Europar Batzordeko kide ohien interes gatazkei buruzko ikerketa abiaraziko du EBko arartekoak
EBko Ombudsmanak (Arartekoak) ikerketa hasi zuen atzo, Europar Batzordea utzi eta lobbyetara edo bestelako aholkularitza lanetara joaten direnen interes gatazkei buruz. 'Ate birakari' esan ohi zaie halako mugimenduei (kontrako noranzkoan ere gerta daitezke). Iazko urrian CEO, Greenpeace, Lobbycontrol eta Spinwatch elkarteek jarritako salaketa aintzat hartuta erabaki du Ombudsmanak ikerketa abian ipintzea, erakundeok jakinarazi dutenez.
Gobernuz kanpoko lau erakundeek salaketan adierazi zutenez, Europar Batzordea ez da behar bezala jokatzen ari interes gatazka horiei mugak jartzeko garaian. Hala, interes pribatuek politika publikoetan gehiegizko eragina izan dezaten ahalbidetzen ari da Batzordea, nahi gabe bada ere.
Ombudsmanak interes gatazkarik egon zitekeen azken urteetako kasu guztiak arretaz aztertuko ditu, bere momentuan behar bezala ikertu ez ziren xehetasunen bila. Gaur egungo araudiaren arabera, Europar Batzordea uzten dutenen balizko interes gatazkak ondo aztertu behar dira sektore pribatuan lanpostu bat hartu aurretik. “Erakundearen bidezko interesekiko” balizko gatazka bat atzemanez gero, Europar Batzordeak eskumena dauka lan-aldatzea debekatzeko, edo hari baldintzak ezartzeko.
Ombudsmanak arauok gogortzeko gomendatu lezake bere ikerketa egin eta gero. “Arazo sistemiko baten zantzurik balego, oraingo salaketari dagokion ikerketa itxi eta beste bat irekiko dut, zabalagoa”, adierazi du europar Arartekoak. Izan ere, gorago aipatutako lau GKEen salaketa hamar kasuri buruzkoa baizik ez da.
CEO elkarteko Rachel Tawnseyren hitzetan, “Dalligate kasuak erakutsi digu harreman pertsonalak oso baliotsuak direla beren interesak sustatu nahi dituzten presio-taldeentzat”. John Dalli politikari maltarraren eskandaluaz ari zen Tawnsey. Europar Batzordeko Osasun saileko arduraduna zen Dalli, harik eta iazko urrian dimititu behar izan zuen arte, tabakoaren lobbyaren eraginpean jokatu izana leporatu ziotela eta.
CEO, Greenpeace, Lobbycontrol eta Spinwatchen ustez, bai Europar Batzordeak bai Parlamentuak EBko Gardentasun Erregistroan izena eman dezaten eskatu beharko liekete presio talde eta aholkularitza enpresei. Orain urte bi jarri zen martxan Erregistroa, eta une honetan errebisatzen ari dira.
Atun latatan aurkitu diren merkurio kopuruekin asaldatuta dabiltza herritarrak. Bloom erakundeak Europan egindako ikerketa baten arabera, Carrefour, Intermarché, Mercadona, Aldi... supermerkatu guztiek merkaturatzen dute atuna kutsaturik. Arrantza industrialak berehala... [+]
Hogei urte bete ditu Gaindegiak, Euskal Herriaren garapen sozial eta ekonomiko iraunkorrerako Behategiak. Horren harira, denbora horretan Euskal Herriak esparru horietan izan duen garapenaren berri ematen duen azterketa aurkeztu dute, eta datuok Europar Batasunekoekin konparatu... [+]
Israelgo lehen ministro Benjamin Netanyahuk "immunitatea", hau da, babes politikoa duela adierazi du Frantziako Kanpoko Aferen ministroak. Israelgo Haaretz eta Maariv komunikabideek jakitera eman dute Libanorekin adosturiko su-etenaren baldintzen artean zuela... [+]
Sobietar Batasuna desagertu zenetik errusofobia handituz joan da. NBEko Segurtasun Kontseiluaren 2002ko segurtasun kontzeptua oso argia da, eta planetaren segurtasun eta egonkortasunak AEBei erronka egiteko asmorik ez duen estatuen menpe egon behar dutela adierazten du. AEBei... [+]
Arma nuklearrarekin erantzuteko aukera dakarren dekretua izenpetu du Vladimir Putin presidenteak. Hegazkinekin, gurutzaldi misilekin zein droneekin "eraso masibo bat" pairatzeak ondorioztatu dezake arma horren erabilpena.
Alexandru Jerpelea Bukaresteko (Errumania) batxilergoko 17 urteko ikaslea da, eta itzulpen automatikoko lehen sistema neuronala sortu du arrumanorako. Balkanetan 200.000 pertsona inguruk hitz egiten duten hizkuntza erromaniko gutxitua da. Bere tresna berritzaileak, [+]
Urtarrilaren 20an utziko du AEBko presidente kargua Joe Bidenek, lekukoa Donald Trumpi emanda –zeinak AEBen norabide aldaketa marka dezakeen Ukrainako gerran–. Agintaldia amaitu aurretik, baina, irakurri dugu Ukrainari baimena eman diola Errusiako Kursk eskualdean... [+]
192 milioi sagar 2024. urtean. Segundoero sei sagarretik gora saltzen du Britainia Handiko Tesco supermerkatu kate han ezagunak; ia 27.000 tona. Zenbaki ikusgarriak dira baina are harrigarrigoak dira bertokoak, Ingalaterrako sagarrak direla jakinda.
Urriaren 24an 40 urte egin du preso Georges Ibrahim Abdallah libanoarrak Frantziako Estatuan. Palestinaren askatasunaren aldeko militantea, Libanoko Frakzio Armatu Iraultzailearen sortzailea izan zen, eta diplomazialari israeldar eta amerikar bana hiltzeaz akusatua da... [+]
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
Duela bi aste, Frantziako irratien finantziamendua zalantzan zen, Frantziako Kultur Ministerioak %35 apaldu nahi baitzituen elkarte irrati lokalei bideratu dirulaguntzak. Orduan, 200 bat elkarte ziren lanjerrean eta horien artean Iparraldeko Euskal Irratiak.
Azalpena... [+]
Gazaren aurkako sarraskiak kirolean ere badu islarik, bateko eta besteko ekintzek erakutsi dutenez. Futbolean, zehazki, urak harro datoz, Israeleko taldeek Europako estadioetan jokatzen duten bakoitzean agerian geratzen den moduan. Pasa den astean Amsterdamen gertatutakoek,... [+]
ErriBerri eraikuntza enpresak sei hilabete ditu Izabako lursaila “inguruarekin bat datorren egoera naturalean” uzteko. Orain lanen bigarren faseari ekingo diote, hondakinak, zimenduak eta gasolio depositu zaharrak kentzeko.
BRICS+ taldearen gailurra iragan berri da Errusiako Kazan herrian. Errusia, Txina, India, Iran, Brasil, Hego Afrika, Egipto, Emirerri Batuak eta Etiopia batzen ditu estatu-bloke horrek, eta beste 30 bat estatuk dute bertaratzeko hautagaitza aurkezturik. Ekonomikoki pisu handia... [+]