen dituela jakinarazi dute, herri txikietakoak dira gehienak, eta instituzioaren “deszentralizazioa” dute helburu, besteak beste.
Azaroaren 11n igorri zieten gutuna Euskal Hirigune Elkargoko hautetsiei, gonbidatzeko instituzioaren baitan sortuko dute talde politikora batzera. Peio Etxeleku Ipar Buru Batzarreko presidenteak bultzatu du Elgarrekin herriarentzat izenez iragarri duten taldea, eta beste 35 hautetsik izenpetu dute dagoeneko.
Elkargoak 2021eko martxoaren 20an eginiko biltzarrean erabaki zuten aukera dagoela 20 hautetsitik gorako talde politikoak sortzea, instituzioaren barnean. Gutunean azaldu dutenez, etiketa politikorik gabeko “talde askotarikoa” izango da, eta abendu hasierarako sortzea espero dute, Berria egunkariak jasotzen duenez. Sinatzaileen zerrendako izen ugari jeltzaleak dira, baina sustatzaileek azaldu dute “alderdi politikoetatik independentea” izango dela taldea, eta “gobernantza berri baten alde” egingo dutela.
36 hautetsietatik gehienak herri txikietakoak dira, eta, aurreratu dutenez, Ipar Euskal Herriko instituzio honen egitura “deszentralizatuago” bat dute helburu: “Aldarrikatzen dugu gure elkargoaren antolakuntza politiko eta administratiboak gure herriak eta lurraldeak errespetatu behar dituela”. Hortaz, “herri txikien alde” egiteko batu dira, baina ziurtatu dute “interes komuna eta lurralde osoaren zerbitzatzea” izango dutela ardatz. Ipar Euskal Herriko lurraldeen arteko desorekari aurre egin nahi diote.
EH Bai ere talde bat prestatzen
Etxelekuk bultzatutakoaz gain, elkargoan beste talde politiko bat eratzeko prestatzen ari dira, Kazeta.eus-ek jakinarazi duenez. EH Bai da sustatzailea, eta hautetsi abertzale eta ezkertiarrak bilduko lituzke; halere, ez luke EH Bairen izena izango. Oraindik ez dute eskaera ofizialik egin, baina Kazeta.eus-en arabera jada badute 20 hautetsiren zerrenda.
Elgarrekin herriarentzat taldearen sinatzaileak:
Alexandre Bordes. Erango (Bidaxuneko lurraldea).
Christine Erdozaintzi-Etxart. Arhantsusi (Iholdi Ozitbarre).
Christian Guillemin. Arrueta-Sarrikota (Amikuze).
Emmanuelle Dallet. Basusarri (Errobi).
Michel Lahorgue. Basusarri (Errobi).
Pascal Neguelouart. Behorlegi (Garazi Baigorri).
Daniel Daraspe. Berrogaine-Larüntze (Zuberoa).
Guillaume Barucq. Miarritze (Euskal Kostaldea-Aturri).
Michel Etxeberri. Lekuine (Hazparneko lurraldea).
Bruno Jauriberri. Duzunaritze (Garazi Baigorri).
Peio Etxeleku. Kanbo (Errobi).
Gerard Bidegain. Garruze (Amikuze).
Philippe Masse. Haltsu (Errobi).
Anne-Marie Nadaud. Heleta (Hazparneko lurraldea).
Jean-Louis Etxart. Ilharre (Amikuze).
Xavier Lacoste. Irisarri (Iholdi Ozitbarre).
Marc Labeguerie. Jatsu (Errobi).
Francis Dagorret. Bastida (Hazparneko lurraldea).
Patrick Etxegarai. Landibarre (Iholdi Ozitbarre).
Ximun Akozeberri. Larraine (Zuberoa).
Laurence Samanos. Larresoro (Errobi).
Jean Pierre Harriet. Luhuso (Errobi).
Alain Dubois. Makea (Hazparneko lurraldea).
Herve Damestoi. Lekorne (Hazparneko lurraldea).
Pascal Dantiacq. Oragarre (Amikuze).
Manuel De Lara. Donibane Lohizune (Hego Lapurdi).
Manuel Vaquero. Donibane Lohizune (Hego Lapurdi).
Regine Larranda. Donoztiri (Hazparneko lurraldea).
Pierre Eiherabide. Donazaharre (Garazi Baigorri).
Andre Larralde. Donaixti (Iholdi Ozitbarre).
Beñat Arrabit. Arrosa (Garazi Baigorri).
Thierry Sansberro. Zuraide (Errobi).
Laurent Intxauspe. Donibane Garazi (Garazi Baigorri).
Michel Idiart. Lasa (Garazi Baigorri).
Claire Dutaret-Bordagarai. Uharte-Garazi (Garazi Baigorri).
Marc Saint Esteven. Milafranga (Errobi-Aturri).
Lehen aldia izanen da Europako funtsak zuzenean kudeatzen ahalko dituela Euskal Hirigune Elkargoak, Akitania Berriko eskualdearen esku hartzerik gabe. 10,8 milioi euroko diru-funtsa izanen da, 2024 eta 2027 artean baliatu beharrekoa.
Euskal Hirigune Elkargoko kontseiluak proposatutako Idorte Planaren neurrietako bat da. Neurriaren lehentasunaren eta osasun-ondorioen inguruko kezkak areagotu dira.
Botere eta diru laguntza gehiago galdegin dizkio Euskal Hirigune Elkargoak Frantziako Gobernuari, lekuko etxebizitza politika azkar bat abiatzeko. Horretarako, AOH Etxebizitza Antolatzeko Autoritatea bilakatu nahi luke.
Euskal Hirigune Elkargoan elikadura eta laborantzaren ardura du Isabelle Pargadek. Laborantza lurren desagerpenari buruz galdetu dio ARGIAk, eta lehen sektorearen funtsa guzion plateretan ageri denez, elikadura burujabetzaz hitz egiten bukatu dugu.
Lapurdi kostaldeko 24 hirietan etxebizitza turistikoa alokatuz gero, jabeak ondasun bat gehiago eskaini beharko du iraupen luzeko alokairu kontratupean, hiri berean eta azalera baliokidearekin.
Ipar Euskal Herrian euri gutxi egin duela eta idorte egoeran daudela argudiatuz, krisi bilera deitu du Euskal Elkargoak. 100.000 botila ur eskatuak ditu, behar izanez gero edateko ura segurtatzeko herritarrei.
Ezaguna den bezala, Frantziako Estatuak ez die uzten Ipar Euskal Herriko ikasleei Brebetaren azterketa euskaraz egiten. Brebeta da, 14-15 urteko ikasleei estatuak kolegioko eskolaratzea gainditu dutela ziurtatzeko ematen dien diploma.
169 aldeko boz, 8 kontra eta 33 abstentzio. Euskal Hirigune Elkargoko osoko bilkurak, bizitegi turistikoen arautzea deliberatu du, konpentsazio sistema baten bidez.
Bost urte bete berri dituela, Euskal Hirigune Elkargoaren egitasmo estrategikoak kazetariei zerrendatzeko tartea hartu du Jean-René Etxegarai presidenteak. Ipar Euskal Herriarentzako tresna juridiko eta baliabide ekonomiko gehiago eskatu ditu: "Ez da aldarrikapen... [+]
Euskal Hirigune Elkargoan hizkuntz politikaren eta kulturaren arduradun Antton Kurutxarri izan da Goiz Berri-n gomita. Baionako kontserbatorioko presidentea ere da.
Berriz ere hauteskundeak dituzte Lapurdiko, Nafarroa Behereko eta Zuberoako hautesleek ekainaren 20an eta 27an. Departamenduko eta eskualdeko kontseilariak izendatuko dituzte. Abertzaleei dagokienez, EH Bai koalizioa bakarrik departamendurako aurkezten da eta EAJk erabaki du... [+]
Etxegabeen gerizatzeko hamar Tiny-House edo etxola mugikor instalatuko dituzte Atherbeak eta HSA Habitat Sud Atlantic egiturak uda huntatik goiti Baionan eta Miarritzen. Euskal Elkargoak lur eremu bat utzi die Miarritzen eta Baionako herriko etxeak beste bat Baionan (mise... [+]
Gure historiaren parte diren emazteak argitara ekartzearen helburuarekin abiatu zen Bask’elles egitasmoa. Adar anitzez osatu proiektua da, erakusketa bat, liburu bat, kolegio eta lizeoko ikasleekin lan bat, eta karriken izenak.
Uztaritzeko auzapeza da Bruno Carrere, abertzaleez ere osaturiko Uztaritze Bai zerrendakoa. Euskal Hirigune Elkargoaren batzorde eragilean presidenteorde da, “lurraldearen antolaketa iraunkorraren” kargua betetzeko izendaturik. Ardura potoloa du esku artean, Ipar... [+]
Herrietako hauteskundeetan emaitza onak lorturik, Euskal Hirigune Elkargoan araberako ordezkaritza eskuratu nahian dabiltza abertzaleak. Uztailaren 31n bozkatuko den batzorde iraunkorrean sartzeko asmoarekin dira, ondotik hortik direlako izendatuko batzorde eragileko kargudunak... [+]