Euneiz unibertsitate pribatua sortzeko lege-proiektuak aurrera egin du Legebiltzarrean
EAJ, PSE, PP-C’s eta Vox alderdiek babestu dute, eta Elkarrekin Podemos-IUk eta EH Bilduk aurka bozkatu dute. Azken horrek argudiatu du ezin dela funts publikoen bidez finantzatu irabazi asmoa duen unibertsitaterik.
Asteazkenean onartu dute Euneiz European University Gasteiz sortzeko Eusko Jaurlaritzak aurkeztutako lege-proiektuaren tramitazioa. Eusko Legebiltzarrean eztabaidatu dute, eta EAJren eta PSEren aldeko bozkez gain, PP-C’s eta Voxen babesa jaso du; osoko bilkurara joango da lege-proiektua. EH Bilduren eta Elkarrekin Podemos-IUren aurkako bozkek ez dute balio izan tramitazioa geldiarazteko.
Ikoitz Arrese EH Bilduko legebiltzarkideak EAJri eta PSEri gogorarazi die “oraindik garaiz” daudela euskal unibertsitate sistemaren finantziazioa “blindatzeko”. Eskatu die legeari egin dizkioten zuzenketak onartzeko, osoko bilkurara iritsi aurretik. Unibertsitate pribatuak diru publikorik ez jasotzea bermatu nahi du EH Bilduren zuzenketak. Horrela argudiatu du Arresek: “Hezkuntzaren esparrua oinarrizko eskubide den aldetik, ezin da enpresen onuraren eta irabazi asmoaren esparrua izan, eta, betiere, helburu horiek dituzten proiektuak ezin dira inola ere funts publikoen bidez finantzatu”. Baztertu egin diete zuzenketa.
Esku pribatuetan
Euneiz Josean Kerejetaren Baskonia-Alaves kirol sozietate anonimoek eta Girona eta Tarragonako hezkuntza-zentro pribatuek sustatutako unibertsitate pribatua izango da. Gasteizen izango du egoitza eta bost gradu, gradu bikoitz bat eta bi master eskainiko lituzke, kirol eta osasun zientzien zein teknologia berrien esparrukoak. Horietatik bi EHUk eskaintzen ditu gaur egun, eta bat Deustuko Unibertsitate pribatuak ere. Euneizen nondik norakoak eta asmoak xeheago ikusteko irakurri Ruben Sanchezek ARGIAn kaleratutako artikulu hau.
Finantziazio publikoa
Instituzio publikoen finantziazioa jasoko du Euneizek: Eusko Jaurlaritzak Next Generation EU funtsetako 12,5 milioi euro bideratzeko asmoa du, eta Gasteizko Udalak nahiz Arabako Foru Aldundiak bakoitzak 480.000 euro jarriko ditu.
Iñaki Goirizelaia EHUko errektore ohi eta irakasleak ARGIAri elkarrizketa eskaini dio aste honetan. Besteak beste, Goirizelaiak azpimarratu du “onartezina” dela diru publikoa Euneiz finantzatzeko erabiltzea. Honela mintzatu da: “Jendeak jakin behar du unibertsitatea zer den, zertarako den, eta zertarako ez. Joan Hego Amerikara. Mila unibertsitate baino gehiago ere badira, baita garajeetan ere! Hori gura dugu? Unibertsitatea sortu nahi dugu dirua irabazteko? EHUra sartu ez diren ikasleak harrapatzeko, besterik gabe? Euneiz proiektua ez da unibertsitatea, tituluak ematen dituen enpresa bat baizik, diru etekina helburu duena. Hortxe dira Unibasq-ek egindako txostena, eta beste hainbatenak: garbi esaten dute non diren gabeziak. Eta, beharbada, bidezkoa da helburua, baina diru publikoa asmo pribatu hori finantzatzeko bideratzea onartezina da”.
David Rodriguez bozeramaileak ohartarazi duenez, jarduerak “eragin larria izango du Salburuako hezeguneetan, bertako floran eta faunan”.
Unibertsitatera sartzeko proba egitear da milaka ikasle. Gure gizarte desorekatuan, azken helduleku eta esperantza beti da hezkuntza: aukera berdintasunaren ikur, igogailu sozialerako amets. Errealitatean, baina, pribilegiatuak pribilegiatu eta zapalduak zapaldu mantentzen... [+]
Ikasturtea hasi dute dagoeneko Gasteizko Euneiz unibertsitate pribatuan (110 ikaslerekin), baina astearte arratsalde honetan egingo dute inaugurazio instituzionala, Gasteizko alkatea, Arabako ahaldun nagusia eta Espainiako Gobernuaren ordezkaria bertan direla. Hasieratik... [+]
Eusko Jaurlaritzak jardunean hasteko baimena eman dio egoitza Gasteizen duen Euneiz unibertsitate pribatuari. Espainiako Gobernuaren Unibertsitateen Ministerioaren baimena lortuz gero, 2022-2023 ikasturtetik aurrera martxan hasiko litzateke.
EAJ-PNV, PSE, PP-Ciudadanos eta VOX alderdiek egin dute legearen alde eta, besteak beste, egitasmo pribatua diru publikoz finantzatzea ahalbidetzen du.
EHUko errektore izan zen 2009-2017an. Ez da lar esatea Juan Inazio Perez Iglesiasen eta Iñaki Goirizelaiaren artean ezarri zituztela oraingo gure unibertsitate publikoaren zimentarriak, haien gainean jarri dutela beren alea ondoko bi errektore Nekane Balluerkak eta Eva... [+]
Unibertsitate publiko bezala, EHUri kezka sortzen dio Gasteizen irekiko duten Euneiz unibertsitate pribatuak, “baina kontua ez da unibertsitateek zer pentsatzen duten, herriak zer iritzi duen bizik, herri bezala zein sistema unibertsitario eredu nahi dugun”, adierazi... [+]
European University of Gasteiz, Euneiz, unibertsitate pribatua badator, edo ez. Josean Kerejetaren Baskonia-Alaves taldeak, Gasteizko Udalak, Arabako Diputazioak eta Eusko Jaurlaritzak osatu duten aliantza indartsua dirudi –eta hala ageri da hedabide nagusietan–,... [+]
Unibertsitatea martxan jartzeko lege-proiektua martxoan onartu zuen Eusko Jaurlaritzak, eta irailean berretsi behar zuen legebiltzarrak. Baina Espainiako Gobernuak dekretu bidez gogortu ditu hezkuntza zentroak unibertsitate kontsideratzeko bete beharreko gutxieneko baldintzak,... [+]
Euneiz unibertsitate pribatuak ez lituzke soilik gradu ikasketak eta ikasleentzako egoitzak bultzatuko, Saski Baskonia eta Deportivo Alavesen jabearen proiektua izaki, klub horien hainbat instalazio handitzea ere aurreikusten du enpresa-taldeak, "kirol turismoa"... [+]
Innovaraba jaio da, Baskonia-Alaves taldeak Euneiz unibertsitatearen inguruan bultzatutako proiektu integral handia. Europa Jauregian aurkeztu dute euskal erakundeen babesarekin, eta bitartean, gehiengo sindikalak protesta egin du kanpoaldean.
European University Gasteiz (EUNEIZ) unibertsitate pribatuko presidenteak martxan jarri nahi duten proiektuari buruzko azalpenak eman ditu Eusko Legebiltzarreko Hezkuntza Batzordean. Adierazi du ez dutela dirulaguntza publikorik jasoko, 400 postu baino gehiago sortuko dituztela... [+]
“Hainbat trikimailu” erabiliz, Eusko Jaurlaritzak eskola pribatuaren aldeko apustua eta politikak bultzatzen dituela salatu du STEILAS sindikatuak. Pribatizazio prozesua Haur Hezkuntzako lehen zikloan hasi eta unibertsitateraino luzatzen dela salatu du, eta horren... [+]
