Etxegabeentzako baliabide gehiago jartzea eta protokoloak berrikustea eskatu diote hainbat eragilek Donostiako udalari
Hainbat hiritar, eragile eta mugimenduk bat egin dute Konstituzio plazan, eta salatu dute etxegabeak artatzeko "udal baliabide nahikorik ez dagoela", eta egun dauden protokoloen funtzionamendua "zalantzagarria" dela. Zehazki, Alde Zaharreko bizilagunek, Hiritarron Harrera Sareak, Sos Arrazakeriak, Infernua Bizirikek, eta Darkumek antolatu dute prentsaurrekoa. Era berean, euren babesa ematen izan dira: LAB sindikatua, Elkarrekin Donostia, EH Bildu, Ehun elkartea, Parte Zaharrean Bizi auzo elkartea, eta Egia Bizirik auzo elkartea.
Duela hilabete batzuk, kale egoeran bizi diren pertsonen egoera ikusita, Parte Zaharreko hainbat bizilagun antolatzen hasi ziren, janaria, mantak, eta bestelakoak emateko. "Bi hilabete pasa dira geroztik. Gorriak pasa dituzte hotzarekin", nabarmendu dute. Pasa den astean Donostiako Udalak Hotzaldi aterpea zabaldu zuen Uban, hotzagatik abisua zela eta. Espazio hori tenperatura 5 gradutik jaisten denean zabaltzen dute, kalean bizi direnek han lo egiteko aukera izan dezaten, eta 20 lagunentzako lekua du soilik. "Gizarte Larrialdietarako Udal Zerbitzuak (GLUZ) erabakitzen du nor sartzen den, norberaren zaurgarritasunaren arabera". Aldiz, hotzagatik abisua igaro denez gero, gaurtik aurrera ez dute berriro zabalduko, hurrengo abisura arte. "Kale gorrian daude berriro, eta orain erraz lau bat gradu egingo ditu kalean", salatu dute.
Horrekin batera, toki guztiak bete ez direla salatu dute. "Harrera Sareak, herritarren beste kolektibo batzuen laguntzarekin, behin eta berriz eskatu behar izan zuen ateak irekitzea, Hotzaldi Aterpe horretan plaza libreak zeuden arren GLUZeko zerrenda horretan ez agertzeagatik onartzen ez zituzten pertsona batzuei", adierazi dute.
Hala ere, izan dira egun hauek guztiak kalean igaro behar izan dituzten etxegabeak. John da horietako bat. IRUTXULOKO HITZAk Johnen tesgitantza jaso zuen joan den astean gaiari buruz egindako erreportaje batean, baita Mohammed eta Mikena. Hain zuzen, Mikek ere prentsaurrekoan parte hartu behar zuen, baita Jedi izeneko beste gazte batek, baina ezin izan dute bertaratu Ertzaintzak Egian atxiki dituelako. Ertzaintzaren "erasotzat" jo dute gertatutakoa; etxegabeek Ertzaintzaren "jarrera iraingarria" salatu ohi dute. "Egun hauetan bizi izan dugun larrialdi klimatikoaren testuinguruan, oso jarduera zalantzagarriak izan dira ertzainen eta udaltzainen aldetik".
Bestalde, nabarmendu dute udalak "bere gain" hartu beharko lukeela "negua hastear zegoela eragindako etxe-hustuketen (azkena, Infernuko eraikinetakoa) ondorioen gaineko erantzukizuna". Hain zuzen, bai John, bai Mike eta bai Mohammed han bizi ziren. Aipatutako guztiak aintzat hartuz, deialdian parte hartu duten eragile eta mugimenduek eskatu diote udalari bete dezala "hotzaren aurkako babes sistema sortu zeneko helburua" eta "ez diezaiola atea itxi egun hauetan kalean dagoen inori". Horrekin batera, hotzaren aurkako "ekipamendua" eta "jatekoa" emateko ere eskatu dute.
Wikipedian bilatu dut hitza, eta honela ulertu dut irakurritakoa: errealitatea arrazionalizatzeko metodologia da burokrazia, errealitatea ulergarriago egingo duten kontzeptuetara murrizteko bidean. Errealitatea bera ulertzeko eta kontrolatzeko helburua du, beraz.
Munduko... [+]
Paris 365 jantokiak ez ditu martxora arte aurrez aurreko afariak emango eta erakundeei inplikazioa eskatu die konponbidea lortzeko.
Munduko populazioaren ia erdiak baino bi aldiz gehiago kutsatzen du aberastasun gehien pilatzen duen %1ak. Munduko aberatsenek hamar egunetan isuri duten kantitatera heltzeko, ia hiru urte beharko lituzke munduko aberastasunaren eskalan erditik behera dagoen herritar batek.
Iazko martxoaren 14an, polizia operazio handi bat izan zen Martuteneko Agustindarren eraikin okupatuan, Udaltzaingoaren, Ertzaintzaren eta Espainiako Poliziaren eskutik: 56 lagun atera zituzten eraikinetik eta 29 Espainiako Poliziaren komisariara eraman zituzten,... [+]
Bide honetatik jarraituta, mende amaierarako, 5.000 milioi pertsona baino gehiago biziko dira lur idorretan. Arazo humanitario, ekonomiko eta sozial ugari eragingo lituzke horrek.
.jpeg)
Paris 365 elkarteak 15 urteurrena ospatu zuen larunbatean Geltokin. 15 urte gosariak, bazkariak eta afariak egunean euro baten truke zerbitzatzen urteko 365 egunetan horren beharra duten guztiei. “Atsedenik gabe”, azpimarratu nahi izan zuten bezala. Horrez gain,... [+]
Duin bizi ahal izateko prestazio ekonomikoa jasotzen dutenak lupapean ditu, berriro ere, Eusko Jaurlaritzak: postontzia jarri du martxan, herritarrek modu anonimoan “jardun irregularren edozein susmo” jakinarazi dezaten, eta Lanbideko Kontrol Unitatea indartu du,... [+]
Bizitegi elkarteak 2016a geroztik antolatzen duen duen film eta antzerki jaialdia jada abian da Bilbon.
Gasteizko Errotako (Koroatze) auzoan izan diren manifestazio "anonimoek" kolokan jarri dute auzokoen arteko elkarbizitza. Azalera atera dituzte ere hauetan parte hartu duten partidu politiko batzuen eta beste kide batzuen izaera faxista eta arrazista.
Kaleko Afari Solidarioak (KAS) egitasmoko kidea da Ixiar Gonzalez Gurrutxaga. Donostiako Udalak asteazkenean debekatu egin die behar dutenentzako otordu beroak eskaintzen jarraitzea. 18:00etan prentsaurrekoa deitu dute beren erantzunaren berri emateko. "Hiru aukera ditugu:... [+]
Donostiako Kaleko Afari Solidarioak (KAS) taldeak ezin izango ditu otorduak eman ostegunetik aurrera, Egian behintzat. Hala jakinarazi diete udaltzainek asteazken iluntzean, ahoz, antolatzaileei, baimenik ez dutela eta Donostiako Udalaren erabakia dela argudiatuta. Asteazken... [+]
Bizi garen mundu frenetiko zein zorabiagarri honetan, pixkanaka gertatzen diren gizarte-aldaketak batzuetan antzemanezinak, garrantzirik gabekoak edo hutsalak direla iruditzen zaigu. Hala ere, ez da horrela, eta jakitun izan behar dugu tentuz jokatzeko. Horren adibide, azken... [+]
Europako Funts Sozialen ataletik Elikagaien Bankuetara bideratzen zuten urtero dirua eurek bidera zezaten janaria behar gehien duten herritarren artean. Aldaketa iritsi da kudeaketara orain: adin txikikoak dituzten familiei diru-txartelak emanen dizkiete produktuak erosteko. 130... [+]
EAEko haurren %6,4ak eta Nafarroakoen %10,2ak ikusmen pobrezia du. Visión y Vida elkarte espaniarrak egin du estatuko azterketa. Txostenaren arabera, ikusteko arazoak dituzten haurren eragozpen larriena da ez duela minik egiten, eta familiek, baliabide ekonomikorik ez... [+]
Oxfam Intermon-en txostenak ohartarazi du planetak dituen erronka handienei, hala nola krisi klimatikoari, eta pobrezia eta desberdinkeria iraunkorrari aurre egiteko ahalegin globalak mehatxupean daudela. “Boterea ultraaberatsen eta megaenpresen eskuetan pilatzen ari... [+]