Joan den astean hiru familia etxegabetu zituzten, aurrez jakinarazi gabe. Sindikatuak salatu du bizilagunak "benetako alternatibarik" gabe daudela.
Gasteizko Etxebizitza Sindikatuak prentsaurrekoa egin du asteartean, Gasteizko udaletxearen aurrean. Udalaren "arduragabekeria" salatu du Prado 4 kaleko etxegabetzeen harira. Joan den astelehenean hiru familia etxegabetu zituzten, tartean, adin txikiko sei pertsona. Jakinarazpenik jaso gabe bidali zituzten etxeetatik.
Bizilagunei iruzur egin zien alokairu-kontratu eta erroldatze faltsuak egiten zituen sare batek, eta apirilean salatu zuten urik, argindarrik eta erroldarik gabe zeudela bertan bizi zirenak.
Etxebizitza Sindikatuak zerbitzu sozialen jarduna seinalatu du. Haren arabera, "aspalditik" ezagutzen zuten Prado 4 kaleko bizilagunen egoera, etxean egondakoak ziren eta sindikatuko kideak hainbatetan bildu dira zerbitzu sozialekin, bizilagunekin egindako bileretan. "Berandu izan zen arte, ez zuten alternatibarik eskaini". Salatu dute, gainera, eskainitako alternatiba ez dela "benetakoa", behin-behinekoa baita, astero luzatu beharrekoa.
Epaitegien jarduna ere salatu dute, familia zaurgarriak han bizi zirela bazekiten ere, ez zirelako zerbitzu sozialekin harremanetan jarri, etxegabetzea gelditzeko.
Gasteizko gizarte zerbitzuek aste honetan iragarri dute etxegabetzeak prebenitzeko bulego bat irekiko dutela, informazioa, aholkularitza eta prebentzioa eskaintzeko. Sindikatuaren ustez, horrek ez ditu etxegabetzeak etengo eta ez du bermatzen etxegabetutako familia eta pertsonek alternatibarik lortuko dutenik. "Azken finean, bulego berri horrek, etxegabetzeak gelditu edo alternatibak eskaini baino, etortzeke dauden milaka etxegabetzeek sortuko duten gatazka indargabetzeko funtzioa du".
Instituzio burgesen aurrean, babesgabe
Etxebizitza Sindikatuak nabarmendu du etxegabetze hauen kasuan ere agerian geratu dela proletalgoa "guztiz babesgabe" dagoela "instituzio burgesen" aurrean. "Alde batetik, instituzioek jabeen interesak defenditzen dituzte etxegabetzeak polizia indarrekin exekutatuta. Bestetik, proletalgoaren eskubide politikoak urratzen dituzte".
Zaurgarritasun ekonomikoaren baldintzak betetzen dituzten arren, Santander bankuak ordainketak epe batez etetea ukatu die bi familiei.
Alokabidek gutxienez sei etxegabetze prozesu ireki dituela salatu du Gasteizko Etxebizitza Sindikatuak. Horietako bat uztailaren 18an izanen da.
Alokabideri, Gasteizeko Udalari eta Gizarte Zerbitzuei konponbide bat bilatzeko exijitu die Auzoan Bizi Etxebizitza Sareak. Eusko Jaurlaritzarena da etxebizitza.
Fuera Okupas desokupazio-enpresa gutxienez bi aldiz joan da haiek jazartzera. Gaur Bilboko Udaltzaingoa eta Ertzaintza bertaratu dira, eta eraikinetako batean sartu dira: pertsona bat kanporatu eta atxilotu dute.
SAREBek egin nahi zuen etxegabetzea geldiarazteko eta alokairu soziala lortzeko hilabetetan borrokan aritu ondoren, Haritu Elkarlaguntza Sareak iragarri du “mobilizazioari, presio sozialari eta antolakuntzari esker” familiar honentzat alokairu soziala lortu dela.
Auzoan Bizi Etxebizitza Sareak salatu du Berakah programa beste bi familia etxegabetzen saiatzen ari dela, iaz beste familia batekin egin zuen bezala. Dagoeneko salatutako hauetaz gain, Berakahko kasu gehiago ari dira heltzen etxebizitza sarera. Berakah programa Santa... [+]
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.
Ostiral goizerako zegoen ezarrita etxegabetzea eta horren kontrako protestara dei egin du Bilboko Etxebizitza Sindikatuak. Protestan ari direnen aurka oldartu da birritan Ertzaintza, eta dagoeneko pertsona bat atxilotu du, Gedar-ek jaso duenez. Etxegabetzea burutu dute.
Ostiral honetarako dago ezarrita etxegabetzea eta horren kontrako protesta egitera deitu du Bilboko Etxebizitza Sindikatuak. Etxegabetze guztien "berehalako eta baldintzarik gabeko etetea" aldarrikatuko dute eta mobilizaziorako deia goizeko 09:00tarako jarri dute... [+]
Etxegabetze estrajudizial bat emateko berehalako arriskuan aurkitzen da Lizarrako Etxebizitza Sindikatuarekin antolatuta dagoen familia bat. Euskal Herriko Etxebizitza Sindikatu Sozialistak salatu duenez, azken urteetan enpresa horien jarduna areagotzen ari da,... [+]
Armentia ikastolan egiten dituzte ikasketak hiru familien haur adingabeak. Gasteizko Alde Zaharrean bizi dira, Eliza katolikoaren Berakah elkarteak kudeatzen dituen etxebizitzetan, eta judizialki etxegabetzeko prozedura abiatu du elkarteak. Ostiralerako etxegabetzeen aurkako... [+]