Anoetan, etxebizitzen inguruko prozesua gidatu du Dunak taldeak martxotik hona; Diagnostikoa egin eta emaitzak ezagutarazi ditu orain.
Anoetak, beste herri askok ez bezala, lur publiko asko du etxebizitza politika propio bat aurrera eraman ahal izateko. Udalek etxebizitza tasatuak edo babes ofizialekoak sustatu ohi dituzte horrelakoetan, eta Anoetako Udalak bestelako aukera batzuk esploratzeko asmoz, azterketa bat bultzatu du aurten. Dunak taldeak gidatu du prozesua eta herrian dauden etxebizitza aukera ezberdinen analisia egin ondoren ateratako ondorioen aurkezpena egin zuen asteartean, udal liburutegian.
Koldo Telleria Dunak taldeko kideak azaldu duenez, gizartearekin harremanetan jartzeko ahalegina egin dute prozesuan zehar eta bilerak izan dituzte etxejabeekin, etxe bila dabiltzanekin edota herriko gazteekin. Horrekin batera, lanketa tekniko batzuk egin dituzte, etxebizitzarekin loturiko ahalik eta gai gehien ukituz.
«Anoetako behe solairuak aztertu ditugu eta ikusi dugu herrian aukera dezente dagoela; Gune batzuk badaude etxebizitza erabilera izan dezaketenak, irisgarritasun, aireztapen eta espazio aldetik baldintzak betetzen dituztenak», esan du Telleriak. Herritarren artean hilabeteotan zabaldutako inkesta eta egindako elkarrizketen bitartez ondorioztatu dute, Anoetan dauden etxebizitzak, gaur egun, jendeak nahi dituenak baino handiagoak direla. «Etxebizitza handiak bitan zatitzeko aukera baloratu daiteke, gaur egungo beharretara egokitutakoak edukitzeko».
12 etxe jaberekin bildu dira Dunak taldeko kideak eta hutsik duten etxebizitzaz galdetu diete. «Trasteleku bezala erabiltzen dutelako, edo baserrien kasuan, baratze kozkor bat dutelako edo asteburutan erabiltzen dutelako, jabeek ez dute etxebizitza hutsik dutenaren kontzientziarik». Alokatzeko aukeraz galdetuta, erdia prest agertu da horretarako nahiz eta beldurra adierazi duten: «Esperientzia txarra izan dutelako askok, edo besterik gabe, kulturalki alokatzeari mesfidantza diotelako. Jende ezaguna izatea eta ordainduko zaienaren bermea eskatzen dute etxe jabeek».
Telleriak nabarmendu duenez azken urteetan etxebizitza eskaerak gora egin du Anoetan. Etxebidek emandako datuei begiratuta, Tolosa edota Villabona bezalako herri handietan behera egin du eskaerak eta gora berriz Anoeta bezalako herri ertainetan. Kontrara, Interneten etxebizitza eskaintza egiten duten webguneetan begiratuta, Tolosaldean zazpi etxebizitza baino ez dira azaltzen alokatzeko, Anoetan bakar bat ere ez.
Hori ikusita, martxoan egin zen aurkezpenaren ondoren herriko gazteek Dunak taldeari eskatu zioten etxebizitza eredu berrien inguruko tailer bat antolatzeko, salmentarako etxebizitza babestu eta libreetatik edota ohiko alokairutik aparte beste aukera batzuk aztertzeko.
Erabilera kooperatibak
Eta ereduak egon badaude. Europa iparraldean edota Herrialde Katalanetan etxebizitzen erabilera-lagapeneko kooperatibak sortu dira. «Udalak politika batzuk bideratu ditzake, behe solairuetan edo baserrietan etxebizitzak egiteko edo etxebizitza handiak bitan banatzeko. Horretarako araudiak moldatzea ondo dago, baina gizarteari jarrera aldaketa bat eskatu nahi diogu, aktiboki parte hartu dezan etxebizitza ereduak zehazten eta adosten. Orain arte, zain egotea beste erremediorik ez dugu izan: merkatu bat dago eta alokatu edo erostea da guri esku hartzeko uzten diguten zirrikitu bakarra».
Anoetan, badago bestelako eredu bat garatzeko aukera. Beste herri askotan ez bezala udalak etxebizitza babestuak eraiki ahal izateko lurrak ditu. «Administrazioak lur horiek herritarren esku utzi nahi ditu eta etxebizitzara sarbidea ziurtatu nahi die anoetarrei, baina horretarako gizarteak antolatu egin behar du», azpimarratu du Telleriak.
Erabilera-lagapeneko kooperatiba osatzea da ereduetako bat. Donostian, adibidez, ari dira lanketa hori egiten Abaraska taldean. «Prozesua hasieratik bukaerara kooperatibako kideen esku geratzen da. Funtsean, etxebizitza nola eraiki behar den, bizigune bakoitzak zenbateko azalera behar duen, nolako espazio komunak eraiki behar diren... adosten dute denen artean. Urtebete edo bi urteko prozesua izan daiteke eta bidean komunitatea osatzen dute. Ikasketa prozesu garrantzitsua izaten da, elkar ezagutzeko eta bizi eredu burujabeak eraikitzeko».
Lan dezente dakarren prozesua da, baina Telleriak ikusten du horrelako dinamika bat abiatzeko aukera badagoela Anoetan: «Guk orain udalari ikerketaren ondorioak aurkeztuko dizkiogu eta kooperatibaren bat sortzeko aukera planteatuko balitz, prest geundeke laguntzeko, formazioa eskaintzeko eta beste lekuetako esperientziak hona ekartzeko». Beste etxebizitza eredu baten alde lanean hasteko prest dagoen masa kritikoa osatzeko, Tolosaldera zabaltzeko aukera aipatu dute Dunak taldekoek, «promozio hauek etxebizitza kopuru dezentea behar baitute errentagarriak izateko».
Euskal Herrian ere badaude esperientzia interesgarriak. «Komunean bizi nahi duten komunitateak osatzen ari dira Gasteizen edota Usurbilen, esate baterako. Jende askok galdetzen dio bere buruari nola zahartu nahi duen. Erresidentzia batean? Etxean bakarrik? Zahartze aktibo baterako komunitateak osatzeko lanketak egiten ari dira, biziguneak jende gazteagoarekin partekatuz. Anoetan sumatzen ditugu sinergia interesgarriak horretarako», nabarmendu du Telleriak.
Etxebizitzen %20 baino gehiago jadanik bigarren etxebizitzak dira Ipar Euskal Herrian. Larrialdi klimatikoaz sentsibilizatzeko lau hilabetez, Nantesetik abiatu Alternatiba txirrindula itzulia, kostaldean zen aste buruan.
Ofizialki 9.000 etxe daude alokairuan, eta 300 jabe handirenak dira horietatik 3.000. Etxebizitzen parke osoaren %3,2 da hori.
Bruselan legez kanpokoa da etxebizitza hutsak izatea, eta hainbat komunek (Belgikako hiriburua banatzeko barruti modukoak) lege-tresna bat jarri dute martxan etxebizitzen kontrola hartu eta merkatura ateratzeko, arrazoizko prezioetan.
Iazko urritik eraiki dituzte hainbat kokaleku jatorri magrebtarreko ia 100 lagunek. Poliziak duela hainbat aste jaso zuen haiek basotik botatzeko agindua.
Groseko hainbat maizterrek, Saretxe etxebizitza sindikatuarekin elkarlanean, Azora putre funtsaren gehiegikeriak salatu dituzte. Bizilagunek elkarrekin egin nahi diote aurre jabetza duen enpresari, eta manifestaziora deitu dute, hilaren 25erako.
Alokabidek gutxienez sei etxegabetze prozesu ireki dituela salatu du Gasteizko Etxebizitza Sindikatuak. Horietako bat uztailaren 18an izanen da.
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Etxe turistikoek alokairuaren merkatuan duten pisua aztertu dute, eta hainbat datu adierazgarri gelditu dira agerian.
Donostiako auzokide horiek Saretxe Groseko Etxebizitza sindikatuarekin batera ari dira lanean, Azora enpresak Inmobiliaria Vascongadaren jabetzak erosi zituenetik pairatu dituzten arazoei konponbidea bilatzeko. "Klausula ilegalak" dira kexa nagusienetariko bat, eta... [+]
Alokairuzko etxebizitzaren prezioa %10,3 handitu da azken urtean Euskal Autonomia Erkidegoan, Idealista etxeak egindako azken txostenaren arabera. Hala, metro koadroaren prezioa 14 eurokoa da hilean, batez beste. Hiriburuka aztertuta, Donostiak dauzka preziorik altuenak.
Turistek neurrigabeko prezioak dituzten apartamentu eta hotelak bete dituzte. Eta zu gurasoen etxean, etsita, konpainia handiek eta espekulatzaileek alokairua puzten duten bitartean.
Azora funts putrearen maizterrak diren beste lau familiaren etxegabetzea geldiarazi nahi dute Inquilinos de Azora, Alokairu Benta Berri eta Kaleratzeak Stop eragileek. Horretarako, Donostiako Udalari, Gipuzkoako Foru Ogasunari eta Eusko Jaurlaritzari zenbait eskaera egin... [+]
Alokabideri, Gasteizeko Udalari eta Gizarte Zerbitzuei konponbide bat bilatzeko exijitu die Auzoan Bizi Etxebizitza Sareak. Eusko Jaurlaritzarena da etxebizitza.
Etxebizitza turistikoen aurkako kalejira egin dute Zaharraz Harro! jaien barnean, Auzoan Bizi etxebizitza sareak antolatuta. Etxebizitzarekin “negozioa” egiten dituztenak salatu dituzte, bereziki Gustavo Antepara PPko zinegotzia, eta beren atarietan etxebizitza... [+]