Etxeko txikien ahotsa plazaratzeko ‘Leihoa zabalik’ ekimena jarri dute abian
OarsoIrria aisialdi proiektuak haurren adierazpen espazio bat zabaldu du beraien sormen lanak eta mezuak publikatzeko. "Zer esan nahi diozu munduari? Bidali zure ekarpena".
Herritik sortu eta bizitzen den aisialdiaren aldeko apustua egiten du OarsoIrria proiektuak, parte-hartzea eta auzolana uztartuz. Alarma eta konfinamendu egoerak haurren eta beraien zaintzaileen beharrak zapaltzen dituela iritzita, Leihoa zabalik ekimena jarri du abian.
Euskal Herri osoko haur eta nerabeen ekarpenak jasoko dituzte: marrazki, ipuin, bertso, poesia, eskulan, argazki, abesti, audio, iritzi... Eta ondoren beraien webgunean argitaratzen saiatuko dira, beste herritarrekin partekatzeko. "Etxeko txikien ahotsa plazaratzea oso garrantzitsua iruditzen zaigu. Hauxe da egoera honetan gure komunitateak egiten duen ekarpen xumea", adierazi dute.
OarsoIrrien esanetan, denok gaude momentu honetan harrapatuta, "heldu batzuk etxetik telelana egiten, beste batzuk lana galduta, soldatapekoak eta autonomoak... haurren ikastetxeko lanak kudeatzen, mimitoak ematen, gure buruak zaintzen...", eta denon beharrak eta erritmoak ez dira berdinak. Horregatik, garrantzitsua iruditzen zaie horiek errespetatzea eta haurren "hitza eta egiteko moduak kontuan hartzea".
Euren ekarpenak oarsoirriak@gmail.com helbidera bidal ditzakete haurrek. OarsoIrriatik gomendatu dute haurra bera izan dadila sormen lan horren "gidari", nahi duena askatasunez sortu dezan. Webgunera igoko dituzte lan eta mezu horiek guztiak "poliki-poliki" eta haur sortzailearen argazkia eransteko aukera ere badago, horretarako irudi hori publikoki erabiltzeko baimena sinatu beharko du helduak.
Informazio gehiago hemen aurkituko duzu.
Getxoko Epaitegiak Europa ikastetxeko 4 urteko haurren kasua artxibatu izanaren berri izan dugu aste honetan. Horrek zera galdetzera garamatza: instantzia judizialak, polizialak… prest al daude haurren eskaerei erantzuteko? Benetan babesten al dira gure adingabeak... [+]
6 urtez azpiko haurrek egunean ordubetez baino ezin dute egon Debako liburutegian. Udal gobernuak argudiatu du "liburutegian erabilgarri dagoen espazioa mugatua" dela, baina ez du argitu espazio mugatu horregatik ezartzen dituzten ordu murrizketak zergatik aplikatzen... [+]
Arratsaldez eta gauez lan egiten duen jendea dagoela argudiatuta, 0-3 urteko umeentzat 24 orduz zabalik egongo diren haur-eskolen beharra planteatu du Espainiako Enplegu ministroak. Erreakzio-katea berehalakoa izan da eta agerian utzi du nola ulertzen dugun kontziliazioa, zeren... [+]
Liburutegi publikoak kudeatzearen ardura duen EAEko Liburutegi Zerbitzura gutun bidalketa masiboa egin dute Debako hainbat herritarrek, herriko liburutegiko araudi diskriminatzailearen aurrean esku har dezala eskatzeko. 6 urtetik beherakoek egunean ordubetez baino ezin dute... [+]
Zestoan (Gipuzkoa), 2024ko irailaz geroztik, baliabide ekonomiko urriko haur eta gazteak bost kultur eta kirol ekintzen artean bat aukeratu, eta horretan doan aritu daitezke. Udalak dirulaguntzen araudia berritu du, haurren aisialdia eskubide bat dela argudiatuta. Aldaketarako... [+]
Kirol klub batean aritu nahi duen haurrak ez duela zertan Eskola Kirola egin dioen epaiari helegitea jarriko dio orain Gipuzkoako Diputazioak. Umeak nahi duen kirola aukeratzeko askatasuna batetik, helburu hezitzaile eta integratzaileak bultzatzen dituen eredua bestetik,... [+]
6 urtetik beherakoek 16:30-17:30 artean baino ezin dute liburutegian egon Deban, eta 2 urtetik beherakoek zuzenean debekaturik dute. Bestelako neurri baztertzaileak ere jasaten dituzte. Ageriko diskriminazioak haurrak literaturatik aldendu baino ez ditu egiten, eta borroka luzea... [+]
Gaur egun, emakumeen eta haurren ahotsei zilegitasuna kentzen dien kulturaren arrastoak diraute, haien esperientziak isilaraziz, haien oinarrizko eskubide eta beharrak minimizatu edo alde batera uzteko joera duen sistema baten barruan. Arazo horren adibide mediatiko bat Juana... [+]
Vicent Andrés Estellés poetaren hitzak harturik, bat naiz hainbat eta hainbat kasuren artean, eta ez kasu bakan, arraro edo ezohiko bat. Zoritxarrez, ez. Hainbaten artean, bat. Zehazki, Europako Kontseiluaren arabera, eta ibilbide handiko beste erakunde batzuen... [+]
16 urtez azpikoek laster ezingo dute sare sozialik erabili Australian, eta antzeko neurriak ezarri nahi dituzte Espainiako eta Frantziako gobernuek ere. Neurriaren eraginkortasunaz, sare sozialetako eduki eta dinamikez, pribatutasunaz eta plataforma handiek honetan guztian duten... [+]
Komunikabideek hainbatetan kontatzen dute halako herritan haur bati sexu abusuak egin dizkiola entrenatzaileak. Beste zenbaitetan entzuten dugu haur baten aitona atxilotu dutela bilobari sexu abusuak egiten zizkiola egotzita. Gutxiagotan argitaratzen da umeari erasoa egin diona... [+]
Indarkeria fisikoa eta sexuala jasan izana salatua duten Betharramgo Notre Dame ikastetxeko kasik ehun ikasleei beste 26 salaketa batu berri zaizkie. Horien artean, oraindik ikastetxean lanean ari den begirale baten kontrakoa dago: 12 urteko mutikoa bortxatu zuela frogatu... [+]
Zein egitura behar ditugu herrian, haurrek herriko erabakietan parte har dezaten edota beharren bat badute bideratzen jakin dezaten? Galderari tiraka esperientzia pilotua egin dute lau herritan eta emaitza ezberdina izan da lauretan. Prozesua gidatu duen Oinherri Herri... [+]