Europako hainbat herrialdek eten dituzte siriarren asilo-eskaerak, al-Assaden gobernua erori ondoren
HTSk boterea hartu duenetik, babes-eskaerak gelditu dituzte Mendebaldeko hainbat gobernuk. Alemaniak 47.270 eskaera utzi ditu bertan behera bat-batean, "Siriako etorkizun politikoa zalantzazkoa" dela argudiatuta.
Siriako gerraren ondorioz, azken urteetan 14 milioi pertsona inguruk egin behar izan dute ihes herrialdetik, eta hainbat iturrik seinalatu izan dute munduko errefuxiatu-krisirik handiena dela bertakoa. Orain, Hayat Tahrir al-Sham (HTS) buru duten indar islamistek Bashar al-Assaden gobernua indarrez bota dutenean, Europako hainbat herrialde ari dira siriarrei asilo-eskaerak ukatzen.
Alemaniako Migrazio eta Errefuxiatuen Bulego Federalak (BAMF) eten egin ditu siriar jatorriko 47.270 pertsonaren asilo-eskaerak, bulegoko ordezkari baten hitzetan, "Siriako etorkizun politikoa zalantzazkoa" delako eta egoerak "errefuxiatuen mugimendu berriak sor ditzakeelako". Austriako Gobernuak ere aplikatu ditu babes-eskaerak bertan behera uzteko neurriak, bertako Barne Ministerioak adierazi duenez. Osotara, siriar errefuxiatuen 7.300 eskaera geratu ditu.
Beste hainbat herrialdetako gobernuek ere blokeatu edo blokeatuko dituzte siriarren asilo-eskaerak, hala nola Frantziako Estatuak, Italiak, Danimarkak, Norvegiak eta Erresuma Batuak.
Errefuxiatu siriarrak Europan
Siriako errefuxiatuak dira Europan asilo-eskaera gehien egiten dituztenak. 181.000 eskaera izan ziren 2023an, Europar Batasuneko Asilo-Agentziaren arabera, eta aurten 74.420 eskaera zenbatu dituzte Alemanian bakarrik. Oraingoz Alemania izan da errefuxiatu siriar gehien hartu dituen herrialdea: Siriako 800.000 pertsona bizi dira bertan gaur egun, Angela Merkelen gobernuak 2015ean sarbidea ahalbidetu zuenetik.
Migrazioak gai nagusietako bat izaten jarraitzen du Europako gobernuen politiketan, eta migrazio-fluxuak kontrolatzeko neurri ugari ezartzen ari dira. Herbehereek, Alemaniak, Frantziako Estatuak eta Norvegiak, besteak beste, Schengen eremuko mugak gogortu dituzte azken hilabeteetan.
Mundu osoa dago Siriara begira, Israel tartean, zeinak bere presentzia handitu nahi duen. Bitartean, kartzeletan zeuden presoak askatu egin dituzte Bashar al Assad-en gobernuaren aurka egin duten matxinoek, eta milaka errefuxiatu herrialdera itzultzen ari dira.
24 urte eman ditu boterean Bashar al Assad presidenteak. Ia hamalau urte iraun du gerra zibilak Sirian, eta hamaika egun Sortaldea Askatzeko Erakundea (HTS) buru duen koalizioaren azken erasoaldiak, Damasko hiriburua hartu arte. Errusian asilo hartuta da orain Al Assad... [+]
Siriako egoera bortitza izoztuta egon da azken urteetan, eta orain nazioarteko lehen planora atera da. Azaroaren azken egunetan, Siriako Gobernuaren aurka gerran diren talde jihadistek oso egun gutxitan hartu dute Alepo, herrialdeko bigarren hiria. Egoera oso konplexua eta... [+]
Abdulkarim Omar kurduak farmazia bat zuen Qamishlo-n, bere herriaren iraultza hasi zenean Sirian, 2012an. Orduan negozioa utzi eta lan politikoan sartu zen buru-belarri. Urriaren amaieran Euskal Herria bisitatu zuen, Siriako Ipar eta Ekialdeko Autoadministrazioko ordezkari... [+]
Estatubatuar presidente Joe Bidenek eman du agindua Deir ez-Zor-eko bunker gunea bonbardatzeko. Munizioa biltegiratzeko eta laguntza logistikoa emateko erabiltzen diren bunkerrak direla adierazi du AEBtako armadak komunikatu batean.
2001eko urrian, irailaren 11n World Trade Centerren aurkako erasoak gertatu eta hilabetera, Amerikako Estatu Batuetako Aire Armadako pilotu batek historia egin zuen: drone moderno batekin (The Predator) eraso hilgarria egin zuen lehen pertsona izan zen. Ordutik, droneak XXI... [+]
Duela ia bi urte amaitu zen Daesheko Kalifatoa, baina erakunde horretan ibilitako milaka lagunek Siriako ekialde eta iparraldean jarraitzen dute. Kurduek gidatutako proiektu politikoak arazo larria du beste inork jaso nahi ez dituen pertsona hauek kudeatzen.
255 eserlekutatik 177 eskuratu ditu al-Assaden “Batasun Nazionala” izeneko hautagaitzak.
Gatazka armatuan bederatzi urte beteta eta musukoak jantzita hautatu dituzte parlamentuko kideak Sirian. Assaden aldeko hautagaiak nagusitzea aurreikusten da. Bitartean, konstituzio berri bat osatzeko negoziatzen ari dira oposizioa eta Baaz alderdia.
Siriako Idlib hirian 33 soldadu turkiar hil ditu Siriako armadak. Turkiako Gobernuak eraso hau “traizio” bezala ulertu, eta ezohiko batzar bat egin ostean, Siriako hiru eremutan jomuga militartzat hartu dituzten 200 gune bonbardatu dituzte.
Ehunka hildako eta ehunka milaka iheslari utzi ditu Turkiaren azken erasoaldiak Rojavan. Giza krisia handitu heinean, galderak ere pilatzen hasiak dira Siriako kurduen etorkizunaz.
Turkiako presidenteak igandean adierazi du operazio militarrak hasiko dituela Eufrates ibaiaren ekialdean, Siriako Kurdistanen. “Afrinen, Jarablusen eta al-Baben sartu gara. Orain Eufratesen ekialdean sartuko gara”, adierazi du.