Europar Batasunak bere lurzorua legez babestea eskatzen ari dira
Europa osoko 500 elkartek osatzen duten People4Soil elkartea firma bilketan ari da Europar Batasunak lurzoruak kutsadura eta suntsitzetik lege berezi batez babestu ditzan.
Europako Batzordeak herri ekimenak bideratzeko daukan zerbitzuan aurkeztu dute lege eskaria eta hori babestu nahi duten ahalik eta herritar gehienen sinadurak batu nahi dituzte irailaren 11 artean.
“Pasatzen den minutu oro –diote eragileek- lurzoruak estaltzen, kutsatzen, ustiatzen, pozoitzen, oker erabiltzen eta kontsumitzen dira. Europak ez dauka oraindik lurzoruak defenditzeko lege bateratu bat. Legezko babes hori derrigorrezkoa da gizakien, faunaren eta landarediaren babeserako. Lurzoru sano eta bizi bat barik, gure etorkizuna arriskuan da. Lurzoru sano eta biziak babesten gaitu hondamendi naturaletatik, klimaren aldaketatik eta elikagaien pozoiketatik”.
Lege horrek onartu beharko luke lurzoruak herritar guztien ondarea dela, Europar Batasunak babestu beharrekoa gizakiaren ongizatearekin lotuta daudelako. Koadro juridiko bat antolatzea nahi dute gaur lurzoruek dauzkaten mehatxu handienei aurre egitekoa: higadura, inpermeabilizazioa, gai organikoen galera, bioaniztasun galera eta kutsadura. Aldi berean, EBren politiketan present egon behar dute Nazio Batuen Erakundeak garapen iraunkorraren eremuan lurzoruez ipinitako helburuak, eta nekazaritzaren bezala basogintzaren negutegi eragineko gasen isurketen kontabilitatea zuzen egitea.
Gure bizitzan zehar, jaberik gabeko zenbat ibaitan bainatu gara? Senarrik gabeko zenbat baratzetatik elikatu gara? Zenbat hazi kreole lorarazi ditugu aitarengandik, osabarengandik edo anaia ezkongabearengandik heredatu ez ditugun lurretan? Azken batean, zenbat emakume ezagutzen... [+]
COP26 biltzarraren bezperan, planeta osoko laborarien bozgorailu izan nahi duen Via Campesina saiatu da klima are gehiago zora ez dadin bere proposamena zabaltzen Hararetik (Zimbabwe): “Aldarrikatzen dugu aitortua izan dadila nekazaritza agroekologikoak, basogintza... [+]
Epizentroa Eguesibarren izan du eta gaueko 22:45etan dardarazi du lurra. Ordu erdiko tartean bi erreplika gertatu dira, 3,2 eta 2,7 gradukoak.
Ekainaren erdialdean hasita, ezohiko uholdeek txikizio galantak eragin dituzte Europako hainbat eskualdetan. Udan barrena eurite eta uholde izugarriak errepikatu dira munduko lau muturretan, Txinan bezala Afrikako Sahelen, Pakistanen edo Amerikako Estatu Batuetan, beroketa... [+]
XX. mendean zehar basoen hedapena larre eta nekazal lurren kaltetan izan da. Euskal paisaiaren eraldaketa hau nabarmenagoa izan da isurialde kantauriarrean. Hain zuzen ere, isurialde horretan dago ekosistemarekiko integritate gutxiko baso lurren presentzia handiena.
Gasteizko Udalak abenduan ukatu zion Subillako Armentia-2 putzuan zundaketa egiteko baimena SHESA hidrokarburoen sozietateari. Putzuan gasik ba ote dagoen ikertu nahi du Eusko Jaurlaritzaren sozietateak. Gorka Urtaran alkateak adierazi du udalaren erabakia defendatuko duela.
Duela lau urte sortu zuen Oñatiko Udalak ingurumen beka. Oñati inguruko anfibioen eta narrastien azterketa egin zuten lehen deialdi hartan, herriko ekosistema ezberdinetan zein egoeratan zeuden ikertzeko. Duela bi urte, energia berriztagarrien inguruko lanari... [+]
Insignis pinuari eraso dioten onddoek hankaz gora jarri dute Bizkaiko eta Gipuzkoako basogintza. Azken ia mende batean gorabehera handirik gabe moldatu den basogintza osoa kolokan jarri dute onddo xixtrin batzuek. Xixtrin baino gehiago, ziztrin esan beharko dugu, izan ere, a zer... [+]
Erromatar garaiko herrixka txiki baten arrastoak aurkitu dituzte Atiaga ondoan, Arabako Haranak ureztatzeko obrak egiten ari zirela.
Aizkorri-Aratz Parke Natural eta Kontserbazio Bereziko Eremuan (KBE), Zerain eta Oñati udalerrietan, Gipuzkoako Aldundia lau baso pista eraikitzeko proiektua tramitatzen ari da, bertako herri onurako mendi batean eta lursail pribatu batzuetan, hurrenez hurren. Natura 2000... [+]
Europako Batzordearen zientzia eta ezagutza zerbitzua den Ikerketa Zentroak argitaratu berri du desertifikazioaren munduko Atlasaren edizio berria, lekuan lekuko erabakiak hartu behar dituzten arduradunei eskaintzeko tresnak lurzoruen galera eta hondatzeari erantzun egokiak har... [+]