Etxerik gabeko pertsona bat hil da Bilbon, urtebetean gutxienez laugarrena Bilbon
Kartoi eta egurrezko txabola batek su hartu du Bilboko Bolueta auzoan, eta sutean hil da 70 urte inguruko pertsona bat. Ez dute gorpua identifikatu, baina uste nagusien arabera txabola bizilekutzat zuen etxerik gabeko pertsona bat da zendutakoa. Iazko urtarriletik hona, gutxienez lau dira Bilbon hildako etxerik gabeko pertsonak.
70 urte inguruko pertsona bat hil da Bilbon, bizilekutzat zuen txabolak su hartu ostean. Bolueta auzoan jazo da ezbeharra, astearte arratsaldean, Bilbo eta Galdakao arteko N-634 errepidean. Etxebizitza baten faltan, egurrez eta kartoiaz egindako txabola zuen aterpetzat hil den pertsonak, eta uste da sutea piztu den unean lo zegoela barruan. Kiskalitako txabola janari lasterreko McDonald's jatetxe baten ondoan zegoen, eta bertan zeuden bezeroak ahalegindu dira sua itzaltzen, su itzalgailuekin. Ez dute halakorik lortu ordea.
Sua zerk sortu zuen ikertzen ari dira, eta gorpua Bizkaiko Patologia Forentseko Zerbitzura bideratu dute, hildakoa identifikatzeko helburuarekin.
Urtebetean, gutxienez laugarren hildakoa
Azken heriotza honekin, gutxienez lau dira urtebeteko epean Bilbon hil diren etxerik gabeko pertsonak. Iaz, urtarrilak 2 zituela, Gaua Zabalgune plazan igaro zuen eta kalean bizi zen 40 urteko emakume baten heriotzaren berri ezagutarazi zen.
Maiatzaren 4an, aldiz, bi izan ziren hildakoak. Bata goizaldean aurkitu zuten Zabalgarbiko errauste plantan; 20 urteko gazte migratzailea zen, eta hipotesi nagusiaren arabera, kontainer batean sartu zen lo egitera eta ez zen zabor-kamioiaren iritsieraz ohartu. Egun berean, ordu batzuk beranduago, Casilda Iturrizar parkeko banku batean agertu zen kalean bizi zen beste gizon baten hilotza. Denbora asko mugitu gabe zeramala oharturik, herritar batek Ertzaintzari deitu zion. Anbulantzia iristerako, ordea, hilda zegoen.
Egun bakarrean bi heriotza jazo izanak alarma jota, maiatzaren 5ean Bilboko Udaletxearen parean elkarretaratzea egin zuen AZET Alde Zaharreko Etxebizitza Sindikatuak. Gertakariak "istripu" edota "heriotza tragiko" gisa aurkeztuko zituzten arren, heriotza horiek erantzule "argiak eta zuzenak" zituztela salatu zuten agerraldian egindako adierazpenen bidez: "Etxebizitzarekin espekulatu eta merkantzia bihurtzen duten putreetatik hasita (higiezinen agentziak, bankuak edo jabe handiak), erakunde publikoetaraino". Horien artean kokatu zuten Bilboko Udala, hiriko auzoetan "ematen ari den pobreen kontrako gerraren erantzule nagusi" bezala, eta pobreen aurkako gerra horren zenbait adierazle zerrendatu zituzten: jendeak kalean lo egin ez dezan postaletako arkitektura diseinatzea, Atxuriko kantxak hesitzea migratzaileei eragozteko bertan aterpe hartzea, gauero udaltzainak bidaltzea etxerik gabeko pertsonak jazartzera, hirian hutsik dauden 20.000 etxe baino gehiago egonik jendea kalean hiltzen uztea...
"Bilboko Udalak ez ditu gizarte-etxebizitzak auzokideontzako eskuragarri jartzen. Baina horretaz gain ez ditu larrialdi zerbitzuak eskaintzen, ezta miseria kudeatzeko baliabide minimoak bermatzen (besteak beste udal-aterpetxeak, etengabe gainezka daudenak). Eta are gutxiago migrazio-prozesuak egiten ari direnentzako harrera duina eskaintzen", azpimarratu zuten. Funtsean, udalari egotzi zioten etxerik gabeko pertsonak ordena publikoko arazoa izango balira bezala tratatzea, haien politiken biktimak baino ez direnean.
Duin bizi ahal izateko prestazio ekonomikoa jasotzen dutenak lupapean ditu, berriro ere, Eusko Jaurlaritzak: postontzia jarri du martxan, herritarrek modu anonimoan “jardun irregularren edozein susmo” jakinarazi dezaten, eta Lanbideko Kontrol Unitatea indartu du,... [+]
Bizitegi elkarteak 2016a geroztik antolatzen duen duen film eta antzerki jaialdia jada abian da Bilbon.
Gasteizko Errotako (Koroatze) auzoan izan diren manifestazio "anonimoek" kolokan jarri dute auzokoen arteko elkarbizitza. Azalera atera dituzte ere hauetan parte hartu duten partidu politiko batzuen eta beste kide batzuen izaera faxista eta arrazista.
Kaleko Afari Solidarioak (KAS) egitasmoko kidea da Ixiar Gonzalez Gurrutxaga. Donostiako Udalak asteazkenean debekatu egin die behar dutenentzako otordu beroak eskaintzen jarraitzea. 18:00etan prentsaurrekoa deitu dute beren erantzunaren berri emateko. "Hiru aukera ditugu:... [+]
Donostiako Kaleko Afari Solidarioak (KAS) taldeak ezin izango ditu otorduak eman ostegunetik aurrera, Egian behintzat. Hala jakinarazi diete udaltzainek asteazken iluntzean, ahoz, antolatzaileei, baimenik ez dutela eta Donostiako Udalaren erabakia dela argudiatuta. Asteazken... [+]
Bizi garen mundu frenetiko zein zorabiagarri honetan, pixkanaka gertatzen diren gizarte-aldaketak batzuetan antzemanezinak, garrantzirik gabekoak edo hutsalak direla iruditzen zaigu. Hala ere, ez da horrela, eta jakitun izan behar dugu tentuz jokatzeko. Horren adibide, azken... [+]
Europako Funts Sozialen ataletik Elikagaien Bankuetara bideratzen zuten urtero dirua eurek bidera zezaten janaria behar gehien duten herritarren artean. Aldaketa iritsi da kudeaketara orain: adin txikikoak dituzten familiei diru-txartelak emanen dizkiete produktuak erosteko. 130... [+]
EAEko haurren %6,4ak eta Nafarroakoen %10,2ak ikusmen pobrezia du. Visión y Vida elkarte espaniarrak egin du estatuko azterketa. Txostenaren arabera, ikusteko arazoak dituzten haurren eragozpen larriena da ez duela minik egiten, eta familiek, baliabide ekonomikorik ez... [+]
Oxfam Intermon-en txostenak ohartarazi du planetak dituen erronka handienei, hala nola krisi klimatikoari, eta pobrezia eta desberdinkeria iraunkorrari aurre egiteko ahalegin globalak mehatxupean daudela. “Boterea ultraaberatsen eta megaenpresen eskuetan pilatzen ari... [+]
Iazko urritik eraiki dituzte hainbat kokaleku jatorri magrebtarreko ia 100 lagunek. Poliziak duela hainbat aste jaso zuen haiek basotik botatzeko agindua.
Donostian, 300 pertsona baino gehiago “pobrezia eta muturreko bazterkeria egoeran” bizi direla salatu dute Kaleko Afari Solidarioak (KAS) eta Hiritarron Harrera Sarea taldeek. “Michelin izarrak dituzten zortzi jatetxe dituen hirian eta Basque Culinary Center... [+]
181 milioi haur inguru bizi dira egoera larrian eta gobernuz kanpoko erakundeak dio hilgarria izan daitekeen desnutrizio-motaren bat jasateko %50 aukera gehiago dutela. Desberdintasunak, gatazkak eta krisi klimatikoa dira arrazoi nagusiak.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.