Europako Batzordeak ez du lortu oraingoz glifosato pestizidaren baimena luzatzea
Bigarrenez, bertan behera utzi dute glifosatoaren baimena luzatzeari buruzko bozketa Europako Landare, Animalia, Elikagai eta Pentsuen Batzorde Iraunkorrean. Europako Batzordeak pestizida ezagun hori, munduan zabalduena, beste bederatzi urtez baimentzeko proposamena eraman du –ekainaren 30ean agortuko da gaur egun indarrean dagoen baimena–, baina behar adinako gehiengoa lortuko ez zutenez, ez dute bozkatu ere egin.
Osasunaren Mundu Erakundearen (OME) menpeko Minbizia Ikertzeko Nazioarteko Agentziak segur aski minbizi-eragileen zerrendan sartu zuen glifosatoa 2015ean. Europako Elikagaien Segurtasun Agentzia (EFSA) ez dator sailkapen horrekin bat.
Landare, Animalia, Elikagai eta Pentsuen Batzordea EBko estatu kideetako ordezkariek osatzen dute. Glifosatoaren baimena luzatzeko, beharrezkoa da estatuen %55ek alde bozkatzea, eta gutxienez Batasuneko biztanleen %65 ordezkatzea. Bigarren baldintza ez zen beteko, Frantziak eta Italiak, estatu populatuenetako bik, baimena luzatzearen aurka bozkatzeko asmoa agertu dute eta. Frantziak, izan ere, debekatua du glifosatoa bere lurraldean.
Europako Parlamentuak erabilera asko mugatzea proposatu zuen, alferrik
Martxoan egin zen pestizidari baimena luzatzeko lehen ahalegina, haren arriskugarritasunari buruzko polemika betean. Orduko hartan, luzapena hamabost urtekoa izatea proposatu zuen Europako Batzordeak. Bi saiakeren artean, apirilean, Europako Parlamentuak ebazpen ez-lotesle bat onartu zuen, Batzordeari eskatuz baimena zazpi urtez baizik ez luzatzea, eta erabilpenari mugak zorrotzak ipintzea: parke publiko eta umeen jolastokien inguruan debekatu, banako ez-profesionalei erabilera eragotzi, plagak beste sistema batzuen bidez kontrolatu ezin daitezkeen kasuetan baizik ez erabili… Eurolegebiltzarreko Berdeen ustez, murrizketa horiek onartzea baimena ukatzearen parekoa izango zen de facto.
Haatik, Europako Batzordeak ez zuen aintzat hartu Parlamentuak esandakoa, eta besterik gabe iraupen laburragoko baimen-luzapena proposatu zuen, murrizketa gutxi batzuekin.
Glifosatoaren arriskua gutxiesten duen txostena
Landare, Animalia, Elikagai eta Pentsuen Batzordeko eztabaida hasteko bezperan, OMEk eta FAOk (NBE barruko Nekazaritza eta Elikadurarako Erakundea) txosten bateratua eman zuten argitara, dietaren bidez hartutako glifosatoak ia seguruenik minbizirik eragiten ez duela esanez. Txosten horren egileetako asko bioteknologiaren arloko enpresekin loturak dituztela zabaldu izan da.
eta den-denen txizan agertu dira pestizidaren arrastoak.
Bestalde, joan den astean ezagutu ziren apirilean egindako esperimentu baten emaitzak: Europar Parlamentuko 48 kidek gernu-analisia egin zuten glifosato arrastoak bilatzeko, eta den-denengan aurkitu da substantzia, ez nolanahiko kopuruan gainera. Batez beste, legebiltzarkideen txizaren glifosato kontzentrazioa europar araudiak edateko uretan baimentzen duen gehienezko mugaren hamazazpi halako da.
Glifosatoa baliatzeko hamar urteko luzapena babestu du Europako Batzordeak. Herbizida gisa munduan gehien erabiltzen den produktu kimikoa da, eta potentzialki minbizi sortzaile izateagatik ezaguna da.
Austria glifosatoa debekatu duen Europar Batasuneko lehen herrialdea da. Alderdi sozialdemokrataren iniziatibaz onartu da neurria, eta FPÖ alderdi ultraeskuindarraren, liberalen eta Jetz alderdi progresistaren aldeko bozek lagundu dute onartua izateko.
Europako Batzordeak 2022. urtearen amaierara arte eta baldintzarik gabe luzatuko du glifosatoaren baimena, EBko Landare, Animalia, Elikagai eta Pentsuen Batzordean (SCoPAFF) estatu kideek horren alde bozkatu eta gero. Eurolegebiltzarrak eskatua zuen bost urte barrurako erabat... [+]
2016ko hasieratik bosgarren aldiz, Europako Batzordeak ez du lortu EBko estatu kideen gehiengoa glifosato herbizidari baimena luzatzearen alde agertzea. Indarrean dagoen baimena aurtengo abenduaren 31n iraungiko da, eta beste hamar urterako berritu nahi du Batzordeak,... [+]
Urriaren 25ean glifosato herbizidaren merkaturatze-baimena luzatu edo eteteaz bozkatuko dute Europar Batasuneko estatu kideek. Aurtengo abenduaren 31n iraungiko da gaur egun indarrean dagoen baimena, eta Europako Batzordeak beste hamar urterako berritzea proposatu du, 2015ean... [+]
Urriaren 25ean glifosato herbizidaren merkaturatze-baimena luzatu edo eteteaz bozkatuko dute Europar Batasuneko estatu kideek. Aurtengo abenduaren 31n iraungiko da gaur egun indarrean dagoen baimena, eta Europako Batzordeak beste hamar urterako berritzea proposatu du, 2015ean... [+]
Europar Batasunak urtea amaitu baino lehen erabaki behar du glifosatoa –munduan gehien saltzen den herbizida– erabiltzeko baimena luzatuko duen ala ez. Monsantok 70eko hamarkadan merkaturatutako substantzia 40 enpresak baino gehiagok saltzen dute gaur egun;... [+]
Europako Parlamentuko 30 legebiltzarkidek glifosato pestizida salerosteko baimena ez luzatzeko eskatu diote Jean-Claude Juncker Europako Batzordeko presidenteari.
Europar Batasunean gehien erabiltzen den pestizida da glifosatoa. Europako Batzordea hura merkaturatzeko baimena luzatzen duen edo ez erabakitzen ari den bitartean, herritar talde batek abian jarri du substantzia debekatzea helburu duen herri ekimen legegile (HEL) bat. Haien... [+]
Kontsentsu zientifiko (eta politiko) ezak eta talde ekologisten presioak eraginda, Europar Batasunak maiatzerako utzi du glifosato herbizidaren baimena luzatzeari buruzko erabakia. Osasunaren Munduko Erakundeak "segur aski kantzerigenoen" zerrendan sailkatu zuen... [+]