.eus munduko domeinu berri onenen artean
2014an sareratu ziren eta martxan dauden 783 domeinu berrietatik 4. postuan dago. Argia.eus 12. da “konfiantza-fluxu” onena duten webguneen artean.
Globe Runner enpresa estatubatuarrak ikerketa egin du 2014an sareratu ziren domeinu berrien artean. Urte hartan eman zuen baimena ICANNek 1.300 domeinu berri interneten aritzeko eta horietatik 783 daude martxan.
Ikerketa horren arabera, domeinuen kalitateen rankingean .eus laugarren postuan dago, .nrw, .scot, . brussels-en atzetik. .eus fundazioak azaldu du ikerketa horrek agerian uzten duela “.eus erregistratzen duten webguneek domeinua erabiltzeaz gain kalitatezko edukia sareratzen dutelako, beste domeinu batzuetan ez bezala. Kantitateari erreparatuta, aldiz, 4.370 domeinu-izen erregistratuta, domeinu berrien artean 236.a da .eus”.
Argia.eus TOP20aren barruan
Globe Runnerrek domeinu berriak erabiltzen dituzten mundu osoko 20.000 webgune ere aztertu ditu. Zehazki, haien “konfiantza-fluxua” neurtu du, eta TOP20aren barruan hiru euskal webgune ageri dira: eitb.eus (4. postuan) berria.eus (9. postuan) eta argia.eus (12. postuan).
Zerrenda horren lehen postuan Ipar Renania-Westfaliako land alemaniarraren webgune ofiziala dago (land.nrw); bigarrenean Eskoziako Gobernuarena (gov.scot); eta hirugarren postuan ageri da Bruselako Hiriburu eskualdearena (be.brussels). TOP20aren barruan daude, baita ere, software libreko multimedia-zentro ezagun baten erabiltzailearen gida, Erresuma Batuko gay eta lesbianen fundazioa, edota Bretainiako eskualdearen webgunea, besteak beste.
Zerrenda osoa hemen ikus dezakezu.
Puntueus domeinuak hamarkada bete du apirilaren 15ean, eta EITBren Bilboko egoitzan ospatu du Puntueus fundazioak. Gaur arte lortutakoa goraipatu dute, eta 2024 urterako kanpaina berria iragarri.
PuntuEus-ek duela hamar urte abiatu zuen ibilbidea, 92 domeinurekin. 13.000 baino gehiago ditu gaur egun, euskal kultura interneten sendotzen jarraitzeko asmoz.
Puntueus Fundazioak eta Guebs enpresak garatu dute Ni.eus euskarazko e-mail zerbitzua.
Maiatzaren 17an ospatuko den Informazio Gizartearen Nazioarteko Egunaren harira Euskarazko Interneten Eguna antolatu dute PuntuEUS Fundazioak eta Kulturaz Kultur Kooperatibak. Sarean euskararen erabilpena sustatzea izango du helburu.
Korrikaren 19. edizioak irauten duen bitartean “.eus” domeinuak merkeago eskuratu ahalko dira.
Josu Waliño PuntuEus Fundazioaren zuzendariak ARGIAri egindako adierazpenetan esan du 2.000 ‘.eus’ domeinutara iristear daudela. 700 erakunde eta norbanakok jarri dute ‘.eus’ abizena 24 ordutan.
ARGIAren webguneak helbide berria du urriaren 15etik aurrera. Argia.com-etik Argia.eus izatera pasa gara, euskararentzat eta euskal kulturarentzat sortutako domeinua gure eginez.
Abian da “.eus” domeinua. Larunbatean PuntuEus Fundazioak Bilboko Kafe Antzokian egindako agerraldiarekin batera aktibatu dira lehen webgunetako domeinuak. Falta direnak datozen egunetan abiatuko dira.
PuntuEus fundazioak jakitera eman duenez '.eus' domeinuak abian dira. Lehen gunea prest dago: www.domeinuak.eus.
Interneteko izen eta zenbakiak esleitzeaz arduratzen den ICANN korporazioak .gal domeinua sortzeko kontratua sinatu du. Puntogal elkartea 7 urtez egon da lanean galiziar kulturaren eta hizkuntzaren adierazgarria izango den tresna sortzeko.
Euskararen eta Euskal Kultur Komunitatearen .eus domeinua onartu du ICANN erakundeak, urtebeteko ebaluazio fasearen ostean. PuntuEus fundazioa arduratuko da domeinuaren kudeaketaz eta kontrolaz.
