Europar Batasunak onartu du ez dagoela amiantoarekiko esposizio-maila segururik
Europar Parlamentuak eta Europako Kontseiluak akordioa lortu dute amiantoaren inguruko araudia aldatzeko. Langileek mineral kantzerijenoarekiko izan dezaketen gehienezko esposizioa hamar bider jaitsiko dute. Europar Batasunaren arabera eraikuntzaren arloan 7 milioi langile daude amiantoarekin kontaktuan izateko arriskuan.
Europako Batzordeak amiantoaren arriskuak gutxitzeko 2022ko irailean proposatutakoaren ildotik, astearte honetan akordioa lortu dute Europar Parlamentuak eta Europako Kontseiluak, amiantoaren inguruko araudia aldatzeko.
Akordio horren arabera, langileek mineral horrekiko izan dezaketen gehienezko esposizio-maila %0,1etik %0,01era jaitsiko litzateke; hamar bider gutxiago beraz. Eta horrez gain, Europar Batasuneko herrialde bakoitzari sei urteko trantsizio epea emango zaio amianto zuntzak neurtzeko sistema modernoago bat ezartzeko –mikroskopia elektronikoa–. Horren ostean gehienezko esposizio-maila %0,002koa litzateke.
Bestetik, prebentzio neurri gehiago ere arautuko dituzte. Langileak kontratatzen dituzten eraikuntza arloko enpresek neurriak hartu beharko dituzte, eraberritu edo bota behar dituzten eraikinetan amiantoa ote dagoen jakiteko, eta mineralarekin kontaktua duten langileek babeserako ekipamendu pertsonal bereziagoa eraman beharko dute.
Europar Batasunean laneko minbizien %78ak zerikusi zuzena du amianto zuntzak arnastearekin
Esposizio maila segururik ez
Europa Press agentziak azaldu duen bezala, Europar Batasuneko erakundeek onartu dute ez dagoela amianto edo asbestoarekiko esposizio maila-segururik; horregatik, zuzentaraua aldian-aldian berrituko da.
"Aireak garraiaturiko asbesto zuntzak arnasten badira, biriketako minbizia eta antzeko gaixotasun larriak sortu ditzakete, eta lehenengo sintomak ez dira agertzen hamarkadak pasa arte", dio Europako Kontseiluaren oharrak.
Arriskuan dauden langileen kopurua gorantz
Bruselak berriki egindako ikerketa baten arabera, EBn laneko minbizien %78ak zerikusi zuzena du amianto zuntzak arnastearekin, eta 4,1 eta 7,3 milioi langile artean daude amiantoarekin kontaktuan izateko arriskuan –horietatik 7 milioi eraikuntza arlokoak lirateke–.
Gainera, efizientzia energetikorako europar planek bultzatuta egiten ari diren eraikinen eraberritzeek are gehiago handituko dute kontaktu hori, hainbat kalkuluren arabera 2031 arte %4 handituko da amiantoarekiko esposizio arriskuan dauden langileek kopurua.
Udaberri aurreratua ate joka dabilkigu batean eta bestean, tximeletak eta loreak indarrean dabiltza. Ez dakit onerako edo txarrerako, gure etxean otsailean tximeleta artaldean ikustea baino otsoa ikustea hobea zela esaten baitzen.
Gazteagotan baino lotsa handiagoa dauka, baina horrek ez dio saltsa askotan ibiltzeko gogoa kentzen Leire Zabalza Santestebani (Iruñea, 1990). Beste gauza askoren artean, Motxila 21 musika taldeko kidea da. Nabarmendu du musika gauza asko aldarrikatzeko bide izan... [+]
Miopia gero eta gehiago eta gero eta lehenago ari da garatzen, eta horren arriskua da dioptriak gehitzen joatea eta helduaroan begiari lotutako hainbat gaitz izateko aukerak dezente handitzea. “Eguzki-argia jasotzea inportantea da, eta denbora asko ez igarotzea oso gertu... [+]
Julen Linazaroso Macsonrisas-eko kideak azaldu duenez, sari-bolek, harrapakin-kutxek eta enparauek bideojokoetan ordu gehiago jokatzea dute helburu. 35 eta 64 urteko pertsonen artean bideojokoen erabilerak gora egin du 2023tik 2024ra, Ipsosek emandako datuen arabera.
Ostegunean egoera hori ikertzeko eta zuzentzeko eskatu dio EH Bilduk Nafarroako Gobernuari legebiltzarreko osoko bilkuran. UPNk eta PPk bat egin dute eskaerarekin, eta Osasun Departamentuak urtebete du ikerketa gauzatzeko.
Alberto Martínez Jaurlaritzarne osasun aholkulariak jakinarazi du erabakia, Gasteizeko Legebiltzarrean. Langile guztiak subrogatuko dituztela ere esan du.
Future Game proiektuak EAEko gazteen osasun mentalaren inguruko ikerketa egin du. 18-35 urteko gazteen %87,7ak osasun mentaleko tratamenduak osasun publikoak bere gain hartu beharko lituzkeela pentsatzen du; %64,5ak osasun mentalaz hitz egitean haien iritzia kontuan hartzen ez... [+]
Amparo Viñualesek, Erronkariko alkateak, salatu du Erronkariko, Burgiko, Gardeko eta Bidankozeko kontsultategiek arreta txikitu beharko dutenez prebentzioan eragingo duela.
Erretzailea ez izan arren tabakoaren kea jarraikortasunez irensteak ekar ditzaken osasun arazoak ikertu ditu Bartzelonako Osasun Globaleko Institutuak, eta frogatu du arrasto arriskutsuak uzten dituela haurren DNAn.
Bost hilabete pasatxo beteko ditu Eusko Jaurlaritzak martxan jarritako Euskadiko Osasun Itunaren Mahaiak, eta martxorako bukatuta nahi zuten eztabaida prozesuaren helmuga bileraz bilera urruntzen doa. Ezarritako metodologiak, mahaira deitutako erakundeen zerrendak, kanpoan... [+]
Aktibisten ezinegonak bildu, eta horiek kolektiboki lantzeko gida bat sortu dute zenbait aktibistek. Besteak beste, estresa, beldurra, frustrazioa eta nekea landu dituzte.
Milaka pertsona kalera atera dira larunbatean, Eusko Jaurlaritzari eta Osasun Sailari "konponbide errealak" eskatzeko, Osakidetzaren arazo estrukturalak konpon ditzaten.
Prozesu onkologikoetarako tresnak lantzen ditu Paula Barrio yoga onkologikoko irakasleak: “Gorputzarekin eta lesionatutako zonaldearekin konektatzen dugu”.