Bilboko Alde Zaharreko eraikin bat osorik erosi du etxejabe handi batek. Iraungitako alokairu kontratuak zituzten bizilagunek epe-laburrean alde egin behar dute, eta bertan jarraitzen dutenen susmoa da beraiek ere alde egitera behartuko dituztela. Hala bada, AZET Alde Zaharreko Etxebizitza Sindikatura batu dira, eta borroka abiatu dute. Operazio espekulatibo baten aurrean daudela deritzo sindikatuak.
Urriaren 8an "Etxebizitzak defendatuz, arrakala zabaldu!" lelopean manifestazioa deitu zuen AZET Bilboko Alde Zaharreko Etxebizitza Sindikatuak, eta mobilizazioa probestu zuten aurkezpen parea egiteko: batetik, Somera kalean dagoen Arrakala II espazio burjabetua eman zuten ezagutzera, eta bestetik Erribera kaleko 9. zenbakiko kasuaren berri eman zieten bertaratutakoei. Eraikinaren paretik pasatakoan, manifestazioak geldialdia egin zuen, eta bizilagunek zabaldutako pankartaren bidez jakinarazi zen etxejabe handi batek erosi zuela eraikina.
Hilabeteren ostean, AZETek idatzi bidez eman du ezagutzera zertan datzan kasua. Azaldu dute etxejabe handi batek luzaroan bost familiaren bizilekua izan dena erosi duela, eta bizilagunak egun batetik bestera izan zutela salerosketaren berri. Bost familiatik bik iraungitako alokairu kontratuak zituzten, eta jabe berriak ez dizkienez berritu, epe-laburrean alde egin eta bizitzeko alternatiba bat bilatu beharrean ikusi dira; abenduan utzi beharko dute beren bizitokia.
Gainontzeko hiru familiek indarrean dituzte kontratuak, baina sindikatuaren arabera "ezer gutxi dakite kontratu horiek oinordetzan jaso dituen jabetza berriari buruz, ezta honen asmoaz". Antza, ez dute ulertzen zer dela eta izan duen jabe berriak hainbeste presa bi familiak kanporatzeko, eta ez dakite zer egingo duen hutsik geratuko diren bi etxebizitzekin. "Itxura guztien arabera, jabetza berriak edozer egingo du haiek botatzen saiatzeko, haien alokairuak (kasu batzuetan alokairu zaharrak direnak) alokairu altuagoengatik ordezkatuz", egin du irakurketa AZETek. Sindikatuaren arabera, Erriberako 9koa Bilboko Alde Zaharreko "enegarren operazio espekulatiboa" da.
Bizilagunak, beraien etxebizitza ere arriskuan egon daitekeenaren susmoarekin, AZET sindikatura batu dira, haien arazoa sozializatu eta auzokideekin batera borroka abiatzeko. "Argi daukagulako: gure bizitzak, haien jabetzen gainetik daude!", adierazpen horrekin datozen deialdietara adi egoteko eskatu dute.
Iazko urritik eraiki dituzte hainbat kokaleku jatorri magrebtarreko ia 100 lagunek. Poliziak duela hainbat aste jaso zuen haiek basotik botatzeko agindua.
Groseko hainbat maizterrek, Saretxe etxebizitza sindikatuarekin elkarlanean, Azora putre funtsaren gehiegikeriak salatu dituzte. Bizilagunek elkarrekin egin nahi diote aurre jabetza duen enpresari, eta manifestaziora deitu dute, hilaren 25erako.
Alokabidek gutxienez sei etxegabetze prozesu ireki dituela salatu du Gasteizko Etxebizitza Sindikatuak. Horietako bat uztailaren 18an izanen da.
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Etxe turistikoek alokairuaren merkatuan duten pisua aztertu dute, eta hainbat datu adierazgarri gelditu dira agerian.
Donostiako auzokide horiek Saretxe Groseko Etxebizitza sindikatuarekin batera ari dira lanean, Azora enpresak Inmobiliaria Vascongadaren jabetzak erosi zituenetik pairatu dituzten arazoei konponbidea bilatzeko. "Klausula ilegalak" dira kexa nagusienetariko bat, eta... [+]
Alokairuzko etxebizitzaren prezioa %10,3 handitu da azken urtean Euskal Autonomia Erkidegoan, Idealista etxeak egindako azken txostenaren arabera. Hala, metro koadroaren prezioa 14 eurokoa da hilean, batez beste. Hiriburuka aztertuta, Donostiak dauzka preziorik altuenak.
Turistek neurrigabeko prezioak dituzten apartamentu eta hotelak bete dituzte. Eta zu gurasoen etxean, etsita, konpainia handiek eta espekulatzaileek alokairua puzten duten bitartean.
Azora funts putrearen maizterrak diren beste lau familiaren etxegabetzea geldiarazi nahi dute Inquilinos de Azora, Alokairu Benta Berri eta Kaleratzeak Stop eragileek. Horretarako, Donostiako Udalari, Gipuzkoako Foru Ogasunari eta Eusko Jaurlaritzari zenbait eskaera egin... [+]
Alokabideri, Gasteizeko Udalari eta Gizarte Zerbitzuei konponbide bat bilatzeko exijitu die Auzoan Bizi Etxebizitza Sareak. Eusko Jaurlaritzarena da etxebizitza.
Etxebizitza turistikoen aurkako kalejira egin dute Zaharraz Harro! jaien barnean, Auzoan Bizi etxebizitza sareak antolatuta. Etxebizitzarekin “negozioa” egiten dituztenak salatu dituzte, bereziki Gustavo Antepara PPko zinegotzia, eta beren atarietan etxebizitza... [+]
Besteak beste biltegi modura erabiltzen dute lokala, oinarrizko hainbat material jasotzeko eta beharra duten pertsonei emateko. Aurretik ere izan dira desokupen mehatxuak.
Fuera Okupas desokupazio-enpresa gutxienez bi aldiz joan da haiek jazartzera. Gaur Bilboko Udaltzaingoa eta Ertzaintza bertaratu dira, eta eraikinetako batean sartu dira: pertsona bat kanporatu eta atxilotu dute.
SAREBek egin nahi zuen etxegabetzea geldiarazteko eta alokairu soziala lortzeko hilabetetan borrokan aritu ondoren, Haritu Elkarlaguntza Sareak iragarri du “mobilizazioari, presio sozialari eta antolakuntzari esker” familiar honentzat alokairu soziala lortu dela.