Etxebizitza sozialen esparruko egituretan jasandako bazterketa salatu du Alda-k
HSA Habitat Sud Atlantic eta Office 64 Etxebizitza Publikoaren Pirinio Atlantikoetako Bulegoan burutu berri diren hauteskundeetan lehen indarra atera da etxebizitza eskubidearen alde borrokatzen den Alda kolektiboa. Alta, erabaki guneetatik baztertua izan da, bulegoan eta Caleol izeneko bizitegien adjudikazio batzordean ez diotelako aulkirik bideratu. Auzia konpondu nahian, HSAren zuzendari eta lehendakariarekin bildu da Aldaren ordezkaritza abenduaren 21 honetan.
Oroit gara etxebizitza sozialen esparruko bi egituretarako hauteskundeetara aurkeztu eta lehen indarra atera dela Alda mugimendua: Habitat Sud Atlantic erakundean bozen %52,76 eskuraturik, bost hautetsitatik hiru lortu zituen, eta Office 64 egituran ere lehen atera zen, bozen %39,14 eskuraturik. Emaitzak pozgarriak izan zitzaizkien, hain justu, kolektibo gazte-gaztea delako –2020an sortua– eta lehen aldikoz aurkezten zirelako bozketetara. Baina badirudi orain arteko kudeatzaileek ez dituztela gogoko: bozen biharamunean, egitura horietako beste bi batzarretan lekua lortzeko aurkeztu ziren Aldako hautetsiak –bulegora eta Caleol bizitegien adjudikazio batzordera–; baina bizkarra erakutsi eta administrazio kontseiluek gutxiengoan diren zerrendetako hautetsiak izendatu dituzte. "Eskandalu demokratikoa" salatu du etxebizitza eskubidearen aldeko taldeak.
Bazterketa hori salatzeko prentsaurrekoa egin dute abenduaren 20an Office 64aren egoitzaren aitzinean. Berez, legeak ez du behartzen gehiengoan dagoenari bideratzea aulkia, baina bozkatzaileek sostengua erakutsirik, Aldako kideei iduritzen zaie hor egon beharra daukatela. Horren alde borrokan segituko dutela argi utzi dute. Batzorde horietan hautatuak izan diren hautetsiei dimisioa aurkezteko galdetu diete, bozketa berri bat bideratzeko, "alokatzaileen bozen araberako hautaketa egiteko".
Auzia konpondu nahian, HSAren zuzendari eta lehendakariarekin bildu da Aldaren ordezkaritza abenduaren 21 honetan. Bilera giro "lasai eta adeitsuan" egin dela zehaztu du kolektiboak. Alokatzaileen beste elkarteen eta Aldaren arteko bilera bat proposatu du zuzendaritzak, eta "elkarrizketarako irekiak" direla erranik, ez dio ezezkoa erantzun parekoak.
Karrikan ere egon nahi du mugimenduak eta horri tiraka 2023ko apirilaren 1erako Herrian Bizi plataformak antolatu manifestazioan parte hartuko du.
Bi urte dituen kolektiboa
2020ko udazkenean sortu zuten Alda mugimendua langile auzoetako herritarren behar eta nahiei erantzuteko, baina laster zentratu ziren etxebizitza eskubidearen aldeko borrokan, beharra horretan sendi zutelako. Bakarrik bi urte baldin baditu ere, izena eta izana badauzka Aldak. Orain arte, karrikara ateraz, ekintza bidez edota herritarrak banan-banan lagunduz –357 herritar edo familia 2022an– aritu bada etxebizitza eskubidearen alde lanean, urrats bat gehiago eman berri du: etxebizitza sozialen esparruko hauteskundeetarako aurkeztu. Pauso emankorra hori ere, lehen indarra atera delako.
HAPOn etxebizitza turistikoak arautu eta mugatzeko aldaketa puntual bat egin arte eten egingo da herrian gisa horretako etxe gehiago irekitzeko aukera. Alokabiderekin hitzarmen bat egin duela ere iragarri du udalak, etxe hutsak alokairuan jartzeko.
Euskal Herriko Etxebizitza Sindikatu Sozialistak deitua, milaka lagun batu dira gaur eguerdian Donostian, “etxebizitzaren negozioaren aurka” eta “etxebizitzarako eskubide unibertsalaren alde”.
Etxebizitza eskuratzeko orduan pertsona arrazializatuek eta migratzaileek jasaten duten bazterketa sistematikoa salatu dute Gasteizen, agerraldi baten bidez. Apirilaren 5ean Donostiara bertaratzera deitu dute, etxebizitza-eskubide unibertsalaren alde.
Aljeriatik datoz Mohamed eta Said [izenak asmatuak dira], herri beretik. “Txiki-txikitatik ezagutzen dugu elkar, eskolatik”. Ibilbide ezberdinak egin arren, egun, elkarrekin bizi dira Donostian, kale egoeran. Manteoko etxoletan bizi ziren, joan den astean Poliziak... [+]
Espainiako hedabideetan aurkitu dugu albistea, salaketa egin dutela Fotocasa eta Idealista etxebizitza-atarien kontra, prezioak manipulatzen dituztelakoan. Salaketan ez dugu manipulazioaren deskribapen zehatzik aurkitu, baina Ameriketako Estatu Batuetan agertu den salaketa... [+]
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Azpeitiko Udalak etxebizitza hutsei ezarritako kanona abian jarri berritan –eta Euskadi osora zabal daitekeela jakinda–, etxebizitza horien jabeen eta eskuineko alderdien kexak irakurtzen eta entzuten hasiko gara. Jabetzarako Eskubidearen inguruko mantra horiek... [+]
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.
Plataformak "atzerapausotzat" hartu du Eusko Jaurlaritzako Etxebizitza eta Hiri agendako sailburu Denis Itxasok berriki iragarri izana lurzoru urbanizagarrietako etxe babestuen proportzioa %75etik %60ra jaistea. Pradales agintera iritsi zenetik alokairu soziala eskatzen... [+]
Etxera itzuli ahal izan diren arren, joan den azaroan kaleratu zuten Astrabuduko familia berriz ere arriskuan dago. Uribe Kostako Etxebizitza Sindikatuak salatu du mailegu-enpresa berriz ere saiatzen ari dela kanporatzea gauzatzen, oraingoan, desokupazio-enpresa bat... [+]
Etxebizitza berrien promozioak ez atzeratzea da Eusko Jaurlaritzako Gobernu Kontseiluak onartu duen dekretuaren helburu nagusietako bat. Zentzu horretan, udalei "autonomia" gehiago emango diela ziurtatu du Denis Itxaso sailburuak.
Azken boladan gero eta gehiago entzuten dugu gazte askok etxebizitza erosteko ahalmenik ez dugula. Batzuetan, badirudi ez dagoela beste gairik; egia da gai serioa dela. Niri neuri ere, 31 gertu izan arren, oraindik pixka bat falta zait neurea izango den etxebizitza lortzeko... [+]
Azken egunak garrantzi handikoak izan dira Bartzelonan, etxebizitzaren aldeko mugimenduarentzat eta espekulatzaileen aurkako borrokarentzat. Urtarrilaren 28an, polizia-armada batek Raval auzoko Massana Zaharrari [zentro sozial okupatua] eraso egin zion goizaldean, aurrez abisatu... [+]
Lau urte eta erdira arteko kartzela-zigorrak eta 25.000 eurorainoko isunak eskatzen dituzte auzipetuentzat. Duela lau urte, etxe-kaleratze bat gelditzen saiatu ziren Herrandarren kalean.
70 urteko emakume bat eta bere biloba bota zituzten euren etxetik, baina hura bereganatu dute berriz. Etxea defendatzeko konpromisoa azaldu du Uribe Kostako Etxebizitza Sindikatu Sozialistak.