Europako Parlamentuan Jeremy Ironsek ‘Trashed’ filma aurkeztuko du gaur
Zero Waste Europek biharko, martxoak 7, antolatu du Europako Parlamentuko talde Berdearekin elkarlanean ‘Toward Zero Waste‘ jardunaldia. Bigarren titulutzat ‘Beyond recycling: Best practices on resource management in the EU’ (Birziklapenetik haratago: baliabideen kudeaketan Europar Batasunean dauden praktika onenak) daraman ekitaldia burutuko da Europar Legebiltzarreko A1G3 gelan.
Ekitaldiak helburutzat dauka Zero Zabor politikek dagoenekoz daukaten garrantziaz jabetuaraztea Europako lege nagusiak erabakitzen dituzten politikari eta funtzionarioei. ‘Toward Zero Waste‘ jardunaldiak Europako Legebiltzarreko talde gehiagoren oniritzia ere jaso du eta konbidatu nagusitzat parte hartuko du Europako Ingurumen komisarioa den Janez Potocnikek.
Ekitaldian aipamen berezia egingo zaie Zero Waste Europeren iritzian eredugarriak diren aldaketen eragileei, tartean Italiako Rifiuti Zero mugimenduaren erreferentzia nagusia den Capannori herriari eta Zero Zabor estrategia bereganatzen duela aldarrikatu duen Gipuzkoako lurraldeari, zeina ordezkatuko baitu Iñaki Errazkin ingurumen diputatuak.
Bilkura hau baliatuko du Zero Waste mugimenduak Trashed filma aurkezteko. Trashed euskaraz “zabor bihurtua” eman beharko genuke. Bigarren titulutzat No place for waste (“Hondakinentzako gehiago lekurik ez”) daukan filmak Candida Brady dauka zuzendari eta Jeremy Irons aktore nagusi; hainbat sari bilduak ditu dagoenekoz nazioarteko zinemaldietan. Vangelisek egindako sintoniak girotuta, Trashed ek erakutsi nahi ditu hondakin eta zaborrek munduari ekarri dizkioten hondamendiak, horiek erakusteaz gain zientzialari eta adituen azalpenak bilduz.
Iturriak:
Zero Waste Europe “Zero Waste goes to the European Parliament in Brussels!”
Les Verts – Alliance Libre Europeéne “Towards Zero Waste : Beyond recycling: Best practices on resource management in the EU”
Trashed. No place for waste filma
Oharra: Albiste hau Zero Zabor blogetik ekarria da. Bertan hondakinen kudeaketari buruzko albiste gehiago topatuko duzu.
Nafarroako Ecofert Sansoain enpresa itxita dago 20.000 tona hondakin toxiko legez kanpo jasotzeagatik Zubietako (Gipuzkoa) erraustegitik eta Tuterako (Nafarroa) Oleofat enpresatik.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
2022an errekor historikoa hautsi zen Espainiako Estatuan, ia 8.700 milioi litro ontziratu baitziren, Geologia eta Meatzaritza Institutuaren estatistikaren arabera. Aurreko urtean baino 580 milioi gehiago dira horiek, eta 2019an ezarritako mugarria baino % 4,8 gehiago.
Sektoreko enpresek hamarkadak daramatzate praktika sustatzen, nahiz eta ebidentziak izan ez dela bideragarria, Center for Climate Integrity-ren ikerketa baten arabera.
Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
Artaxoako konpostatze plantara Gipuzkoatik Nafarroara bidalitako lixibiatuek Nafarroako Gobernuko eta Gipuzkoako Diputazioaren arteko hika-mika piztu dute. Ostegun honetan Jose María Aierdi kontseilari nafarrak gaitzetsi egin ditu atzo José Ignacio Asensio diputatu... [+]
Bi urtean 5.000 tona lixibiatu baino gehiago prozesatu ditu Ecofert Sansoain enpresak
Baionako Auzitegiak ezarri duenez, Basusarrin dagoen Etcheverry-Mindurri enpresak 150.000 euroko isuna ordaindu beharko du, eta Donibane Lohizuneko CBA Artolak 100.000 eurokoa.
Elkarrekin-Podemos taldeak informazioa eskatu du Eusko Legebiltzarrean, Lemoako Bistibietako zabortegian egon daitekeen hondakinen inguruan. Ekologistek sarritan salatu dute bertan gorde zituztela 2002an hondoratutako Prestige petroliontziak askatu eta euskal arrantzaleek itsaso... [+]
Abenduaren 16an Mendigorriako Biomendi txerri granja eta biometanizazio instalakuntzan elkarretaratzea egin du Nafarroako Makroetxaldeen Aurkako Plataformak. Bertan salatu du Biomendin 2022an 80.000 tona hondakin industrial-organiko tratatu zituztela, soilik 33.000 tonarentzako... [+]
EH Bilduk salatu du Jaurlaritza ez dela Hondakinak Prebenitzeko eta Kudeatzeko Plana betetzen ari. Azalpenak eskatu dizkio Arantxa Tapia Ekonomiaren Garapen eta Ingurumen sailburuari, argitu dezan zein den guztira EAEk esportatzen dituen hondakin kopurua eta zer neurri hartuko... [+]