NATOri eta EBri palestinarren genozidioaren konplize izatea leporatu diete Donostiako kanpalditik
GKSk kanpaldia abiatu du asteazkenean Artzain Onaren katedralean, eta mobilizazioa egingo dute ostegun arratsaldean. Ohartarazi dute Palestinako Estatua formalki aitortzeak ez duela palestinar herriaren egoera aldatuko. Kanpaldia ostiral arratsaldean amaituko dutela jakinarazi dute.
Gazte Koordinadora Sozialistak Palestinaren aldeko kanpaldia ezarri du asteazkenean Donostian, Artzain Onaren katedralean. Mundu mailako milaka ikasle eta gazteren hariari segika, ehunka gazte batu dira eta gaua pasa dute kanpalekuan. Hala ere, adierazi dute elkartasun keinuak ez direla nahikoa ez badira salatzen gertuen dauden erantzuleak, eta Europar Batasunak duen konplizitatea salatu dute Israel egiten ari den sarraskian. Ohartarazi dute genozidioa gauzatzea ezinezkoa litzatekeela Mendebaldearen eta, zehazki, EBren babes zuzenik gabe.
GKSk adierazi du beharrezkoa dela mobilizazio herritarrak biderkatzea eta hainbat frontetatik egitea presioa, Israelek aurkako neurriak hartu daitezen. Bide horretan ekarpena egitera etorri da kanpaldia, azaldu dutenez. Ostegunean, 19:00etan manifestazioa egingo dute Donostian, Artzain Onetik abiatuta. Ostiralean, berriz, NATOren aurkako manifestaziora deitu du Euskal Herriko Kontseilu Sozialistak, “gerraren, genozidioaren eta austeritatearen aurka”. Donostiako kanpaldia ordura arte mantenduko dute, eta mobilizazioarekin bat egiteko amaituko da ekimena.
Palestinar erresistentziari babesa
Kanpalditik babesa adierazi nahi izan diote palestinar erresistentziari. Azaldu dutenez, "Palestinaren benetako askatasuna soilik etor daiteke Israelgo estatu faxista eta kolonialaren suntsipenetik”, eta bide horretan borrokan jarraituko dutela adierazi dute, Mendebaldeko gobernu eta enpresek entitate sionistarekin harremanak eten ditzaten.
Salatu dute Mendebaldeko agintariek Israel sostengatzen jarraitzen dutela, “konponbidearen eta bakearen alde mintzo diren bitartean”. Diotenez, hainbat herrialdek egindako “keinu sinbolikoak” urriaren 9ko Europako hauteskundeen testuinguruan ulertu behar dira, bozak irabazteko estrategiak izatea kritikatu dute. Adibidetzat jarri dute Espainia, Norvegia eta Irlandako gobernuek Palestinako Estatua aitortu izana. Salatu dute onarpen formal horrek ez duela palestinar herriaren egoera “inolaz ere aldatuko”, eta zalantzan jarri dute keinu hori egin ahal izatea “Israelgo estatu genozida bultzatzen jarraitzen duten bitartean”.
Antolatzaileen esanetan, europar herrialdeek eta alderdi politikoek benetan genozidioa amaitu nahi badute, “berehala bertan behera” utzi behar dutela Israeli emandako babesa.
Palestinaren aldeko manifestazioetan parte hartzen duten atzerriko ikasleak kanporatzea baimentzen duen dekretua izenpetu zuen urtarrilaren 30ean AEBetako presidente berriak. Orduz geroztik ikasleen bisen baliogabetzeak errepikatzen dabiltza.
Bi langileek Microsoften 50. urteurreneko ekitaldia moztu zuten ostiralean, eta enpresako buruei Gazako genozidioan duten papera leporatu zieten. Adimen artifizialarekin eginiko armak saltzen dizkio multinazionalak Israelgo armadari.
Palestinako Ilargi Gorria larrialdi zerbitzuak baieztatu du gorpuei eginiko autopsiak erakusten duela soldadu israeldarrek tiro egin zietela medikuei. Hil aurretik osasun langileetako batek soldaduek eraso egin zien unea grabatu zuen mugikorrarekin, eta bideoan ikus daiteke... [+]
Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]
Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.
Lekukotasunak, autopsia txostenak eta atxiloaldian izenpeturiko adierazpenak bildu ditu The Independent komunikabide britainiarrak. 2023ko urriaren 7az geroztik 70 palestinarrek dute bizia galdu Israelgo presondegietan. Palestinar presoen alde dabilen Addameer elkartearen... [+]
Berriki zabaldu da Gazako lurralderako Egiptok egindako hirigintza-antolaketa plana. Marrazki batean jaso dira etorkizuneko kale, eraikin eta iruditeria, oraindik metraila eta lehergailuen usaina darion errealitate baten gain. Hirigintza proposamena, beste bonba jaurtiketa bat... [+]
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]
Zer esango zenioke Palestinako aktibista bati aurrez aurre izango bazenu? Ni mutu geratu nintzen Iman Hammouri nire herrian bertan aurkeztu zidatenean. Eskerrak andre nagusi bat gerturatu zitzaigula eta solaskide roletik itzultzailearenera pasa nintzela.
Palestinako Popular... [+]
Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.
No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.
Asteartean menia apurtu zuenetik gutxienez 650 palestinar hil dituzte sionistek, Al Jazeeraren arabera. Netanyhauren gobernuak Shin Bet zerbitzu sekretuetako buru Ronen Bar kaleratzeko erabakia hartu du, baina Auzitegi Gorenak kaleratzea geldiarazi du.
Milaka pertsona bildu dira larunbat honetan Palestinako herriari elkartasuna adierazteko eta “Israelek Gazan egindako genozidioa” amaitzeko eta Benjamin Netanyahuren gobernuak su-etenari berriro ekiteko eskatzeko. Gernika-Palestina herri ekimenak deitu du martxa,... [+]