Espainiak politikariak eta ekintzaileak zelatatu zituela ebatzi du Europako Parlamentuaren Ikerketa Batzordeak
Europako Parlamentuko Ikerketa Batzordeak frogatu du estatuen interesen aurkako politikari eta ekintzaileak zelatatu dituztela Hungarian, Polonian Grezian, Zipren eta Espainiako Estatuan. Espainiako Estatuan gutxienez 65 pertsona zelatatu dituzte Pegasus programa erabilita, eta gobernuak espioitza programa berri bat erosteko bidea hasi du.
Espainiako Gobernuak Pegasus espioitza programa erabili duela frogatu dute, eta funtzio berdineko Predator programa erosteko prozesua abiatu duela, nahiz eta ezin den jakin erosketa burutu duen ala ez. Europako Parlamentuko Ikerketa Batzordeak atera dituen ondorioak dira, asteartean Europako Parlamentuaren esku utzi dituen txostenean jasotakoak. Hari dagokio hura aztertzea orain. Espainiako Estatuaz gain, herrialde gehiagotan ere espioitza kasuak egiaztatu dituzte, eta Europako Batasuneko sistema osoari leporatu diote ekintza ilegalaren babesle izatea, besteak beste, programa horien salerosketa sustatuz.
Hungaria, Polonia, Grezia, Zipre eta Espainiak erabili dituzte “programa mertzenarioak”, txostenaren arabera. Hala ere, merkatu horretan gardentasunik ez dagoela-eta, ez dute baztertu Europako Batasuneko estatukide gehiagok ere erabili izana.
Espainiako Estatuaren kasuan Kataluniako politikari eta ekintzaile independentisten zelatatzean zentratu da txostena. El Salto hedabideak jaso duenez, Espainiak 2015ean eskuratu zuen Pegasus programa, NSO Talde israeldarraren eskutik, baina 2017an –Kataluniako erreferendumaren ostean– erabili zuten gehien. 2022ko apirilean Citizen Lab ikerketa talde independenteak argitara eman zuen 65 politikari eta ekintzaile zelatatu zituztela; 63 Pegasus programaren bitartez eta bi Candiru programarekin, tartean Pere Aragonès Generalitateko presidentea. Maiatzean orduan Espainiako Inteligentzia Zentroko buru zen Paz Estebanek aitortu zuen hemezortzi espioitza kasu baimendu zituela administrazioak. Hori da gaurdaino Espainiako Estatuko instituzioetatik iritsi den informazio bakarra.
Hortaz gain, ikerketaren arabera Espainiako Gobernuak Predator espioitza programa erosteko bidean hasi zuen, nahiz eta ezin izan duen frogatu eskuratu ote duen azkenean. Abuztuan izan zuen filtrazio batek erakusten du Predatorren jabe den Intellexa Alliance plataformak Espainiako Gobernuari informazioa eskaini ziola programaren zerbitzuen inguruan.
“PPko polizia patriotikoak” Barne Ministerioaren datu-baseen bitartez, Podemoseko politikariak espiatu zituela informatu du El Paísek, horien artean Pablo Iglesias, Yolanda Díaz, Ione Belarra edo Irene Montero. Espainiako Estatu osoko autonomia erkidego... [+]
Errusiako epaileek leporatzen diote, besteak beste, Armata errusiar tanke modernoenaren ekoizlea den Uralvagonzavod enpresako dokumentu klasifikatuak gainean zeramatzala harrapatu zutela. 20 urteko zigorra jaso dezake. Baina benetako espioia ote zen? Zoritxarrez, ezetz esango... [+]
Bost emakumek kereila jarri zuten Kataluniako mugimenduetan hiru urtez infiltratutako poliziaren aurka, haien aurkako sexu abusuak egin zituela egotzita. Fiskaltzak epaileari eskatu dio ez onartzeko kereila, eta adierazi du harremanetan emakumeen "onespena" egon zela.
2015etik 2021era mugimendu antifaxista eta antierrepresiboetan infiltratutako poliziaren kasua publiko egin du El Saltok, Directarekin elkarlanean ikertu ondoren. Hamabost hilabetean hedabideek argitaratutako polizia satorren seigarren kasua da.
Espainiako presidente Pedro Sánchezen eta beste lau ministro mugikor bidez espiatzeagatik irekitako kasua itxi egin dute, Pegasus programaren jabe den Israelgo Gobernuaren eta Justiziaren "erabateko" kolaborazio faltagatik.
Artikulu honen izenburuan agertzen diren hiru izen propioak ez datoz bat horrela deitzen ziren pertsonen errealitatearekin. Marc Hernàndez Pons, Dani Hernàndez Pons eta Ramón Martínez Hernàndez ziren Barne Ministerioak Polizia Nazionaleko hiru... [+]
Espainiako barne-ministro Fernando Grande-Marlaskak adierazi du infiltrazioekin lotutako informazioa espediente sekretu batean dagoela bilduta. Polizia horiek inteligentzia agente gisa definitu ditu, "ordenaren eta segurtasun publikoaren" intereseko informazioa... [+]
EHUko Errektoretzak komunikatu batean "ahalik eta irmotasunik handienarekin" gaitzetsi du unibertsitate-zentroko langileen ustezko espioitza kasua. Infolibrek ezagutarazi zuen Kitchen kasuaren barruan, EHUko langile bati buruzko informazioa pasa ziola unibertsitateko... [+]
Madrilgo La Animosa zentro sozialean eta mugimendu ekologistetan hartu du parte poliziak. Azken hilabeteetan argitaratu duten infiltratutako polizien laugarren kasua da.
Martxoaren 2an eman zen argitara Espainiako Poliziak Mari Jose Beaumont zelatatu zuela 2015ean. Nafarroako Gobernuko Lehendakaritza, Funtzio Publiko, Barne eta Justizia kontseilaria zen orduan, Uxue Barkosen gobernuan. Berrian eta Naizen adierazi du auzian aurkeztea pentsatzen... [+]
Espainiako enegarren ustelkeria auzia –Kitchen auzia deiturikoa– hari luzea uzten ari da bestelako kontuetan ere. Espainiako Barne ministerioak arerio politikoak nola jazartzen eta zelatatzen zituen agerian geratu da epaiketara aurkeztutako dokumentazioarekin... [+]
Espainiako Poliziak Mari Jose Beaumont zelatatu zuen 2015ean Uxue Barkos lehendakariak Nafarroako Gobernuko Lehendakaritza, Funtzio Publikoa, Barne eta Justizia kontseilaria izendatu zuenean.
Ser kateak jaso duen abuztuko dokumentu batean, Espainiako Barne Ministerioak "zilegi eta beharrezko" ikusten du polizia agenteak infiltratzea mugimendu sozialetan, "independentismoaren arriskuak geldiarazteko".
Harreman sexu-afektiboak bilatu zituen zenbait andrerekin Espainiako polizia infiltratu batek Katalunian, besteak beste, inguru militanteetara sarbidea errazteko, Directa hedabideak jakitera eman duenez. Horietako bostek salaketa jarri dute epaitegian; sexu abusuak, osotasun... [+]