Etxegabe bat hilik aurkitu dute Iruñeko Donibane auzoan
Iruñeko Udalak adierazi du gizonaren heriotza “ezin dela lotu” baliabide faltarekin, eta “behin baino gehiagotan” eskaini zaiola aterpea. Iruñerriko Kontseilu Sozialistako Etxebizitza Sindikatuak elkarretaratzea egin du gizonaren heriotza salatzeko.
Etxegabe bat kaleko banku batean hilda aurkitu dute udaltzainek, Iruñeko Donibane auzoko Azuelo Monasterioan. Ostiraletik larunbaterako gauean aurkitu dute gizonaren gorpua, 2:00ak aldera, eta lehen ikerketen arabera, “modu naturalean” hil da. Espainiako Polizia heriotza ikertzen ari da.
Iruñeko Udalaren adierazpenak
Eztabaida piztu du aferak, izan ere, Iruñeko Udaleko zinegotzi Txema Mauleonek abenduaren 28an adierazi zuelako kalean ez zela inor lo egiten geratuko: “Gizarte zerbitzuetan aterpea eskatzen duen orori eman zaio erantzuna”. Joseba Asiron alkateak udal agintera iritsi zenean, bere helburu zela adierazi zuen etxegabeentzako baliabideak jartzea. Horrez gain, aterpean ordu gehiagoz geratzeko aukera izango dela azpimarratu zuen. Hala ere, nabarmendu zuen kasu batzuetan pertsona batzuk ez dutela aterperik nahi, eskaintzen zaien arren.
Larunbat gaualdean gizonaren gorpua aurkitu ostean, Iruñeko Udaleko zinegotzi Joxe Abaurreak larunbat goizean adierazpenak eman ditu udalaren izenean. Abaurreak jakinarazi duenez, gizonari “behin baino gehiagotan” eskaini zitzaizkion baliabideak: “Gaia konplexua da. Herritar batzuek ez dituzte onartu nahi eskaintzen zaizkien bitartekoak eta horren aurrean ezin da inor behartu”. Adierazi du lehentasuna izaten jarraitzen duela kalean bizi direnen egoera hobetzeak: “Asteburuan izandako etxegabearen heriotza ezin da zuzenean lotu baliabide faltarekin”.
Kontseilu Sozialistaren mobilizazioa
Ezbeharraren aurrean, Iruñerriko Kontseilu Sozialistako Etxebizitza Sindikatuak elkarretaratzea deitu du gizonaren heriotza salatzeko. Udaletxeko plazan bildu dira 18:00etan, Kapitalismoa hiltzailea lelopean.
Sindikatuko ordezkari Iker Narbonak Euskalerria Irratian adierazi duenez, “basakeria” da gertakaria: “Gizate kapitalistari berezkoa zaio halako egoerak existitzea”. Bestalde, udalak etxegaberik ez zegoela esan izana kritikatu du: "Baieztapen ausarta da. Neurriak hartu dituzte etxegabeen egoerak hobetzeko, baina arazo erreala ukatzeko ere baliatzen ari dira”.
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Lanaren Ekonomiaren 8. denboraldia etxebizitzaren gatazkari helduz hasi da, Karla Pisano, Roser Espelt, Miguel Virizuela eta Argiako Jon Tornerrekin. Bi barikutan behin 11:00tan izango da irratsaioa.
Asteburu honetan Euskalduna Jauregian Euskadiko Etxebizitza eta Dekorazio Higiezinen-aretoa egon da. Sustatzaile eta higiezinen agentziek eraikuntza berriko promozioak eta bigarren eskuko etxebizitzak eskaini dituzte partikular eta profesionalen erosketa eta inbertsiorako... [+]
Etxebizitzaren auzia aspalditik datorren egiturazko arazoa da. Giza eskubidea izan behar lukeena, gehienez ere eskubide subjektiboa baino ez da. Iruzurra dela diot instituzio eta alderdi politiko guztiek hitz politak esan arren, ez diotelako muinari heltzen. Egun, enpresa... [+]
Bilboko Udalak ez du lizentzia berririk emango, hirigintza planean etxebizitza turistikoen figura arautu bitartean. "Kautelaz" jokatzea erabaki du Juan Mari Aburtoren udal gobernuak, baina gehienez ere urtebeteko epea eman dio debekuari.
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]
Iruzur baten biktima izan da emakume bat, eta horren ondorioz bota nahi dute bere etxetik. Kaleratzeari aurre egitera deitu du Uribe Kostako Etxebizitza Sindikatu Sozialistak: asteartean, 09:00etan, Astrabuduako Aldaieta Bideko 7. zenbakian elkarretaratuko dira.
Frantziako Estatuko diputatuak eta senatariak ados jarri dira. Orain arte, alokairu turistiko bat alokatzen zutenek etekinen %50 zergapetik kentzeko aukera zuten, urte osoko alokatzaileek, berriz, %30. Lege proposamenak biak hein berdinera ekarriko ditu, hots, %30era.
Nafarren %68,3 biltzen dituzten 21 udalerri tentsio handiko eremu izendatuko dituela aditzera eman du Begoña Alfaro kontseilariak. Albistea begi onez hartu arren, EH Bilduk aurrekontuak babestearen truke herrietan “hutsik dauden etxebizitzak bizigarri” egitea... [+]
Izendapenak ohiko etxebizitzarako alokairuaren prezioen arautzea ekarriko du. Nolanahi ere, udal ordezkariek argi utzi dute, legediaren bitartez soilik, ezin izango zaiola aurre egin etxebizitzaren aferari. Ondo bidean, 2025eko lehen hilabeteetan indarrean sartzea aurreikusten... [+]
Etxebizitzaren arazoari irtenbidea ematea du helburu Nafarroako Gobernuak hasitako prozesuak. Tentsio handiko eremu izendatu nahi dituzten udalerrien artean daude, besteak beste, Iruñea, Tutera, Lizarra, Tafalla, Corella, Noain, Cintruénigo, Baztan eta Altsasu... [+]
Berakah fundazioa “baliabiderik ez duten pertsonei laguntzeko” sortua bada ere, aurten familia bat baino gehiago kalean utzi du. Urriaren 31n izan da azken etxegabetzea, Gasteizko familia bat kaleratu dute parrokoak etxegabetze demanda firmatu ostean.