Euriak ez zuen gelditu baina
CHILL MAFIA
Non-noiz: Mendillorriko Txosnagunean (Iruñea), irailaren 9an.
-----------------------------------------------------------
Hasieratik esanen dut ez zela izan espero nuen kontzertua, edo ez nuela aurkitu espero nuen giroa behinik behin. Hilabeteak ziren Chill Mafiak kontzerturik ematen ez zuela eta gogoa egon bazegoen. Arratsalde osoan zehar bi mamu aritu ziren Mendillorriko txosnagunearen inguruan: 1) Euriak etenik emango al du? Eta 2), batez ere, Kiliki azalduko ote da? Azkenerako, jendetza bildu zen pista gorriaren inguruan larunbat gauean. Dena aldeko zuten: etxean (auzoan), Iruñerri osotik etorritako fansak eta atertzera eman zuen zerua. Baina ez dakit zertan ez zuten asmatu, edo zergatik ez ninduen ohi bezala engantxatu.
Eszenatokira euritakoa eskuan igo ziren (Kiliki ere bai), eta Sarak ere ekipoa estaltzeko bazuen txiringitoa muntatuta. Jota tuneatu batekin hasi ziren, ez nuen ezagutzen, eta entzun ere, gehiegi ez zen entzuten. Gero etorri ziren Ben Yart eta bere outfit beti performatiboa kantura, eta taldearen kanta ez hain ezagunak. Ordura arte esanen nuke espektatibak goian genituela oraindik kontzertuak goia noiz joko.
Lagun batek dio ez dela talde batere txosneroa. Azkenean ekipo on bat behar dela eta horrek zapuzten duela dena. Beste batek esan zidan Ben Yarten kantak ez dakizkien pertsonari astuna egin dakiokeela kontzertua, eta nahiago duela Ben Yartek kontzertua bakarka ematen duenean. Hirugarren bati ere eskatu nion iritzia, eta zalea izanik ere, esan zidan besterik gabe kontzertu txarra izan zela.
Egia esan, azkenerako karparen azpitik kanpoaldera atera ginen ez genuelako tokiarekin asmatu (ez ordea, karparen postean igota dena eman zuen gaztetxoak). Horrek ere baldintzatzen du nola bizi duzun kontzertu bat. Kanta ezagunenak (Barkhatu, ay que emoción, 31014, Mañaneo, Gazte arruntaren koplak…) amaierarako utzi zituzten eta irudipena, kanpotik behintzat, ez zen estasi kolektiboarena. Are, jaleikoa eskatzen zuten goitik behin eta berriz, seinaleren bat ere ematen zuen horrek.
Zer ziren eta zertan bilakatu diren galdetu zidaten. Tira, ba ez dut esango agortu den fenomenoa denik. Ikusi besterik ez dago zenbat jende (oso ezberdin) batzeko gai diren. Talde guztiek bezala bolo onak eta txarrak dituzte. Kontzertu bat, gainera, faktore askoren emaitza ere bada eta larunbatean, niretzat, dena aldeko zuten arren, kontrako eragileen kate bat izan zen. Euriak ez zuen Chill Mafia gelditu, baina ze pena. Neguan Zentralen eman zuten kontzertu kasik epikoaren oroitzapena gorde beharko dut hurrengora arte.
OCU kontsumitzaileen Elkarteak hiru arrazoi zehaztu ditu, horien artean kanpoko janaria eta edaria Kobetamendiko esparruan sartzeko debekua, eta eskudirutan edo banku-txartelaren bitartez ordaintzeko ezintasuna. Facuak aurreko urtean egindako salaketan zehazturiko arazoak... [+]
Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Willis Drummonden agur besta
Non: Intxaurrondoko kultur etxean, Donostian
Noiz: Urtarrilaren 5ean
Gonbidatuak: Zetkin, Elvis Caino DJ, Indezen DJ eta Zumitrenko DJ.
------------------------------------------------
... esango dugu noizbait. Joan ikustera, baina... [+]
Arabako Mendialde eta inguruetako identitate disidenteek osatzen duten Asteriskes kolektiboak Bermu Okerra musika jaialdia antolatu zuen abenduaren 28rako. Araba eta Nafarroa arteko mugan kokatuta dagoen Kontrasta herrian egin zuten, eguerdian. Antolatzaileek azaldu dutenez,... [+]
Arabako Mendialde eta inguruetako identitate disidenteek osatzen duten Asteriskes kolektiboak antolatu du Bermu Okerra musika jaialdia abenduaren 28rako. Araba eta Nafarroa arteko mugan kokatuta dagoen Kontrasta herrian egingo dute jaialdia, eguerdian.
Hatortxurock elkartasun jaialdiaren 28. edizioa ospatu da gaur Atarrabian. Euskal errepresaliatu guztiak etxeratzeko helburua duen musika festibalak milaka lagun bildu ditu berriz ere. Jaialdia aurrera eramateko, boluntarioen lana ezinbestekoa izan da. Sarrera guztiak... [+]
Amorante eta Ibil Bedi
Non: Portuko ranpi (Ondarroa)
Noiz: Azaroaren 25ean
------------------------------------------------
Ez zait aukerarik sortu orain arte Ondarroako Portuko Ranpara gerturatzeko. Toki berezia zela eta gustatuko zitzaidala esaten zidaten lagunek... [+]
