Zezenketak defendatzeko euren irudia erabili izana salatu du Blusen eta Nesken Komisioak
Gasteizko jaietako zezenketak defendatzeko egindako marrazki bizidunen bideoa ezabatzeko exijitu dute. Protesta modura, asteleheneko Gran Prix-ari uko egin zioten.
“Zezenketak promozionatzeko blusen eta nesken kolektibo osoa erabili izanak sortu digun ezinegona azaleratu nahi dugu”. Hala dio Blusen eta Nesken Komisioak argitaratutako oharrak. Euren esanetan, “ez dugu onartzen gure irudia xede pribaturako erabiltzea. Ez gatoz bat bidali nahi duen mezuarekin”. Horregatik, bideoa ezabatzeko exijitu dute.
Gasteizko zezen plaza kudeatzen duten Coso de Badajoz eta Fusión Internacional por la Tauromaquía enpresek argitaratutako bideoari erantzunez atera dute oharra blusek eta neskek. Bi haur ageri diren marrazki bizidunetan, haietako batek, Iñaki deiturikoak, blusa darama jantzita. “Zezenketak babestu eta haiek ikustera geratuko gara”, dio Iñakik irudietan.
Blusen eta neskek adierazi dute zezenketak antolatzen dituen enpresariak “aldebakartasunez” jokatu duela euren irudia sartzerako ordua. Protesta modura, uko egin zioten berak antolatutako Gran Prix-era joateari.
Ehunka lagun, zezenketen amaiera eskatzeko
“Ez dira zure jostailuak, sentitu egiten dute” lelopean, animaliei “desiratutakoa ez den edozein sufrimendu” eragiten dieten ikuskizunak debekatzeko eskatu zioten astelehenean ehunka lagunek Gasteizko Udalari.
Protestaren antolatzaileen arabera, “animaliek ez dute ingurua ulertzen eta ez dakite beraiengandik zer espero den. Estresa pairatzen dute, eta zezenketen kasuan, sufrimenduz beteriko heriotza”. Martxak 30 gizarte eragileren eta Podemos eta Equo alderdien babesa izan du.
“Sinetsita gaude zezenketak desagertu egingo direla, ondo pasatzeko animaliei sufrimendua eragiteak ez baitu inolako zentzurik”, azpimarratu dute animalistek. Aurten, baina, zezenketak izango dira Gasteizen, “kontratu bat indarrean dagoelako”. Udalak ez du erabaki 2017an egingo diren ala ez.
Herriko gazteek eta jai batzordeak bultzaturiko galdeketaren bidez hartu da erabakia. Herritarren %22ak gutxi gora behera hartu du parte kontsultan, eta orain “jaien antolaketa birplanteatzea” dagokio udalari.
Gipuzkoako Plataforma Antitaurinoak deitu zuen mobilizazioa, “Ez da kultura tortura da” lelopean. Donostiako Aste Nagusian zezenketak egongo dira aurten ere, jaietako egitarautik kanpo bada ere, hiru ikuskizun eskainiko dituzte abuztuaren 15,16 eta 17an Illunbeko... [+]
Zezenketez gain, burtzikatzeak, zekorketak eta haztegiak debekatuko dituzte 2027. urtetik aurrera. “Erabaki historikoa” izan dela adierazi du Kolonbiako presidente Gustavo Petrok.
Zezenketarik gabeko besten inguruan mintzatu dira zenbait eragile, Zaunk! Iruñerria antiespezista eragileak Iruñeko Laban antolaturiko 'Zezenketen bidegurutzeak' solasaldian. Alternatibak indartzearen garrantziaz, peñen erantzukizunaz eta legeak... [+]
Zezenak torturatu eta hilko dituzte aurten ere Donostiako Aste Nagusian, hiru egunez. Arte y Cultura BMF enpresak iragarri ditu Illunben aurten egingo dituzten zezenketak, eta Aste Nagusiko bigarren asteburuan izango dira, abuztuaren 15ean, 16an eta 17an (18:00etan).
Herriko festetan, zezenak erabiltzen dituzten ekitaldietan udalek zenbat diru gastatzen duten ikertu dute AnimaNaturalis eta CAS International elkarteek. Hego Euskal Herriko datuei erreparatuz gero, Azkoien eta Azpeitia nabarmendu dituzte.
AnimaNaturalis eta PETA erakundeak antolatu dute protesta, Udal Plazan 12:00etan, festak hasi baino egun bat lehenago. Nafarroako, Espainiako eta Europako aktibistak elkartuko dira. Manifestazioa AnimaNaturalisen “odolik gabeko Sanfermin” kanpainaren barruan dago.
Joan den larunbatean, ekainaren 17an, Bilbon, Animalistak kolektibo antiespezistak Azken erasoaldia lelopean antolatu zuen manifestazioa.
Cristina Lage Turismo zinegotziak Urrezko Maskorra saria eman dio berriki Roca Rey toreatzaileari, 2022ko Aste Nagusian faenarik onena egiteagatik. Horren aurrean, Eguzki Erakunde Ekologistak salatu du Donostiako Udaleko zinegotzi batek toreatzaile bati sari bat emateak... [+]
Sindikatuak azaldu duenez, greban dagoen udal langile brigadari dagokio zezen plaza muntatzea, baina horren ordez "zezen zale elkartekoak ari dira alkatearen laguntza zuzendarekin". ELAren ustez langileen greba eskubidea urratzen ari dira eta Lan Ikuskaritzaren esku... [+]
Abuztuaren 15ean Donostiako Ilunben sei zezen nola hiltzen dituzten erakusten duen bideoa kaleratu du Gipuzkoako Plataforma Antitaurinoak, Linas Kortarekin batera egina, herritarrak sentsibilizatzeko helburuarekin.
Abuztuaren 13rako deitu dute mobilizazioa Donostian, arratsaldeko 18:00tan.