Europako polizia infiltratuak koordinatzen ditu talde batek
Alemaniako parlamentuaren dokumentu ofizial batek baieztatzen du Europako Kooperazio Taldearen (ECG ingelesezko sigletan) ezkutuko jardueren existentzia. Talde horrek Europa guztiko polizia infiltratuen jarduerak koordinatzen ditu.
Dokumentu horiek baieztatu dute Mark Kennedy mugimendu sozialetan infiltratutako poliziaren lana. Alemaniako Gobernuak onartu du Kennedyren egitekoak talde horrek finkatzen zituela. Azken bilkura 2014eko maiatzean izan zen Errumanian eta Europar Batasuneko 22 seguritate ordezkaritza ofizial izan ziren bertan, Espainiako Polizia Nazionala eta Frantziako Ikerketa Kriminalen Departamentua, besteak beste. Batasunean ez dauden Mazedoniako, Suitzako, Turkiako, Errusiako, Albaniako eta Norvegiako ordezkaritzak ere izan ziren.
Mark Kennedyren kasuaren inguruan idatzi zuen Pello Zubiriak ARGIAn 2011n.
Giza Eskubideen urraketengatik salatua
Kennedy bezalako hainbat infiltratu salatu dituzte zortzi emakumek Giza Eskubideen urraketa larriengatik. Agenteek harreman sentimentalak izan zituzten hainbat ekintzailerekin informazioa ateratzeko asmoz eta La Directak Kennedyren bikotea izan zen ekintzaile britainiarra elkarrizketatu du “Lily” ezizenpean. Martxoan GPS bat aurkitu zuen emakume horrek bere autoan.
“Gai askotan murgilduta zegoen: antifaxismoa, ekologismoa, antiglobalizazioa…” azaldu du Lilyk. Mugimendu sozialetan hamazazpi urte daramatza eta urteetan zehar gertutik jarraitua izan dela dio: “Sei polizia infiltratu ezagutu ditut eta horietako batekin bizi izan naiz”. Lotura honetan irakur daiteke nola funtzionatzen duten.
“Ahots propioa duen sare bezala” gorpuztuta, eta torturatuen aitortza eta erreparazio publiko, sozial eta ofiziala helburu, otsailaren 15ean eratu eta aurkeztuko du bere burua Euskal Herriko Torturatuen Sareak. Tortura jasan duten 700 pertsona baino gehiagorekin... [+]
Polizia ez zegoen lanean ustezko gertakaria jazo zenean.
Polizia agenteek nortasun faltsuen pean gizarte-mugimenduetan egindako infiltrazioak Espainiako Konstituzio Auzitegira iritsiko dira. Irídia-Centre per la Defensa dels Drets Humans erakundeak, infiltrazio horiek kaltetutakoen Acció Contra l 'Espionatge d'... [+]
Donostiako La Cumbre Jauregian bizi ziren orduan Juan Mari Jauregi senarra eta bera, lehena Gipuzkoako Gobernadore Zibila zen garaian, 1990eko hamarkadaren erdialdean. Jauregi 2000. urtean hil zuen ETAk Tolosan.
Jar gaitezen 2025erako proposamen politiko gisa, Espainiako Auzitegi Kolonialaren (AN) epai guztiak berrikusten hasteko eta makila bakoitzak bere belari eusteko.
Unionismoarekin lerrokatutako alderdi, sindikatu eta gizarte-erakunde gehienek, eta ez bakarrik horrela... [+]
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.
Donostian 2024ko martxoan jokatutako futbol partiduaren aurretik Ertzaintzak egindako kargetan, Amaya Zabarte zaleaz gain bigarren pertsona bat zauritu zuten, ustez foam pilota batekin begian jota. Orain, kasu hori ere ikertzeko agindu du Gipuzkoako Lurralde Auzitegiak.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Nazio Batuek abenduaren 10ean Giza Eskubideen Nazioarteko Eguna aldarrikatu zutenetik 51. urteurrena bete da aurten. Data horrek garrantzia hartu du Euskal Herrian eta Euskal Herriko Giza Eskubideen Behatokitik gogoetarako zenbait elementu eskaini nahi ditugu.
Nazioarteko... [+]
Ertzain patruila batek hizkuntz tratu desegokia eman diela salatu dute Donostiako bi herritarrek. Isuna jaso zuten, behin eta berriz euskaraz artatuak izateko eskatu ondoren. Arartekoak kargu hartu dio Ertzaintzari.
Larunbat arratsaldean istiluak izan ziren gaztetxe berriaren atarian, Ertzaintza gogor oldartu zen gaztetxeari babesa ematera joandakoen aurka. Hori dela eta, ehunka lagun bildu dira igande honetan foam jaurtigailu bidezko kargak salatzeko eta udalaren jarrera seinalatzeko... [+]
Jokin Aperribay Real Sociedadeko presidenteak azaldu du gertaturikoa “argitzeko” eskatu diola Polizia autonomikoari. Zauritutako Amaia Zabarteren familiak klubari egotzi dio publikoki ez gaitzestea erasoa.
Epaileari nahikoa izan zaio azaroaren 27an Ertzaintzak egindako deklarazioa kasua artxibatzeko. Erabakiaren aurrean helegitea aurkeztuko duela adierazi du Xuhar Plataformak. “Xuharrek ez du begia galdu, Ertzainak begia galduarazi dio”, salatu du mugimenduak.
Donostiako Udalak Mikel Zabalza Garateren (1952-1985) omenezko plaka bat jarriko du larunbat honetan (hilak 30), Guardia Zibilaren Intxaurrondoko kuartelaren aurrean (Baratzategi kalea, 35). Guardia Zibilak gaurko egunez atxilotu zuen Zabalza, 1985ean, Altzako bere etxean... [+]
2006. urtean, Baltasar Garzonek, orduko epaile izarrak, errebelazio moduko bat izan zuen, eta jardunbide bat idatzi zuen, terrorismoagatik inkomunikatutako atxilotuen eskubideak bermatzeko. Epaile berak ehunka atxilotu inkomunikatu pasatzen ikusi zituen bere aretotik, horietako... [+]