“Europak prest egon behar du bigarren COVID-19 eraso baterako” dio EBren prebentzio arduradunak
Ez dakiguna da zein tamainakoa izango den eta noiz gertatuko den COVID-19aren hurrengo erasoa, baina gertatuko dela badakigu birusaren ezaugarriengatik, hala mintzatu zaio The Guardian egunkariari Andrea Ammon doktorea, Europar Batasunean Gaixotasunen Prebentziorako Zerbitzuaren (ECDC ingelesezko sigletan) burua dena. Haren ustean, martxoan eskiatzera joateko oporretako itzulerak garrantzia berezia eduki zuen epidemiaren barreiatzean.
"Begiratzen badiegu birusaren ezaugarriei, orain arte dakigunaren arabera nola dagoen bateko eta besteko populazioaren immunitatea –ez dena izugarria, %2 eta %14 artekoa, eta horrek esan nahi du %85-90 dagoela birusaren erasoa nozitzeko gai–, birusa gure inguruan dabilela, urtarrilean eta otsailean baino askoz gehiago zirkulatuz... ez dut munduaren akabera iragarri nahi baina bai errealistak izan behar dugula. Hau ez da erabat lasaitzeko unea".
Horrela ohartarazi ditu Europako Gobernuak Europar Batasunean Gaixotasunen Prebentziorako Zerbitzuaren buruak, Andre Ammon doktore alemanak. Alegia, posible dela bigarren olaturik ez gertatzea ere, orain arte hartutako prebentzio neurriak eragina izaten ari direlako, baina hori segurtatzetik oraindik oso urrun gaudela eta egoera normala balitz jokatzea arriskutsua dela.
Hartu diren urruntze sozialezko neurriak eta enpresen itxierak tentsio handiak eragin dituztela onartzen du Ammonek. "Ikusten dugu alde batetik daudela enpresa txiki eta ertainak nozitzen ari diren arazoak eta bestetik jendeak sufritzen dituenak, ezin delako ariketa fisikorik egitera irten, ez dauzkalako normalean eduki ohi dituen askatasun horiek guztiak erabili: nahi dugun lekura joan, nahi dugunarekin egon... Sakoneko aldaketa ekarri du honek gure bizitzara. Eta orain, infekzio kopuruak beheraka ari direnean, jendeak pentsatzen du arazoa bukatu dela. Eta ez da bukatu, inondik ere".
Ammonek onartu dio kazetariari agintariek beranduegi erreakzionatu zutela, Txinakoa ikusita neurriak lehenago hartu izan balituzte askori bizia salbatuko ziotela galdetu dionean: "Uste dut neurriok goizago hartu izan bagenitu hala izango zela baina... neurriok hain dira gogorrak, hain daude urruti guk orain arte eduki dugun esperientziatik... iruditzen zait, zoritxarrez, Italiako iparraldeko egoera ikusi behar izan genuela denon begietan neurriok beharrezkoak zirela garbi edukitzeko".
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.