Etxejabe handiei milaka pisu kentzeko legea bozka dezakete Berlinen
Etxebizitzen garestitzeari aurre egin asmoz, tabu bat hautsi da Berlingo iritzi-publikoan: etxejabe handiei pisuak kentzeko aukera mahai gainean dago eta erreferendum bidez bozkatuko da.
Inon ez da ari etxebizitzaren prezioa Berlinen bezainbeste hazten eta egoera horren aurrean neurriak hartzen hasi dira erakunde publikoak. Duela zenbait hilabete, Alemaniako hiriburuko agintariak ehunka pisu erosten hasi ziren, higiezinen enpresa handiek eskuratu ez zitzaten.
Baina neurri hori ez dela nahikoa jabetu dira eta erreferendum bat egiteko aukera indarra hartzen ari da. Galdeketa horrek mahai gainean jarriko du orain arte tabua izan den gaia: etxejabe handiei pisuak desjabetzeko aukera, ondoren etxe horiek alokairu sozialean errentan jartzeko.
Erreferendum horretatik aterako litzatekeen legearen xedeetako bat honakoa da: ateak ixtea 3.000 etxe baino gehiago dauzkaten jabeei hirian euren negozioa egiteko.
Ezaugarri horiek betetzen ditu Deutsche Wohnen AG higiezin-enpresak, zeina hiriko etxejabe handiena den eta askoren ustez Berlingo alokairuak garestitzearen errudun nagusienetako bat.
Ekimena gauzatzeko, 20.000 sinadura bildu behar dituzte, Berlinen gai honekin sumatzen den eztabaida publikoa kontuan izanda egingarria dirudien zerbait.
200.000 etxe desjabetzeko aukera izango lukete erakunde publikoek neurriak aurrera egingo balu. Espropiazioengatik jabeak jasoko lukeen dirua merkatuaren baliotik beherago legoke, ekimena bultzatu duen aktibistekin hitz egin ondoren Der Tagesspiegel egunkariak jaso duenez.
Die Linke ezkerreko alderdiak ekimenarekin bat egin du, baita Berdeetako zenbait kidek eta SPD alderdi sozialdemokratako batzuek ere.
Valentziako tanta hotzaren kudeaketa txarrak aldaketa ekarri du muturreko eguraldiagatik izan daitezkeen alerten inguruan, “neguko” lehenengo denboraldian agerian geratu den bezala. Hego Euskal Herrian ibaiek gainezka egingo zutelako mehatxuaren aurrean, hainbat... [+]
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Lau hilabeteko eta lau urteko bi ume dituen familia bat etxetik bota dute astelehen goizean Bilbon. AZET Etxebizitza Sindikatua azken egunotan etxegabetzea bide judizialetik geldiarazten saiatu bada ere, astelehen goizean bota ditu poliziak etxetik. Manifestazioa deitu dute... [+]
Abenduaren 14an etxebizitzaren negozioaren aurkako manifestazioa egingo dute Bilbon, etxebizitza sindikatu nagusiek deituta. “Doako eta kalitatezko etxebizitzaren alde eta politikarien eta instituzioen fartsaren aurka” mobilizatzera dei egin dute. Ane Salvador... [+]
Etxebizitza Sindikatu Sozialistak eta Harituk antolatuta, manifestazio bat izan zen ostegun arratsaldean Iruñeko Alde Zaharrean. "Etxebizitzaren negozioaren aurrean, eta hura sustatzen duten politikarien aurrean, etxebizitza eskubide unibertsalaren benetako defentsa... [+]
Abenduaren 14an Bilbon etxebizitzaren negozioaren aurkako mobilizazio nazionala antolatu dute Euskal Herriko Etxebizitza Sindikatu Sozialistak eta Euskal Herriko Etxebizitza Sindikatuen Sareak. Ia 200 izan dira auziarekiko elkartasuna adierazi duten eragileak.
Horren nabarmenki izan ez bada ere, Gipuzkoako gainontzeko lurraldeetan ere gora egin du etxebizitzaren prezioak. Modu berean higiezinen salerosketa ere handiagotu egin da, antza inflazioaren eta interes tasen jaitsiera dela eta, Gipuzkoako Higiezinen Jabetzako Agenteen Elkargo... [+]
Alokairuen bidezko espekulazioa oztopatzeko neurria azaroaren 25etik goiti izanen da indarrean Ipar Euskal Herrian. Momentuko, tentsiopean diren Lapurdiko 24 herriei eraginen die: Ahetze, Angelu, Arbona, Arrangoitze, Azkaine, Basusarri, Baiona, Biarritz, Bidarte, Biriatu,... [+]
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Lanaren Ekonomiaren 8. denboraldia etxebizitzaren gatazkari helduz hasi da, Karla Pisano, Roser Espelt, Miguel Virizuela eta Argiako Jon Tornerrekin. Bi barikutan behin 11:00tan izango da irratsaioa.
