Europaz hausnartzeko hitzaldi bira egingo du Askapenak
Maiatzaren 23an hasi eta ekainaren 2ra bitartean Euskal Herriko hainbat txokotan hitzaldiak antolatu ditu Askapenak. Europar Batasunaren inguruko kritika zabala den arren, ezjakintasuna handia dela ondorioztatu dute. Azken aldian Askapenak begirada Europan du eta egoeraren aurrean, auziaz jarduteko hitzaldiak iragarri dituzte. Gonbidatu berezien laguntzaz, egungo egoeraz hausnartuko dute.
Mezu argia zabaldu dute prentsari bidalitako oharrean. Herritarrei burujabetzaren garrantziaz ohartarazi die, eta egungo egoera zailaren aurrean, “tresnak” behar direla nabarmendu dute: “Herriok ez dugu burujabetzarik, egun. Ez dugu gure klase interesak defendatzeko tresna egokirik, eta gure artean borrokatzera bultzatzen gaituzte, bai gerra inperialistetan, bai gure herrietan, xenofobia, arrazismoa eta lehiakortasuna sustatuz. Eliteek zapaldurik nahi gaituzte, geldi eta isilik, burujabetzarik gabe, geure baliabideen kontrolik gabe”
Bost gonbidatuk hartuko dute parte hitzaldi biran: Arnau Carné (Endavant, Herrialde Katalanak), Errikos Finalis (KOE, Grezia), Christine Gerber (interventionistiche Linke, Alemania), Marta Collot eta Lorenzo Trapani (EuroStop, Italia), eta Alexey Albu (Borotba, Donbass). Europako herrialde ezberdinetatik etorritako kide ezberdinekin, Europar Batasuneko eraginez hitz egiteko parada izango dute parte-hartzaileek. Horrez gain, hitzaldiek Europako ezkerrak etorkizunari begira dituen erronken inguruan hausnartuko balioko dute .
Honako hau da egitaraua, herriz-herri:
Maiatzak 23:
- Donostian 19:00etan Marruma taberna
Faxismoari aurre egiten Europan
Alexey Albu (Borotba, Donbass)
- Bilbo ( Lekua zehazteko)
Europar Batasunaren bihotzetik erresistentzia oihuak
Christine Gerber (Interventionistiche Linke, Alemania)
Maiatzak 24:
- Erromon 19:00etan Kultur etxean
Faxismoaren gorakada Europan
Marta Collot - Lorenzo Trapani (EuroStop, Italia)
Alexey Albu (Borotba, Donbass)
Christine Gerber (Interventionistiche Linke, Alemania)
Maiatzak 26:
- Altsasun Gure etxea eraikinean. Bi hitzordu:
Ordezkari guztiekin mahai ingurua
11:00 - Europar Batasunean burujabe?
17:00 - Inperialismoak milaka aurpegi ditu
Maiatzak 29:
- Gasteizen 19:00etan Landatxo aretoan
Europar Batasunaren aurkako esperientziak
Marta Collot - Lorenzo Trapani (EuroStop, Italia)
Alexey Albu (Borotba, Donbass)
Arnau Carné (Endavant, Herrialde Katalanak)
Maiatzak 30:
- Arrasaten 18:30etan Irati Topalekuan
Gerra Europaren bihotzean
Alexey Albu (Borotba, Donbass)
Ekainak 1:
- Iturraman 19:00etan Erletokietan
Inperialismoari aurre egiten
Alexey Albu (Borotba, Donbass)
Ekainak 2:
- Iruñean 17:00 Baratxurien plazan (Alternatiben Herria)
5 errezeta burujabetza prozesurako
Alexey Albu (Borotba, Donbass)
Venezuelan dauden Askapena talde internazionalistaren brigadistekin hitz egin du ARGIAk, hauteskundeen osteko egoeraz eta etorkizunaz.
Euskal Herria Bizirik eta Askapena brigada bat antolatzeko elkartu dira. Europan lurraldearen defentsan dauden bi borroka bisitatuko dituzte: Lurraren Altxamenduaren borroka Frantziako Estatuan, eta NO TAV mugimendua Italian.
Abya Yala historia zapalkuntzaz beteriko bizitza dela esan daiteke. Bertako aberastasun naturalek paper garrantzitsua betetzen dute munduko burgesiaren metatze prozesurako.
Europako, Ekialde Hurbileko eta Abya Yalako askapen borroken ezagutza euskal herriratzea izango da brigadisten lana. Askapenak azpimarratu du elkartasun internazionalista herrien arteko "ezinbesteko tresna" dela eta munduko beste herri langileei babesa eta elkartasuna... [+]
“NATO buru duen azken ofentsiba inperialistari aurre egiteko eta Euskal Herri antiinperialistaren aktibazioa aldarrikatzeko” antolatu dute deialdia Askapenak, NATOren eta Europako Batasunaren Aurkako Herri Plataformak eta Bardea Orain taldeek. Martxoaren 11n egingo... [+]
Internazionalismoak "herrion askapen nazional eta sozialean" daukan garrantzia mahai gainean jartzeko eta udagorritzen daramaten urteek "etenik izan ez dezaten", bueltan dira brigadak bi urteren ostean, 35 urte udagorritzen! lelopean.
Zortzi hitzaldi eta tailer eskainiko ditu Askapenak, nazioarteko hizlariekin.
Datorren azaroaren 30ean, Donostiako Epaitegiaren aurrean 11:15ean kontzentrazioa deitu dute Kaxilda liburutegiak, Biladi elkarteak eta Askapena mugimenduak. Egun horretan bere burua sionistatzat definitzen duen Fadi Hassan palestinarraren aurka epaiketa dute Kaxildako kideek... [+]
COVID-19ak eragin duen egoera gogorra munduko beste herri batzuk nola bizitzen ari diren jakiteko, hitzaldi zikloa abiatuko du Askapenak. Boterea nola berrantolatuko den eta internazionalismoak egin dezakeen ekarpena aztertuko dute hainbat gonbidaturen eskutik. Maiatzaren 9an... [+]
Gizakiok libre ote garen, edo hala sentitzen ote garen, erantzuten zailak diren galdera handi eta konplexu horietako bat da, ñabardurarik gabeko jarrera irmorik erraz onartzen ez duten horietakoa. Nik behintzat hala uste dut, iruditzen zaidalako berdin defenda nezakeela... [+]