“Eurocopa honi ez” mobilizazio nazionala Bilbon, apirilaren 10ean
UEFAk apirilaren hasieran erabakiko du Bilbo izango den Europako Futbol Txapelketa jasoko duen hirietako bat. Alegia, Espainiako selekzioak San Mamesen jokatuko ote duen. Horren aurrean, mobilizazio nazionala deitu du Eurocopa Honi Ez ekimenak, apirilaren 10ean Bilbon.
Eurokopak "Bilbon eta Euskal Herri osoan areagotuko duen errepresio eta militarizazioa" salatu dute plataformako kideek, baita "nazio zapalkuntza eta izaera faxista duten taldeen presentzia" ere. Mobilizazioa baino lehen, hilaren 27an, agerraldia egingo dute Bilboko udaletxearen ateetan, 18:00etan.
Hain justu, Bilboko alkate Juan Mari Aburtok hainbatetan berretsi du Eurokopa Bilbora ekartzeko desioa. Hilaren hasieran, esaterako, UEFAren ustezko zalantzen aurrean, "harridura" agertu eta Udalaren apustua argia dela azaldu zuen, sei urte daramatzatela proiektuaren inguruan lanean, dirua –"eta lan ordu mordoa"– inbertituta. Orduan adierazi zuenez, Eurokopa hartzeak mesede handia egingo lieke "une hauetan hainbeste sufritzen ari diren sektoreei, ostalaritza eta merkataritzari adibidez, izan dezakeen inpaktu ekonomikoagatik".
MOBILIZAZIO NAZIONALA
🔸Apirilaren 10ean🔶
Apirilaren hasieran, Bilbo eurocopako egoitzetako bat izango den ala ez erabakiko du UEFAK.
Azpaldidanik aldarrikatzen ari garen bezala, ez gara begira geratuko.
GUZTION ARTEAN GELDITU DEZAGUN!#EurocopaHoniEz pic.twitter.com/nLHDYICmBs
— Eurocopa Honi EZ #EurocopaHoniEz (@EurocopaHoniEz) March 10, 2021
Babesa "Eurocopa honi ez" ekimenari
Egunotan hainbat eragile eta futbolzale talderen babesa jasotzen ari da Eurokoparen kontrako kanpaina, Euskal Herrikoenak (Indar Horibeltz, Altsasuko gaztetxea...) eta Espainiako Estatuko beste batzuenak (Murtziako United Class, Troopers Reus...).
Eurokopako futbol partida San Mamesen ez jokatzea erabaki du Espainiako Futbol Federazioak. San Mamesen jokatzeakoak ziren partidak Sevillako La Cartujan jokatuko dira.
Futbola, 22 lagunez osatutako kirola, pasio, inspirazio iturri edo “harmailak testosteronaz betetzeko aitzakia”, ikuspegiak bezain ugariak dira jarduerari esleitzen zaizkion definizioak. Baina bada onarpen maila zabala duen ideiarik ere: futbola gutxi batzuentzat... [+]
Larunbata apirilak 10, goizeko 11:00k, balizko Eurokoparen segurtasun-hesiaren eraikuntza lanak San Mames estadioaren atarian, eta horrekin aurrez aurre, Eurocopa Honi Ez! plataformaren materiala saltzen duen postu bat. Minutuak aurrera joan ahala, gazte taldeak biltzen hasi... [+]
"Eurocopa honi ez!" plataformako kideek txapelketaren aurkako eta euskal selekzioaren aldeko aldarria eraman dute BIFS gailurrera. Salatu dutenez, bi kide identifikatu dituzte eta Athletic-eko segurtasuna bultzaka aritu da jendearen aurka.
Eurocopa honi ez! kolektiboak deituta, Bilbon ere jokatuko den futbol txapelketaren aurkako manifestazio nazionala egingo da martxoaren 28an Bizkaiko hiriburuan, Zabalburu plazatik abiatuta; eta bi aste lehenago, 14an, Etxean jokatzen dugulako topaketa nazionala hartuko du... [+]
Espainiako gizonezkoen futbol selekzioak, 1967az geroztik lehenbizikoz Euskal Herrian, San Mames estadioan jokatuko ditu 2020ko Eurokopako hiru partida. “2014an aurkeztu genuen hautagaitza Bilboko Udalak, Bizkaiko Diputazioak eta Eusko Jaurlaritzak, artean ez genekienean... [+]
"Bilbao 2020 Eurokopa Honi Ez" plataformaren aurkezpena burutu da Sumendi Espazioan.
“Soilik kirol gertakari gisa” izendatu nahi du Eusko Jaurlaritzako Kultura sailburu Bingen Zupiriak 2020ko Eurokopan Espainiako selekzioak Bilboko San Mames estadioan jokatzea.
Bilboko futbol zelaia Espainiako selekzioak etxeko talde gisa jokatzen duen aldiro erabiliko dute. Ez da egoitza bakarra izango, izan ere 2020ko txapelketako partidak Europa osoko zelaietan jokatuko dira.
Bilboko Solokoetxeko ikasleek EuroCopa 2020an lan bolondresak egiteko eskuorriak eta gutunak banatu dizkietela salatu dute. Ekimenak sustatzen duen lan prekarioaren aurrean, "esklabo" izateko asmorik ez dutela adierazi dute.
Bilboko Solokoetxeko ikasleek EuroCopa 2020an lan bolondresak egiteko eskuorriak eta gutunak banatu dizkietela salatu dute. Ekimenak sustatzen duen lan prekarioaren aurrean, "esklabo" izateko asmorik ez dutela adierazi dute.
Bizkaiko Batzar Nagusiek erregimen fiskal berezia onartu dute, 2020ko Eurokoparen bueltan lan egingo duten enpresak zergak ordaintzetik salbuesten dituena.