“Europa lorategia da eta munduaren gainerakoa oihana; lorezainek oihanera joan behar dute, bestela, inbaditu egingo gaitu”
Europako Batasuneko diplomaziaburu den Josep Borrellek kutsu zibilizatzaileko adierazpen xenofobo eta eurozentrista larriak egin ditu Europako Akademia Diplomatikoaren inaugurazio ekitaldian.
“Europa lorategi bat da […], eta munduaren gainerakoa ez da zehazki lorategia. Munduko gainerako zatirik handiena oihana da, eta oihanak lorategia har dezake”. Josep Borrell Europako Batasuneko atzerri eta segurtasun politika erkideko goi ordezkaria hitz hauekin mintzatu da joan den astean Brujasen (Flandria) inauguraturiko Europako Akademia Diplomatikoaren irekiera ekitaldian.
Batasuneko etorkizuneko diplomatikoak izango direnen aurrean, Espainiako atzerri ministro izandakoak adierazi du Europako “lorezainek” munduan esku hartu eta “oihanera” joan behar dutela, eskuin muturreko diskurtso xenofobo eta zibilizatzaile gordina lasai aireratuz: "Lorezainek oihanera joan behar dute. Europarrek askoz konpromiso handiagoa hartu behar dute munduarekin. Bestela, munduaren gainerakoak inbaditu egingo gaitu, askotariko modu eta bitartekoez".
Berak nabarmenduriko behar hori azpimarratzeko, iragan kolonizatzailea duen kontinenteko goi ordezkariak Europako "lorategiaren" balioa goraipatu du: "Lorategi bat eraiki dugu. Guztiak funtzionatzen du. Gizateriak eraiki duen askatasun politikoaren, oparotasun ekonomikoaren eta kohesio sozialaren konbinaziorik onena da, hiru gauzak batera". Hura babesteko, ordea, “harresiak” eraikitzea nahikoa ez dela adierazi du, oihanak "hazteko ahalmen handia" duela argudiatuz: "Harresiak ez dira inoiz behar bezain altuak izango lorategia babesteko".
“Behar bezain altuak” ez, baina bai hilkorrenak
Europako atzerriko politiken arduradunaren hitzetan, harresiak eraikitzea "ez da oihana kanpoan mantentzeko irtenbidea", baina Europar Batasunak azken urteotako politikekin erakutsi duen joerak bestelako pentsaera bat islatzen du. Mugen kudeaketa eta kontrolerako inbertsio komunitarioa, esaterako, laukoiztu egin du aurrekontu-aldi batetik bestera, 2.800 milioi eurokoa izatetik (2014-2020) 12.800 milioi eurokoa izatera pasata (2021-2027), eta Frontex agentziaren etengabeko hazkundea 10.000 agenterekin hornitu nahi du bost urte barrurako.
Atzerri politika horien ondorioz eraikitako harresiak ez dira "behar bezain altuak", ordea, Europako Batzordeko presidenteorde ere denarentzat, horien eraginez, dagoeneko munduko hilkorrenak diren Europako mugek urtetik urtera hilkorrago bilakatzen jarraitzen duten arren. Horren adibide gisa, Frontexen eskutik Mediterraneo itsasoan eragindako militarizazio prozesuaren ondorioz, berraktibatu den Kanarietako bidean iaz 4.016 hildako erregistratu ziren –2020an baino %116 gehiago–; inoizko zifrarik altuena.
Ez da ezusteko handirik izan Europako hauteskundeetan, eskuin muturrak gora egin duen bitartean, berdeek orain arteko emaitzarik txarrenetakoak izan dituzte. Zentzu horretan, geroz eta gehiago nabarituko dugu trantsizio ekosozialari lotutako erabakietan ebidentzia zientifikoek... [+]
401 aldeko boto eta 284 kontrako jaso ditu, baina gehiengoa lortu du 41 botogatik. Hurrengo bost urteetan berriro ere presidente izango da, popularren, sozialdemokraten, liberalen eta berdeen babesa jasota. EH Bilduk kontra bozkatu du, eta EAJk alde.
Europar Batasunaren txandakako presidentetza beretu eta astebeteren buruan Viktor Orban hungariar lehen ministroak egin duen ezusteko blitz-ak azalpen serioa eskatzen du. Gaiaren neurrikoa.
Amaitu berriak ditugu Europar Batasuneko Legebiltzarrerako hauteskundeak eta ezer gutxi jakin dugu hautagaiek datozen bost urteetarako dituzten asmoei buruz, gauza orokorrak ez badira. Izan ere, esan digute eskuin muturra datorrela, eta egia da, baina horrezaz gain, oso gutxi,... [+]
Europa mailako Critical Raw Materials Act edo Lehengai Kritikoei buruzko Legea indarrean sartu berri da. Klima larrialdiaren testuinguruan energia berriztagarriak garatzeko, mineralen eta metalen horniketa "seguru eta iraunkorra" bermatzera datorren legea izan... [+]
Sindikatuek eta Alda elkarteak deituta karrikara atera dira herritarrak eskuin muturraren gorakada salatzeko.
Bigarrenetik seigarren postura erori da Berdeen alderdia Ipar Euskal Herrian, Europar legebiltzarreko hauteskundeetan. 2019ko hauteskundeen datuekin alderatuta, 10.000 boz galdu dituzte; hots, %17tik %7ra pasa dira.
Etxebizitzen eta alokairuen prezioek mugarik gabe jarraitzen dute gorantz eta milioika lagun egoera oso prekarioan utzi ditu horrek: gazteek ezin dute emantzipatu, herritar asko euren auzotik ostikoka bota dituzte, eta beste askorentzat infraetxeak partekatzea da irtenbide... [+]
Ekainaren 30eko eta uztailaren 7ko Frantziako Legebiltzarrerako hauteskundeetan eskuin muturrak garaipena lortu dezake, eta hori gertatzekotan Le Penen RN eta Macronen Renaissanceren arteko koalizio gobernua osa liteke. Arrisku errealaz kontziente, eskuin muturraren gorakada... [+]
Frantziako Estatuan zein Ipar Euskal Herrian RN Batasun Nazionala eskuin muturreko alderdia lehen indar atera izanari erantzuteko manifestazioa egin dute Baionako karriketan gaindi, oihu eta txistu artean.