Eukaliptoa eta bioaniztasunarentzat kaltegarriak diren gainontzeko landaketak saihestearen alde egin du Antzuolako Udalak
Antzuolako Udalak, Eukaliptoa, eta lurrarentzat zein bioaniztasunarentzat kaltegarriak diren gainontzeko espezie guztien landaketak saihesteko, bere esku dagoen guztia egiteko konpromisoa hartu zuen astearteko ohiko osoko batzarrean.
EH Bilduk Eukaliptoaren landaketaren gaineko mozioa aurkeztu zuen astearteko ohiko osoko bilkuran. Mozioak dio, egungo eta etorkizuneko gizarte eta funtzio ekologikoak kolokan ipintzen dituela Eukaliptoaren landaketak; eta era berean, eskatzen dio Eusko Jaurlaritzari Espezie Exotiko Inbaditzaileen Euskadiko Katalogoa eratzeko eta Eucalyptus mota desberdinak katalogo honetan jasotzeko administrazio-prozedurak berehala ireki ditzala.
"Antzuolan azken urteotan, Pinus Insignisaren gaixotasunak direla medio zuhaitz landaketa eremu zabalak mozten ari dira epe motzean, horrek ingurumenean dakarren ondorio kaltegarriekin. Izan ere, pinuak ordezkatzeko proposatzen diren espezien artean Eucaliptus Globulus eta Eucaliptus Nitens daude", azaldu zuen Ion Aranguren Lurralde zinegotziak. "Foru Aldundiari baso-politikak alda ditzala eskatzen diogu; gure lurraldeetan eukalipto gehiago landatu ez daitezen, eta gaur egun mendietan dauden eukalipto-sailen ordezkapen ordenatua planifika dezaten".
Mozioa EH Bilduren aldeko bost botorekin onartu zuten mozioa; EAJk aurkako hiru boto eman zituen eta osoko bilkurara eroandako kontra-mozioa ez zen aurrera irten.
Basogintza ardatz
EAJko Miren Elgarresta zinegotziak aurkako botoa ematea arrazoitu zuen: "Ekarri duzuen mozioak soilik espezie bat aldatzearen debekua jasotzen du. Guk basogintzaren eredu osoa aztertu behar dela uste dugu, eta ez xehetasun soil bat. Politika eraikitzaileago baten aldekoak gara eta ez debeku soil batenak. Antzuolako basogintzaren gaineko estrategia falta da mozio honetan. Espezie desberdinak lehenesteko garaian, udalak ez ditzala bide debekatzaile eta arautzaileak erabili; baizik eta Aldundiarekin adostutako bide pizgarri eta sustatzaileak baso jabe pribatuen ekimenean lagunduz".
EH Bilduko Ion Arangurenek gaineratu zuen udalak badiharduela herriko basogileekin eta lur-jabeekin lanketa bat egiten. "Baso eta lur jabe ezberdinekin lanketa egiten bagabiltza dagoeneko. Gure asmoa litzateke kooperatiba bat eratzea lur-jabe txikiekin ere bat egiteko. Are gehiago, Debagoiena 2030 ekimenaren baitan jasoa dugu lanketa hau eta jada basogintzaren estrategia aztertzen zortzi hilabete inguru daramatzagu".
Eskola inguruko natur guneak aztertu dituzte Hernaniko Lehen Hezkuntzako bost ikastetxeetako ikasleek. Helburua, bikoitza: klima larrialdiari aurre egiteko eremu horiek identifikatu eta kontserbatzea batetik, eta hezkuntzarako erabiltzea, bestetik. Eskola bakoitzak natur eremu... [+]
Andeetako Altiplanoan, qocha deituriko aintzirak sortzen hasi dira inken antzinako teknikak erabilita, aldaketa klimatikoari eta sikateei aurre egiteko. Ura “erein eta uztatzea” esaten diote: ura lurrean infiltratzen da eta horrek bizia ekartzen dio inguruari. Peruko... [+]
Biologian doktorea, CESIC Zientzia Ikerketen Kontseilu Nagusiko ikerlaria eta Madrilgo Rey Juan Carlos unibertsitateko irakaslea, Fernando Valladares (Mar del Plata, 1965) klima aldaketa eta ingurumen gaietan Espainiako Estatuko ahots kritiko ezagunenetako bat da. Urteak... [+]
Nola azaldu 10-12 urteko ikasleei bioaniztasunaren galerak eta klima aldaketaren ondorioek duten larritasuna, “ez dago ezer egiterik” ideia alboratu eta planetaren alde elkarrekin zer egin dezakegun gogoetatzeko? Fernando Valladares biologoak hainbat gako eman dizkie... [+]
2022an galeperra galzorian izendatzea proposatu zuen Espainiako Zientzialarien Batzordeak, bere ehiza debekatzea ekarriko lukeena. Espainiako Gobernuak orain erabaki du ez ematea babes hori espezieari, eta ehiztarien lobbyak eskainitako informazioa erabili du horretarako.
Munduko landa eremu periferikoetan 4 milioi kilometro koadro laborantza lur abandonatu dira azken 75 urteotan. Orain arte arrazoi ekonomikoengatik uzten baldin baziren nagusiki, gerora, klima aldaketak ere horretara bideratuko ditu geroz eta gehiago. Bioaniztasuna babesteko xede... [+]
Lapurdiko hezegunea funtsezkoa da biodibertsitatearen biziraupenerako. Proposamena eremuan zabaldu dute eta Errobi inguruko sistema hidrauliko osoa barnean izango luke; Baionako, Angeluko, Basusarriko, Milafrangako eta Uztaritzeko Aturri ibaiaren ibaiadarrak, esaterako. Bost... [+]
Lagun txiletar batek bere herriko istorio bat kontatu dit, eta ahoa bete inplante utzi nau. Han “quintral” esaten dioten landare batena da, Tristerix corimbosus. Txile eta Argentina hegoaldeko baso epeletan bizi da, eta gure lurralde epeletan hazten den mihuraren... [+]
Copernicus ingurumen behategiaren arabera 2024ak errekorra hautsiko du Lurreko tenperaturari dagokionez, eta hori bakarrik ez, industria aurreko garaiko batez bestekoa baino 1,5ºC altuagoa izango da lehen aldiz.
Denborale batek hondamendia eragin du Mediterraneo mendebaldean, eta gutxienez 92 dira hildakoak eta dozenaka desagertu daude. Halako ekaitz bortitzen arrazoiak kostaldearen txikizioan bilatu behar direla ohartarazi zuen Millán Millán meteorologoak. Eta soluzioa... [+]
Jakoba Errekondok Ilargia eta landareak 2025eko agenda eskutan, ilargiaren arabera baratzeko lanak nola antolatu azalduko du eta entzuleen galderak zuzenean erantzungo ditu. Antton Olariagak argitalpen horretarako egin dituen hamabi piztiren ilustrazioak erakutsiko ditu eta... [+]
Beste hainbat intsekturen kasuen modura, hau ere “tigre” hitzaren itzalpean izendatzen dute herrialde batzuetan. Jakina, halako izena jarriz gero espero zitekeen ehizarako trebetasuna ezin falta! Eta halaxe da, bai.
Badira sei urte nire lehen erlezaintzako ikastaroa egin nuela. Gaur gaurkoz erlezaintza da nire ogibidea.
Lehen erleak erosi nituenean ez nekien arraza ezberdineko erleak zeudenik ere, auskalo zer erosiko nuen bakarren batek "erle beltza izango da, ezta?" galdetu zidan... [+]
"Irudia zuritzeko" estrategiak erabiltzen dituzte energia arloko enpresa nagusiek. Ekintza positiboak azpimarratu eta inpaktu negatiboa "estaltzen" dutela ondorioztatu du ikerketan parte hartu duen EHUko doktoregai Goizeder Blancok.
