“Euriak blaitu bagaitu ere,
Korrika uholdea izan da”
Korrikaren antolatzaileek hemeretzigarren edizioaren balorazioa egin eta euskahaldun guztiei eskerrak eman dizkiete. AEKren familia osatzen dutenak hunkiturik daudela adierazi ostean, “euriak blaitu bagaitu ere, Korrika uholdea izan da, jende uholde beroa euskararen garra hamaika egunez pizturik izan duena”, adierazi du Asier Amondo arduradunak.
Martxoaren 19an Urepeletik abiatu zen Korrika inoizko handiena izan da. "Oso berezia izan da elkartzea nekazal giroko herri txikia eta euskal herritar gehien hartzen dituen udalerriarekin, Bizkaiko hiriburuarekin, hain zuzen ere".
Munduko kontinente guztietan 50 bat Korrika txikiren ekarpena ere nabarmendu nahi izan dute antolatzaileek, “euskara eta Korrika mundu zabalean kokatu eta hemen bizi duguna mundiala izaten” laguntzen dutelako. Era berean, hedabideen jarraipena ere azpimarratu nahi izan du Amondok, “horrek ere lagundu duelako Korrikaren arrakasta ziurtatzen”.
Mertxe Mugika koordinatzailek azaldu duenez, AEKn argi dute Korrikaren azken edizioak hainbat mezu indartu dituena: Batetik, “Euskal Herriko herritarrek euskaraz bizi nahi dugula eta edozeinen gainetik lortuko dugula”; eta bestetik, “euskararen normalizazioan rol estrategikoa jokatzen duela helduen euskalduntzeak”.
Azkenik, AEKk, euskalgintzako eragile izanik, eskuak elkarlanerako zabalik dituela adierazi du Mugikak: “Gonbite zehatza luzatzen dugu herri honen administrazio guztiak euskahalduntzeko eta, hizkuntz politika ekintzaile eta egokien bidez, herritarren ahalduntzea eta euskaraz bizitzeko nahia lehenbailehen bidera dezaten”.
.jpg)
Ingurumen-inpaktuaren berri izateko eta, hurrengo edizioei begira emisioak murrizteko egin du azterketa Lander Crespo klima adituak. Garraioa izan zen Korrikako azken edizioan isurketa gehienen jatorria.
Bilboko Alde Zaharreko Korrika batzordeak auzoan egin zuten ekimen bat baimenik gabe antolatzeagatik udalaren 1.500 euroko isuna salatu du. Ekintza hau arau-hauste larritzat jo zuen udalak, eta auzokideek espazio publikoaren erabilera defendatu dute.
Irundik Baionara, ezin ezkutatuzkoa izan da 23. Korrikak eragindako harrotasuna. ‘Herri Harro’ leloak zentzua hartu duela ikusi dugu lekuko hartzaileen aurpegietan, eta atzetik euskararen alde oihuka aritu diren korrikalariengan. Bakoitzak bere gorputzetik eta bere... [+]
1.700.000 ikustaldi izan ditu EiTBren emanaldiak –Hamaika TBrenak gehitu behar zaizkio–. Pozik agertu dira AEKko arduradunak: “Inoizko Korrikarik erraldoi eta anbiziotsuena lortu dugu, herria harro egoteko modukoa”.
11 egunetan bizipen hunkigarri asko bizi dituela esan du Ane Elordik Euskadi Irratian. “Aje emozionala, bi urtetan egindako lana, kideak ondoan izanik, eskertza, babesa, Euskal Herri osoa Baionan elkartu da... Momentu oso bereziak bizi izan ditugu azken egunean”.
2.700 kilometro eginda, martxoaren 24arekin heldu da Korrikaren lekukoa Baionako Askatasun plazara, eta mezu sekretua irakurri du Garazi Arrulak. Egun osoko festa handia antolatu dute kultur eragileekin auzolanean: Ibil Bedi, Anje Duhalde, Xiberoots, txarangak,... [+]
43 urte igaro dira AEK-k lehenengo Korrika antolatu zuenetik 1980an. Lekukoak egindako ibilbideen, leloen, abestien eta omendutako pertsonen errepasoa jarraian.
Garazi Arrrula Ruiz izan da aurtengo Korrikaren mezugilea. Txalaparta argitaletxeko editorea da tafallarra. Baionan, milaka euskaltzaleren aurrean, esan du euskara ez dela "ez altxor, ez oroitarri, ez toponimia. Euskarak hegemonia hartzeaz ari gara". Eta gehitu du... [+]
AEKren mezua bertako kide Maider Heguyk eta Bixente Claveriek irakurri dute. Erakundeei “hizkuntza politika ausarta eta sendoa” eskatu diete eta ez “brilli-brillizko bilgarria”. Konpromiso eta baliabide gehiago eskatu dituzte. Gogorarazi dute oraindik... [+]
23. Korrika makina bat irudi esanguratsu egiten ari da, eta dagoeneko oso ohituta gaude jendetza ikustera "Harro Herri" leloaren atzetik korrika. Baina gauean zer pasatzen da? Larunbatetan ere, jendea festan dagoen bitartean, lekukoa norbaitek sostengatzen du. Nafarroa... [+]
Korrika egunez egun erakusten ari da pasatzen den txoko guztietan nola pizten duen harrotasun sentimendua, euskaldun izatearen harrotasunarena. Emozio horixe da, batik bat, euskara transmititzen jardun duten adineko pertsona horiena.
