Euriborra %2ra igota hipoteka %35 garestitu zaie milaka etxeri
Europako Banku Zentralak erabaki duen interes tipoen igoera historiako handiena da. Euriborra da interes aldakorra duten hipoteketan kuotak kalkulatzeko bankuek erabiltzen duten tasa eta irailaren 9an %2raino igo da. Honek ekarriko du milaka familiak etxebizitza ordaintzeko bideratzen duen kostua %35 handiagoa izatea.
El Saltok landu duen erreportajean, adibide zehatz bat jarri du hipotekak zenbat garestituko diren ikusteko: M. C.-k hipoteka aldakorra duela bi urte kontratatu zuen, eta orduan euriborra eta interes tipoak negatiboak ziren. 180.000 euroko zorra du 30 urtean ordaintzeko, eta 586 euro bideratzen zituen hilero hipoteka ordaintzera. Bere hipoteka berritzen den (urtero berritzen da, kontratua sinatu zen egunarekin) eguna irailaren 9a izan balitz, bere kuota %39 igoko zen, hilabetean 816 eurokoa izanik. Eta euriborra %3ra iritsiko balitz (ekonomiako egunkariek ez dute baztertzen arrisku hau), hilero ordaindu beharrekoa 921 euro lirateke, hau da, bere kuota baino %57 gehiago.
Fotocasa webgunearen arabera, Europako Banku Zentralak interes tipoak igo izanak ekarriko du interes aldakorreko hipotekak 1.400 eta 3.400 euro bitartean garestitzea, hau da, hilean 124 eta 288 euro artean. Eta hori guztia euriborra %1,5ean egongo balitz kalkulatuta aurreikusi du Fotocasak, zeina dagoeneko %2ra igo den.
"Oinarrizko gaien gastua %16 igo zaizula 2021rekiko? Lasai, badator Europako Banku Zentrala eta hipoteka %37 igoko dizu konpontzeko" dio Carlos Sánchez Mato ekonomialariak El Salton. Artikulu honetan azaldu du argindarraren prezio igoerak ekarri dituen ondorioak, eta oligopolioen jokaldiaren sekuentzia.
Hipoteken %80 dira aldakorrak
Hipoteka aldakorrak ziren gehien kontratatzen zirenak 2020ra arte, urte horretatik aurrera bogan ez badaude ere. Hipoteka duten etxeen %80 euriborrari so bizi da hilero zenbat ordaindu beharko duen jakiteko. Etxebizitzaren plataformek ohartarazi dute euriborraren igoera honek hurrengo urteetan etxekaleratze mordoa ekarriko duela.
Hipotekak Kaltetutakoen Plataformako Paco Morote kideak El Saltori egindako adierazpenetan gogorarazi du 2021ean 41.000tik gora izan direla Espainiako estatuan etxe kaleratuak, eta 2022ko lehen hiruhilekoan 11.000 izan direla. Espainiako Gobernuak Etxebizitza Legea onartzeak ekar dezake egoera zerbait arintzea Moroteren arabera, baina ez edozein legek, baizik, etxebizitza mugimenduak aurkeztu dituen proposamenak onartzen dituenak.
Europako Banku Zentralak interes tasak jaitsiko ditu ostegun honetan, bi urtetako etengabeko gorakadaren ondoren. Diruaren garestitze edo merkatzeak zuzeneko eragina du Euriborrean eta herritarrek ordaindu behar duten hipoteketan. Baina nola nabarituko da aldaketa hori?
Erreserba Federalak interes-tasak bere horretan uztea erabaki du urtebetean lehen aldiz, orain arte etengabeko igoera egin eta gero. Argudio nagusia inflazioa jaitsi egin dela da, baina atzean badaude mamu gehiago, hala nola, atzeraldi ekonomikoa eragitea eta AEBetako finantza... [+]
Europako Banku Zentralak interes tasak puntu erdia igo eta %3,5ean jarri ditu. AEBetako Silicon Valley bankuaren kiebraren ostean zalantzak zeuden Frankfurtek zer egingo ote zuen, baina inflazioa jaitsiarazteko jarritako bideorriari eutsi dio, eta krisi ekonomikoaren kostua... [+]
Neurri progresibo eta eraginkorrak hartzeko ohartarazi dute EBZren blog batean hainbat ekonomialarik; bestela, murrizketa gogorrak egin beharko dira etorkizunean, edo inflazio altuari apropos eutsi, herrialdeen irabaziak zorraren gainetik mantentzeko.
Europako Banku Zentralak %2ra igo du ditu interes-tasak. Azken hilabeteetan hirugarren aldiz jarraian igoera handi bat egin du, inflazioari aurre egin nahian. Horrek, baina, hipoteketan eta herritarren poltsikoetan eragiteaz gain, atzeraldi ekonomikoa sor dezake aditu askoren... [+]
Diruaren merkatuko prezioa, interes-tasa, etengabe ari dira igotzen mundu osoko banku zentralak, baita Europan ere. Europako Banku Zentralak (EBZ) hainbat urtez dirua kasik doan eman ondoren, %0,50 igo zuen tasa hori uztailean eta %0,75 irailean, inoizko igoerarik handiena.
Europako jendartearen gehiengoa pobretu egin dela diote azken urteotako datu eta estatistika guztiek. Europako Banku Zentralak eta antzeko erakundeek darabilten politika ekonomikoak zerikusi zuzena du horrekin; eta desberdintasun soziala gehiago handituko da ondare apur baten... [+]
Espainiako Bankuko gobernadore Pablo Hernández Cosek Barakaldoko BECen egindako ekitaldi batean adierazi du Europako Banku Zentralak interes tasak %2,25 eta %2,5 artean igoko dituela aurreikusten ari direla.
Carlos Sánchez Mato Madrilgo Unibertsitateko ekonomia aplikatuko irakaslea da eta Ezker Batuko programazioa egitearen arduraduna. El Salto hedabidean idatzi duen artikulua euskaratu dugu. "Europako Banku Zentralak erabaki du diruaren prezioa 75 puntutan igotzea... [+]
Duela aste batzuk iragarritakoaren bikoitza igo ditu interes tasak Europako Banku Zentralak azkenean, %0,50. Hamaika urteko joerari buelta eman eta diru merkea eskaintzeari utziko dio, bere esanetan inflazioaren gorakadarekin eteteko.
Interes tasak %0,25 igoko ditu Europako Banku Zentralak uztailean, eta lehen aldiz hamaika urtetan zorra erosteari utziko dio. Prezioen gorakadari aurre egiteko neurria dela argudiatu dute bankuaren agintariek, baina horrela izango al da?
COVID-19aren ostean ekonomia suspertzeko iragartzen ari ziren neurri ekonomikoak ezbaian jarri ditu Ukrainako gerrak. Azken asteetan mota askotako erabakiak hartzen ari dira Europar Batasuneko agintariak. Horietako batzuek zuzenean eragingo dute herritar arrunten bizimoduan... [+]
Covid-19aren krisiari aurre egiteko Europako Banku Zentralaren zor publikoaren erosketa planean aldaketak iragarri ditu Christine Lagarde bankuko presidenteak: inflazioaren gorakadaren eta aurreikuspen hobeen aurrean, erritmo motelagoan erosiko dute zorra.
Greziako Finantza ministro ohia susperraldi-funtsaren inguruko negoziazioez mintzatu da El Diario.es egunkariari eskainitako elkarrizketan. Asteburu hontan egingo da goi-bilera, eta Europar Batasuneko herrialdeek koronabirusaren efektuak leuntzeko funts komuna jasotzeko... [+]