Europako Legebiltzarrean hondakinen Gipuzkoako eredua aurkeztu dute
Gipuzkoako ingurumen diputatu Iñaki Errazkinek Europako Legebiltzarrean aurkeztu ditu lurralde horretan hondakinen kudeaketan lortzen ari diren emaitzak, Zero Waste Europek Berdeen taldearekin elkarlanean antolatutako Toward Zero Waste jardunaldian. Bilkuran konbidatuen artean izarra Janez Potocnik Europako Ingurumen komisario izan da, zeinak Gipuzkoako esperientzia ‘adierazgarria’ eta ‘garrantzitsua’ dela esan baitu, eta gainerako herrialdeei ‘ikasteko’ balio diezaiekeela.
Bigarren titulutzat ‘Beyond recycling: Best practices on resource management in the EU’ (Birziklapenetik haratago: baliabideen kudeaketan Europar Batasunean dauden praktika onenak) daraman ekitaldian Europako bi esperientzia aitzindari nabarmendu eta azaldu dira. Bata da Italiako Rifiuti Zero (Zero Zabor) mugimendu zabalaren bihotza den Capannori herria; bertako auzapez Giorgio del Ghingaro aritu da azalpenak ematen.
Gipuzkoatik Iñaki Errazkin diputatuaz gain bi alkate bertaratu dira: Atez Ateko bilketa ezartzen bigarren herria eta orain artekoetan handiena den Hernaniko Luis Intxauspe eta Zero Zabor bidetik abiatu diren herri txikietan lehena den Orendaingo Gorka Egia. Hauekin izan da Gipuzkoako Hondakinen Konsortzioko presidente Juan Karlos Alduntzin ere. Errazkinen mintzaldia bideoz ikusgai dago.
Herri mugimenduen koordinadora izateaz gain Europako instituzioetan presentzia handia duen Zero Waste Europek Gipuzkoa Italiako Capannori eta Rifiuti Zero mugimenduaren parean aurkeztu izanak erakusten du euskal lurralde horrek hondakinen kudeaketaren arloan hartu duen garrantzia. Gipuzkoaren protagonismo hori duela urte bete Zero Wastek Donostian egindako biltzarrean aldarrikatu zuen mugimenduaren mundu mailako liderra den Paul Connet iparramerikarrak.
Janez Potocnik komisarioak esan dituenak zehazki ezagutu nahi dituenak kronika bat baino gehiago leitu beharko ditu paperezko izparringietan. Hedabide gehienek azpimarratu dituzte Potocnikek Zero Zabor ereduari eskainitako loreak; aldiz, Noticias de Gipuzkoak “Bruselas apoya la incineración de los residuos no reciclables o reutilizables” titulatu du bere kronika. Pentsatzekoa da hari horrek polemika gehiago ekarriko duela ondoko egunetan. Batzuek eta besteek Potocnikek idatzi dituztenetatik ondorioztatu daiteke komisarioa ez dagoela berez errausketaren kontra eta aldi berean Zero Zabor eredua ikusten duela epe ertaineko aurrerabide bezala, edozein gisan Europak hondakinentzako ezarritako hierarkia zorrotz errespetatzea esijitzen duela eta bide batez ohartarazten duela azpiegitura handiegietan dirua inbertitzearen arriskuez.
Bilkurak Gipuzkoatik joandako ordezkaritzari ekarri emaitza zehatzen atalean, Eskualdeen Komiteak eta Europako Batzordeak hondakinen inguruko ikerketa bat egiteko eskatu dio Ecologic Institute erakundeari, Austriako Ingurumen Ministerio Federalaren eta Vienako Unibertsitatearen laguntzarekin egin dezan. Ikerlan horretan modu berezian aztertuko dute Debagoienako mankomunitatean Atez Atekoa lehenbizikoz ezarri duen Antzuolaren kasua, orain artekoen artean emaitzarik onenak erdietsi dituelako.
Iturriak:
Berria “Gipuzkoako eredua goraipatu du Ingurumen komisarioak”
Gara “Europa considera «aleccionadora» la gestión de residuos en Gipuzkoa”
Diario Vasco “Europa cree que la gestión de residuos en Gipuzkoa es ‘aleccionadora’”
Noticias de Gipuzkoa “Bruselas apoya la incineración de los residuos no reciclables o reutilizables”
El Pais “La UE considera “aleccionadora” la gestión de residuos en Gipuzkoa”
Gipuzkoako Foru Aldundia “Hondakinak kudeatzeko Gipuzkoako Foru Aldundiaren eredua goraipatu du Europak“ eta “Europa elogia el modelo de gestión de residuos de la Diputación Foral de Gipuzkoa“. Errazkin diputatuaren mintzaldia bideoz: “Hondakinak kudeatzeko Gipuzkoako Foru Aldundiaren estrategia, eredugarri Europan”
Zero Waste Europe Twitterren
Meaka-Irimo herri plataformak antolatu du egun hau, Capital Energy multinazionalaren Trekutz proiektuaren aurka mobilizatzeko. Ekitaldiaren ondoren toka txapelketa, herri bazkaria, bertso saioa eta erromeria gozatuko dute Irimo eta Trekutzera igotzen direnek.
Enpresa batek Irimo mendian zentral eolikoa eraikitzeko asmoa zuela iragarri zigun aspaldi batean haize kolpe batek. Gehienek ezin zuten sinistu, inondik ere. Are gutxiago Irimo mendiaren orografia eta izaera harritsua ezagutzen dituztenek. "Baina ba al dakizu ze nolako... [+]
Urteak dira Nafarroan eta beste zenbait tokitan hazien liburutegi proiektuak martxan dituztela. Hazien liburutegiak, liburuen liburutegietan. Euskal Herriko Hazien Sareak antolatutako hitzaldi batean izan zuen egitasmo horien berri Ane Leturia Delfrade Antzuolako liburuzainak,... [+]
Irimo mendian Cilda Energy SLU enpresak 200 metroko bi haize errota ezarri nahi ditu, Trekutz izeneko proiektuaren baitan. Dimentsioaz jabetzeko giza katea egin dute Antzuolan otsailaren 25ean, Meaka-Irimo herri plataformak deituta "berriztagarriak bai, horrela ez!"... [+]
Meaka-Irimo herri plataformak 3.022 alegazio aurkeztu ditu Eusko Jaurlaritzako Industria sailean, "Trekutz" izeneko proiektuaren aurka. Zera adierazi du: "Meaka-Irimo herri plataforman energia berriztagarriak behar-beharrezkoak direla argi dugu, baina ezin dira... [+]
Begi aurrean duzun hau eskuz dago idatzita, irakurle. Ordenagailuz idazten ditut normalean hemengoak, baina gaur gorputzak halaxe agindu dit, behar duela hemen bere arrastoa utzi, bere nekearen eta ezinen berri eman. Eta nor naiz ni gorputzari kontra egiteko, berak ere sufritzen... [+]
Josebe Blancok Hausnarrean. Ardiek egin naute artzain liburua kaleratu du ARGIAko Bizi Baratzea sailean. Berau aurkezteko lehen hitzaldia azaroaren 7an Antzuolan emango du, artzaina artaldearekin bizi den Pikunieta baserria kokatuta dagoen udalerrian. Maria Eugenia Irazabalekin... [+]
Mendian, autoz kaletik orduerdira bizi den emakume artzain euskaldun-galegoaren eguneroko bizitzan nola eragiten dute gaurko munduan pil-pilean dauden gaiek? Klima larrialdia, berdez pintatutako kapitalismoa, basogintza, migrazioa, prekaritatea, begano mugimendua, elikadura... [+]
2017ko urte bukaeran eman zuen ezagutzera Baserriko Uzta egitasmoa EHKOlektiboa elkarteak: urtaro bakoitzean Euskal Herriko baserri ekologiko eta txiki banatan kontzertuak iragarri zituzten orduan. Kulturaren eta musikaren bidez baserrietako ateak zabaldu eta beren errealitatea... [+]
Bi urtez deus antolaturik geroz, berriz bildu ziren Aihertarrak eta Antzuolarrak azaroaren 13an, Antzuolan.
AEBetako artzapezpiku barrutiak debekatu egin du Cesareo Gabarain apaiz hernaniarraren abestiak mezetan kantatzea, berrikitan jakin ondoren sexu-abusuengatik salatua izan zela 1978an eta Elizak salaketa horiek ezkutatu zituela.
Antzuolako Udalak, Eukaliptoa, eta lurrarentzat zein bioaniztasunarentzat kaltegarriak diren gainontzeko espezie guztien landaketak saihesteko, bere esku dagoen guztia egiteko konpromisoa hartu zuen astearteko ohiko osoko batzarrean.
Lehenengoz, Antzuolako Mairuaren Alardeak emakumezkoa izango den kapitaina izango du. Izan ere, erretiroa hartuko duen Jose Angel Arbulu, Edurne Iturbek ordezkatuko du. Iturbek, danbor-jotzaile zein fusilari postuetan ere parte hartu du 2009an alardea berritu zenetik.
Joseba Sarrionandiaren hitzak ekarri nahiko genituzke gogora lehen lerroetan. «Ikasten duguneko lekua da eskola. Edozein leku izan daiteke, hala nola etxea, kalea, mendia, itsasoa, parkea, zinema aretoa, eta, beharbada, ESKOLA», esan zuen behin idazleak elkarrizketa... [+]