Etxebizitza turistikoen konpentsazio neurria indarrean jarri dute Ipar Euskal Herrian
Lapurdi kostaldeko 24 hirietan etxebizitza turistikoa alokatuz gero, jabeak ondasun bat gehiago eskaini beharko du iraupen luzeko alokairu kontratupean, hiri berean eta azalera baliokidearekin.
Ipar Euskal Herriak pairatzen duen etxebizitza arazoari erantzun bat emateko bidea ireki dute martxoaren lehen honetan: etxebizitza turistikoa alokatuz gero, jabeak ondasun bat gehiago eskaini beharko du iraupen luzeko alokairu kontratupean, hiri berean eta azalera baliokidearekin. Etxebizitzaren arazo eta turismoaren presentzia handiena duten kostaldeko 24 herriei aplikatzen zaie betebeharra: Ahetze, Angelu, Arbona, Arrangoitze, Azkaine, Basusarri, Baiona, Miarritze, Bidarte, Biriatu, Bokale, Ziburu, Getari, Hendaia, Jatsu, Lehuntze, Larresoro, Mugerre, Urruña, Donibane Lohizune, Hiriburu, Urketa, Uztaritze eta Milafranga. Bertan, orotara 11.000 etxebizitza daude turistei bideratuak; hots, guztiak horrela mantenduz 11.000 etxebizitza berri beharko dituzte urte osoko aterpera bideratu –edo ezinean, merkatu turistikotik kendu–.
Ez da berehalakoan gauzatu bozkaturiko neurria. Hain zuzen, auzitegian aztertua izan delako behin baino gehiagotan: Euskal Hirigune Elkargoak iazko martxoan bozkatu zuen neurria ia aho batez, baina jabe batzuk ez zuten begi onez ikusi eta auzitegira jo zuten, beraien "askatasuna" defendatzeko. Epaileak ekainean arrazoi emanik jabeei, neurria doi bat moldatu, eta berriz bozkatu eta onartu zuten uztailean. Jabeek berriz auzitegira jo zuten baina iazko irailaren 16an elkargoari arrazoi eman zion epaileak.
Duda gabe, oinarrian dugu Alda kolektiboak eramandako borroka. Etxebizitzaren arazoa begibistakoa izanda ere, kolektibo horrek eramandako presioari esker bideratu dute neurria hautetsiek. "Garaipenak ospatzen dira, ondokoak kausitzeko borrokan are motibatuago izateko", Aldaren arabera. Horregatik asteazkenean juntatu ziren Baiona Ttipian, lorpen hori ospatzeko.
EH Bai-ren irakurketa
"Urrats garrantzitsutzat" jo du EH Baik martxan den konpentsazio neurria. Baina urrunago joan nahian, beste lau eskaera luzatu ditu koalizioak, martxoaren lehenean egindako prentsaurrekotik: 24 herriei beharturiko neurria Ipar Euskal Herri osora zabaltzea; urte osoko alokairuen parkera itzuliko diren etxebizitzak "prezio eskuragarrian" eskainiak izatea; fiskalitatearen erreforma sakona –"higiezinen irabazi ekonomikoen zerga emendatzeko, mublatu turistikoen bidez irabazten den diruari zerga gehiago aplikatzeko eta bigarren etxebizitzen jabeek diru ekarpen handiago egiteko herriko etxeei eta elkargoari, jakinez ez dutela bertako ekonomia sustatzen–; eta "egoiliarraren estatutuaren" sorrera, modu irankorrean bertan bizi nahi dutenei bideratzeko jabetza.
Apirilaren 1ean izanen da etxebizitza eskubidearen aldeko manifestazioa Baionan. Bertaratzeko deia luzatu dute Alda zein EH Baik ere.
Etxebizitza Sindikatu Sozialistak eta Harituk antolatuta, manifestazio bat izan zen ostegun arratsaldean Iruñeko Alde Zaharrean. "Etxebizitzaren negozioaren aurrean, eta hura sustatzen duten politikarien aurrean, etxebizitza eskubide unibertsalaren benetako defentsa... [+]
Abenduaren 14an Bilbon etxebizitzaren negozioaren aurkako mobilizazio nazionala antolatu dute Euskal Herriko Etxebizitza Sindikatu Sozialistak eta Euskal Herriko Etxebizitza Sindikatuen Sareak. Ia 200 izan dira auziarekiko elkartasuna adierazi duten eragileak.
Horren nabarmenki izan ez bada ere, Gipuzkoako gainontzeko lurraldeetan ere gora egin du etxebizitzaren prezioak. Modu berean higiezinen salerosketa ere handiagotu egin da, antza inflazioaren eta interes tasen jaitsiera dela eta, Gipuzkoako Higiezinen Jabetzako Agenteen Elkargo... [+]
Alokairuen bidezko espekulazioa oztopatzeko neurria azaroaren 25etik goiti izanen da indarrean Ipar Euskal Herrian. Momentuko, tentsiopean diren Lapurdiko 24 herriei eraginen die: Ahetze, Angelu, Arbona, Arrangoitze, Azkaine, Basusarri, Baiona, Biarritz, Bidarte, Biriatu,... [+]
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Lanaren Ekonomiaren 8. denboraldia etxebizitzaren gatazkari helduz hasi da, Karla Pisano, Roser Espelt, Miguel Virizuela eta Argiako Jon Tornerrekin. Bi barikutan behin 11:00tan izango da irratsaioa.
Asteburu honetan Euskalduna Jauregian Euskadiko Etxebizitza eta Dekorazio Higiezinen-aretoa egon da. Sustatzaile eta higiezinen agentziek eraikuntza berriko promozioak eta bigarren eskuko etxebizitzak eskaini dituzte partikular eta profesionalen erosketa eta inbertsiorako... [+]
Etxebizitzaren auzia aspalditik datorren egiturazko arazoa da. Giza eskubidea izan behar lukeena, gehienez ere eskubide subjektiboa baino ez da. Iruzurra dela diot instituzio eta alderdi politiko guztiek hitz politak esan arren, ez diotelako muinari heltzen. Egun, enpresa... [+]
Bilboko Udalak ez du lizentzia berririk emango, hirigintza planean etxebizitza turistikoen figura arautu bitartean. "Kautelaz" jokatzea erabaki du Juan Mari Aburtoren udal gobernuak, baina gehienez ere urtebeteko epea eman dio debekuari.
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]
Iruzur baten biktima izan da emakume bat, eta horren ondorioz bota nahi dute bere etxetik. Kaleratzeari aurre egitera deitu du Uribe Kostako Etxebizitza Sindikatu Sozialistak: asteartean, 09:00etan, Astrabuduako Aldaieta Bideko 7. zenbakian elkarretaratuko dira.
Frantziako Estatuko diputatuak eta senatariak ados jarri dira. Orain arte, alokairu turistiko bat alokatzen zutenek etekinen %50 zergapetik kentzeko aukera zuten, urte osoko alokatzaileek, berriz, %30. Lege proposamenak biak hein berdinera ekarriko ditu, hots, %30era.