Euskadiko PPk kongresua egingo du azaroan, eta Iturgaizek kargua utziko du
Sei urteko atzerapenaren ondoren, "kongresu demokratikoa" egingo du Euskadiko Alderdi Popularrak abendua heldu baino lehen. Laura Garrido eta Javier de Andrés dira hautagaiak.
Araba, Bizkaia eta Gipuzkoako militante popularrek azken sei urtetan ez dute haien alderdiaren zuzendaritza-egitura erabakitzerik izan. 2017an egin zuten azken kongresua, Alfonso Alonsoren hautagaitza berresteko, nahiz Alonso, ofizialki, Mariano Rajoy-ren aginduz jarri zen agintean, Euskadiko PPren zuzendaritza batzordeak ezohiko bilera batean. Ez da formula arraroa: Antonio Basagoiti eta Arantza Quiroga ere modu berean jarri zituzten agintean, eta handik urte gutxira kongresua egin, kolokazioa "demokratikoa" izan dela berresteko.
Madrilgo Genova kaleko hamahirugarrenean lurrikararik bada, errepikapenak heldu ohi dira lehendakaritza autonomikoetara. Alfonso Alonsoren ikuspegi foralista, Núñez Feijóo-ren estilokoa, gustatzen zitzaion Rajoy-ri. Ez, ordea, Pablo Casadori. Azken horren agintea oso zentralista izan da Rajoy-renarekin alderatuta. Casadok kendu zuen Alonso 2020an, eta hamabost urte itzalpean zeramatzan Carlos Iturgaiz-en figura berpiztu zuen.
Casadoren garaia amaituta, Iturgaiz-en lehendakaritza ere bukatzear egon daiteke. Núñez Feijóok esana du "kongresu demokratikoa" egin behar dela Euskadiko PPn, eta alderdiaren presidente autonomikoa hautatu –eta lehendakarigaia ere bai, figura bakarrean zentratu ohi direlako bi ardurak–.
Okerrik ezean udaberrian egingo dira Eusko Legebiltzarrerako hauteskundeak, eta hori baino hilabete batzuk lehenago zuzendaritza-taldea berritu beharko du Euskadiko PPk.
Bi hautagaien artean
Hainbat komunikabideren arabera, Laura Garrido –egungo idazkari nagusia eta aurpegi ezaguna– eta Javier de Andrésen artean egongo da lehia. Azken hau, gaur egun, Espainiako Diputatuen Kongresuan legebiltzarkidea da, eta iraganean, Arabako PPren presidentea, Arabako Diputatu Nagusia –2011tik 2015era– eta Espainiako Gobernuaren ordezkaria izan da.
Iturgaizek ez du karguan jarraituko. Astearte honetan baieztatu du "erreleboa emateko momentua" iritsi dela.
L5 lineak Euskotrenen ibilbidea aldatuko du, eta geltoki batzuk eraitsiko dituzte, tartean Usansolokoa. Trenaren ibilbidea lurperatuko dute eta beste geltoki batzuk gehituko dituzte. 2022an, Eusko Jaurlaritzak linea horren jatorrizko proiektua aldatu zuen Usansoloko geltokia... [+]
“PPko polizia patriotikoak” Barne Ministerioaren datu-baseen bitartez, Podemoseko politikariak espiatu zituela informatu du El Paísek, horien artean Pablo Iglesias, Yolanda Díaz, Ione Belarra edo Irene Montero. Espainiako Estatu osoko autonomia erkidego... [+]
Valentziako Hezkuntza Kontseilaritzak 16 hizkuntzetatik bederatzitan murrizketak jakinarazi dizkie Hizkuntza Eskola Ofizialei, eta euskal hizkuntza da okerren geratu dena.
El Diario egunkari digitalak argitaratu du Ertzaintzaren txostena. Honela dio: “Espainiako Inteligentzia Zerbitzuak beraien Gasteizko langileak mobilizatu zituen ETA Al Qaedarekin lotu ahalko zuen informazio bila”. Dokumentuaren arabera, Italiako web orri bat... [+]
Gustavo Antépara Gasteizko Alde Zaharrean pisu turistikoak baimenik gabe ustiatu dituela eta bertan obra “klandestinoak” egin dituela argitaratu zuen ARGIAk 2023ko apirilean. Maiatzeko hauteskundeen osteko berregituraketan, Arabako eta Gasteizko PPko kide... [+]
Pedro Sánchezen eta Amnistia Legearen aurka antolatu dituzte manifestazioak, “espainiarren berdintasuna” aldarrikatzeko. Hego Euskal Herriko jendetsuena Iruñekoa izan da: 6.000 elkartu dira. Bilbon gizon bat atxilotu dute eta beste hiru identifikatu.
Espainiako Gobernurako presidentegaia aukeratzeko elkarrizketak egin ditu Espainiako errege Felipe Borboikoak. Francina Armengolek, Espainiako Kongresuko Mahaiko presidenteak, jakinarazi du erregeak Feijóo aukeratu duela.
Udal komunikazioetarako hizkuntza lehenetsia zen katalana duela 36 urtetatik; orain, berriz, udalak osatu berritan, legea atzera bota du Vox eta Alderdi Popularraren arteko koalizioak. Funtzionarioek herritarrekin halabeharrez gazteleraz komunikatu beharra dute orain.
"Garaipena azkenekoz lortu genuenetik zazpi urtera, berriro irabazi ditugu hauteskunde orokorrak", adierazi du PPko presidentegai Alberto Núnez Feijóok. "Harro nago horregatik. Eskerrik asko!".
EH Bilduk irabazi ditu Kuartangoko Udalerako hauteskundeak, baina EAJrentzat izango da alkatetza, PPrekin hitzartua baitu. PPtik hautatu zuten zinegotziak, baina, postuari uko egin dio arrazoi pertsonalengatik, eta bere ordezkoa –PPko zerrendan bigarrena– Juan Pablo... [+]
EH Bilduk baino boto gutxi batzuk gehiago lortuta irabazi du EAJk Araban foru hauteskundeetan, eta eserlekuei dagokionez, bat gehiago besterik ez lukete lortuko jeltzaleek EH Bilduk baino, behin betiko azken emaitzen faltan. PPk eserleku bat irabaziko luke, eta PSEk eta... [+]
EH Bilduk eskuratu ditu Gipuzkoako Batzar Nagusietarako bozik gehien: 120.578 bozekin, 22 batzarkide lortu ditu, 2019ko hauteskundeetan baino 5 gehiago. EAJk, PSE-EEk eta Podemosek behera egin dute: EAJk 17 batzarkide lortu ditu, aurrekoan baino 3 gutxiago. PSE-EEk 7 batzarkide... [+]
Abstentzio handiko hauteskundeak izan dira, eta lehia handiena EAJ eta EH Bilduren artean izan da: lehenengoak behera egin du eta bigarrenak gora. Nafarroako Legebiltzarrean UPNk mantendu du 2019ko garaipena, eta PSNk bigarren postua. Araba eta Bizkaiko Batzar Nagusietan, EAJk... [+]