Europar Batasunak jarrera finkatu du: Errausketa bateraezina da klima-aldaketaren aurkako praktikarekin
Europar Batasunak errausketa baztertu du, ikatzarekin eta energia nuklearrarekin batera, jarduera jasangarrietarako "EBko taxonomiari" buruzko txosten teknikoan. Bertan errausketaren eragin kaltegarriak, blokeoak eta ingurumen eraginak nabarmentzen ditu. Europa Zero Waste elkarteak erabakia ospatu du: “Aurrekari handia EBren etorkizuneko ekintza klimatikorako eta inbertsio jasangarrietarako”.
Aditu Teknikoen Taldearen lana izan da EBko Taxonomia sortzea, 590 orriko txostena. Horrekin ingurumenarekiko jasangarriak diren jarduera ekonomikoen sailkapen sistema bat sortu dute (hortik taxonomia hitza, elementuak sailkatzearen zientzia). Aditu hauen lana izan da klima-aldaketa gerarazteko ahaleginekin bateragarriak diren prozesuekin zerrenda bat osatzea, praktika bakoitza sailkatuz Europako legeria gidatzen duten Parisko Akordioaren eta Garapen Iraunkorreko Helburuen arabera. Eta zerrendatik kanpo utzi du hondakinen errausketa.
Aditu taldeak nabarmendu du gaur egun Europan errausten diren hondakinen zati handi bat birzikla litekeela, eta aipatu bi akordioetan ezarritako helburuetara iristeko bidean blokeoak ekar ditzaketela bai Batasuneko estatu batzuek hiri hondakinen errausketarekiko daukaten menpekotasunak, baita errausketa ahalmena handitzeko hartzen ari diren neurriek ere.
Europar Batasuneko Taxonomiak dio zaborren errausketa (eufemismoz balorizazioa eta ingelesez Waste to Energy deitzen dena) ezin dela kontsideratu klima aldaketa geratzeko ekarpentzat, “ekonomia zirkularraren ingurumen helburuei kalte egiten ari delako”.
Europako Klimaren, Energiaren eta Airearen Kutsadura Programaren koordinatzaile Janek Vahk-ek , honako hau esan du txostena aurkeztean:
"Iritsi da garaia onartzeko errausketa oztopo garrantzitsua dela ekonomia zirkularrarentzat, erre egiten baititu birziklatu, konpostatu edo berrerabili litezkeen material baliotsuak. Baliabide horiek erretzeak kostu handiak ditu bai ingurumenaren eta klimaren aldetik, eta klima-aldaketa arintzeko premia larria dugunez, errausketa ahalik eta azkarren baztertu behar dugu, berotze maila globalari 1,5 gradu azpiko tenperaturan eusteko".
Europar Batasuneko Taxonomia finantza sektorearentzat arau berriak egiteko orduan oinarri izango da, zerrendatik kanpo geratutako jarduerak kanpo geldituko direlako hobetsitako prozesuetatik, diru-laguntza publikoak jasotzeko hautagai izatetik alegia. Eta errausketa bertatik kanpo utzi izana ospatu du Europa Zero Waste elkarteak. “Datozen hilabeteak kritikoak izango dira printzipio horiek azkar praktikan jartzen direla bermatzeko eta, oro har, EBren politika osoan koherentziaz aplikatzeko. Orain daukagu Europa jasangarriagoa sortzeko aukera paregabea, ez dugu alferrik galdu behar”, adierazi dute.
Zero Waste Europek dei egin die EBko erakundeei bere klima eta ingurumen legedietan errausketa baztertzeko politika publikoak ziurtatu ditzaten.
Gipuzkoako hondakinen kudeaketak okerrera egiten jarraitzen duela salatu du Errausketaren Aurkako Mugimenduak. Donostiako erraustegiak kutsadura areagotu eta gaikako bilketa beheragotu duela azaldu dute, eta herrialdean aurreikusten diren proiektu berriek bide hori sakonduko... [+]
“Behin-behinean” egin dutela adierazi dute, “mantentze-lanen" ondorioz. “Ingurumen eskaera guztiak” bete dituztela ere esan dute, eta araurik ez dutela apurtu.
Gipuzkoan Zubietako erraustegiaren kontrako mobilizazioetan parte hartu duten askok horietan ezagutuko zuten Iñaki, bere 80 urte paseekin aktibista beteranoena. Argazkian ageri da militante gazte batekin solasean erraustegiraino mendiz egindako martxan, 2018an.
Ile-de-France (Paris hiriburua eta inguruko metropoli osoa) eskualdeko Osasun Agintaritzak herritarrei gomendatu die beren etxeetako oilategi txikietako arrautzarik ez jatea: aginte publikoak enkargatutako azterketa batek berretsi du aurretik ToxicoWatch fundazioak beste ikerlan... [+]
Europako zenbait hedabide handik sustatutako ikerlan batek argitu du PFAS kutsagarriak milaka puntu beltzetan hedatuta daudela kontinente osoan. Oinezko herritarrak aipatzen entzun ez dituen PFAS-ak (konposatu per- eta polifluoratuak, ingelesez ‘Per- and polyfluoroalkyl... [+]
Errausketaren Aurkako Mugimenduak dei egin die Gipuzkoako herritarrei hondakinen errausketaren aurka mobilizatzera Donostian irailaren 11n, estropadak jokatzen diren ordu berean. Urteak daramatzate EAMeko militanteek bere protesta azaltzen Zubietan eraikitako erraustegiaren... [+]
Larramendiko Arnasa taldeak deituta, lagun ugari bildu du Valogreen enpresak Bergaran eraiki nahi duen erraustegiaren aurkako manifestazioak, igande eguerdian. Jaurlaritzaren jarrera salatu dute.
2018an Airenet plataformako herritarrek auzitegian jakinarazi zituzten Bartzelona eta inguruko metropoliko hondakinak erretzen dituen Sant Adriá de Besòseko erraustegiak legea urratzen duela behin eta berriro. Horren ikerketaren haritik tiraka, orain fiskaltzak... [+]
Zero Waste Europe-k (ZWE) Espainia, Txekia eta Lituaniako hiru erraustegiri buruz argitaratu duen ikerketa berri batek egiaztatu du instalazio horien inguruetan kutsadura maila handia dagoela, eta hori arriskutsua litzateke ingurumenerako eta gertu bizi diren pertsonen... [+]
Zumarragan 2023 amaierarako eraiki nahi duten plastikoak tratatzeko plantan pirolisia erabiliko da olioa lortzeko (takoil), eta olio hori plastiko berria eta erregaiak egiteko erabiliko da. "Hondakin solidoak errez erregaia sortzen du, eta Europar Batasunaren beraren... [+]
Bergarako Udalaren webgunean irakur daiteke albistea izenburu honekin: 200 langileko kooperatiba batek Bergaratik joatea erabaki du Valogreene-k bertan ezarri nahi duelako hondakinen planta. "Paper-industriaren hondakinen tratamendurako planta Bergaran ezarri aurretik,... [+]
Ekologistak Martxan taldeko ordezkariak Greene enpresari aurpegiratu dio “gezurretan” aritzea eta herritarrei “datuak ezkutatzea”; hondakinak pirolisi bidez tratatzearen kalteez ohartarazi du. Proiektuaren arduradunek, ordea, plantaren... [+]
Ekologistak Martxan mugimenduak elkarretaratzea deitu du Bergaran azaroaren 4 iluntzerako, herri horretan paper fabriketako hondakinak gasifikazioz tratatzeko eraiki nahi duten plantaren kontra. Talde ekologista hori izan da Larramendi industrialdean eraiki nahi duten hondakin... [+]
Bergaran paper lantegien hondakinak tratatzeko planta bat eraiki nahi dutela iragarri du Alacanteko Greene Waste to Energy S.L enpresak, Euskadiko Paperaren Klusterrak sustaturik.