Etxebizitza turistikoen hedapena ekiditeko alegazio kanpaina Gasteizen
Alde Zaharreko Gasteiz Txiki auzo elkarteak hiriko elkarteei eta herritarrei dei egin die alegazioak aurkeztera. Udalak Arabatur ostalaritza elkartearen eskaria onartuko balu, Gasteizen 18.000 etxebizitza turistiko sortzeko aukera legoke. Neurriak bereziki eragingo lioke Alde Zaharrari.
Iragan uztailean Gasteizko Udaleko Tokiko Gobernuko Batzarrak (EAJ eta PSE) Hiri Antolamenduko Plan Orokorraren (HAPO) moldaketa bat onartu zuen. Moldaketa ostalaritza sektoreko Arabatur elkarteak sustatu du eta, horren arabera, 2008az geroztik hirian debekatuak zeuden erabilera Turistikoko etxebizitzak (ETE) eta erabilera turistikoko logelak (ETL) berriz ere baimenduko lituzke udalak. Hiri osoan 18.697 ETE eta ETL sortu ahal izango lirateke horrela (%16,3). Neurriak Alde Zaharrari eragingo lioke nagusiki. Egun, lehen solairuetako etxebizitzak soilik bilakatu daitezke ETE, baina aldaketa onartuz gero, etxebizitza bloke osoak ETE bihurtzeko aukera legoke.
Moldaketa indarrean sartzeko, talde politikoek Udalaren osoko bilkura batean onartzea da azken urratsa. Hori da Gasteizko Alde Zaharreko Gasteiz Txiki auzo elkarteak ekidin nahi duena alegazio kanpaina baten bitartez. Aldaketak “ondorio kaltegarriak izango lituzke bizilagun eta auzoarengan”, Gasteiz Txikiren ustez, eta horregatik alegazioak aurkeztera deitu ditu auzoko zein hiriko elkarte, eragile eta herritarrak. Besteak beste, ETEen hedapenak prezioak igoko lituzkeela, “populazioaren lekualdatzea eta gentrifikazio prozesuak” bultzatuko lituzkeela, edo bizitza komunitarioa ahulduko lukeela uste du auzo elkarteak. Etxebizitzak zaharberritzeko auzokideentzako diru laguntzak eskatu ditu, eta tokiko merkataritza defendatu. Alegazioak Gasteizko gizarte etxe guztietan aurkeztu daitezke. “Guztion artean geldiarazi dezakegu gure hiria etorkizunean era itzulezinean alda dezakeen astakeria hori”, adierazi dute Gasteiz Txikitik.
Ordenagailua itxi, txankletak jantzi, eguzki-kremaz laztandu. Nora zoaz oporretan? Oporrak egitea nonbaitera joatea dela normalizatu dugu, deskantsuak distantzia behar duelako, diogu. Eta bidaia egitean, turista bilakatuko gara, izendapen aldaketak deserosotasun bat sortzen... [+]
Donostiako Alde Zaharreko taberna askoren pintxoak alde zaharrean sartzeko baimena duen furgoneta batean datoz zerbitzua ematera. Beste tabernetan, prestatzen duten tortilla patata pintxoa jateko, goizeko furgoneta alde zaharrean sartzen den orduan ilara egin eta txanda hartu... [+]
Etxebizitza turistikoen aurkako kalejira egin dute Zaharraz Harro! jaien barnean, Auzoan Bizi etxebizitza sareak antolatuta. Etxebizitzarekin “negozioa” egiten dituztenak salatu dituzte, bereziki Gustavo Antepara PPko zinegotzia, eta beren atarietan etxebizitza... [+]
"Kaleetatik ezin pasa", hondarribiarrak "masa turistiko honen guztiaren ondorioak pairatzen" ari direla-eta, turista taldeak 25 pertsonara mugatzeko mozioa aurkeztuko du udaleko alkatetza duen Abotsanitz alderdiak: "Azken urteetan agintariek bilatutako... [+]
Donostiako hainbat auzo elkarte eta gizarte mugimenduk osatzen duten Donostia Defendatuz koordinadorak antolatuta, hiri eredu bizigarri baten aldeko manifestazioa egin dute igandean ehunka lagunek. 42 talde sozial eta auzo elkartek egin dute bat deialdiarekin, eta 12:00etan... [+]
Igande honetan egingo dira hauteskundeak Katalunian, maiatzaren 12an. Procésaren ondorenak eta Carles Puigdemonten balizko itzulerak estali ditu zenbait mintzagai. Baina abian dira bi proiektu erraldoi eta esanguratsu, biak ala biak turismoari estuki lotuak: Hard Rock... [+]
Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.
Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.
Donostiako eta Oviedoko bi eraikinetan izandako arazoak direla eta, epaileek auzokoen erkidegoen esku utzi du pisu turistikoak debekatzea. Hala ere, beharrezkoa izango da debekua eraikineko etxebizitzen-estatutuan jasota egotea.
Estatu mailan tasa turistikoa erkidego gutxik jarri badute ere indarrean, mundu mailan dagoeneko 137 hiri turistikotan kobratzen dute zerga hori.
Hiritarrek salatu dute turismo jarduerak hirian “gehiegizko bolumena eta pisua” hartu duela. Halaber, egoera “desazkunde turistikorantz” bideratzea aldarrikatu dute, “kalteak handitzea eta iraunkortzea” ekiditeko.
Donostiako Parte Zaharrean turistei zuzendutako saltoki eta ostalaritza guneak bizilagunei eragindako kalteen eragile nagusiak direla adierazi du Bizilagunekin plataformak.
Delta hegal eta parapente hegaladiak proposatzen dituen Bidasoa Arxuria Group enpresa pribatuaren onurarako eraiki nahi dute errepidea. Zugarramurdiko eta Sarako herritarrak eta hautetsiak aurka badira ere, errepidea egitearen alde bozkatu berri du Baztango Udalak.
Urrian turismoaren inguruko bi biltzar egingo dituzte Gipuzkoako hiriburuan, Bizilagunekin plataformak antolatuta. Salatu du azken urteetan Donostia "turismoaren bidez negozioak egiteko gune gisa" nabarmendu dela estatuan eta nazioartean.