Etxebizitza larrialdia salatzeko mobilizazioa Gasteizko Alde Zaharrean
Auzoan arazo larria bizi dutela salatuko dute ostiralean Zaharraz Harro jai herrikoien egitarauaren barnean. Udalaren politikek arazoa konpondu ordez horretan sakontzen dutela iritzita, sare komunitarioak indartu nahi dituzte auzoko eragileek. ARGIAk jakinarazi zuen hiru adingabedun familiaren kasua ere salatuko dute.
Gasteizko Alde Zaharrean 1.000 etxebizitza baino gehiago daude hutsik. Horietako asko udalaren jabetzak dira. Aldi berean, ehunka dira bizitzeko gutxieneko baldintzak ez dituzten espazioetan bizi diren auzokideak. Pandemiak eta konfinamenduak aurretik ere larria zen arazoa larriagotu egin dute, eta pandemia ostearekin egoerak ez du hobera egin.
Ostiralean arratsaldeko 19:00etan manifestaziora deitu dituzte auzokideak Gasteizko Alde Zaharreko hainbat eragilek, Zaharraz Harro jai astearen barnean. Arazoa salatzeaz gain, irtenbideak proposatu nahi dituzte. Batetik, instituzioei exijitzen diete auzokideak eta behar sozialak lehenetsiko dituen eraberritze plana garatzeko. Bestetik, udalaren borondatearekiko sinesgogor, sare komunitarioak indartzeko beharra azpimarratuko dute, auzoaren beharrei auzokideen artean erantzuna ematea xede.
Udalak kale gorrian utzi zuen hiru adingabedun familia adibidetzat
Manifestazioa Bollerias plazatik abiatuko da, eta 21 Zabalguneko bulegoetan amaitu. Bidean zehar geldialdiak egingo ditu auzoko zenbait egoera zehatz ikustarazteko. Horietako bat Gasteizko Gizarte Zerbitzuek pandemia erdian kale gorrian utzi zuten familiarena da. Ekaina hasieran prentsaurrekoan salatu zuten familiaren egoera auzoko eta hiriko eragileek. Ondoren, gizarte zerbitzuek etxebizitza bat agindu zioten familiari, lau egun geroago ukatzeko. Familia horrek pairatutakoa ez da salbuespen isolatua manifestazioaren deitzaileen ustetan, egoera orokorraren muturreko isla baizik.
Abenduaren 14an Bilbon etxebizitzaren negozioaren aurkako mobilizazio nazionala antolatu dute Euskal Herriko Etxebizitza Sindikatu Sozialistak eta Euskal Herriko Etxebizitza Sindikatuen Sareak. Ia 200 izan dira auziarekiko elkartasuna adierazi duten eragileak.
Horren nabarmenki izan ez bada ere, Gipuzkoako gainontzeko lurraldeetan ere gora egin du etxebizitzaren prezioak. Modu berean higiezinen salerosketa ere handiagotu egin da, antza inflazioaren eta interes tasen jaitsiera dela eta, Gipuzkoako Higiezinen Jabetzako Agenteen Elkargo... [+]
Alokairuen bidezko espekulazioa oztopatzeko neurria azaroaren 25etik goiti izanen da indarrean Ipar Euskal Herrian. Momentuko, tentsiopean diren Lapurdiko 24 herriei eraginen die: Ahetze, Angelu, Arbona, Arrangoitze, Azkaine, Basusarri, Baiona, Biarritz, Bidarte, Biriatu,... [+]
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Lanaren Ekonomiaren 8. denboraldia etxebizitzaren gatazkari helduz hasi da, Karla Pisano, Roser Espelt, Miguel Virizuela eta Argiako Jon Tornerrekin. Bi barikutan behin 11:00tan izango da irratsaioa.
Asteburu honetan Euskalduna Jauregian Euskadiko Etxebizitza eta Dekorazio Higiezinen-aretoa egon da. Sustatzaile eta higiezinen agentziek eraikuntza berriko promozioak eta bigarren eskuko etxebizitzak eskaini dituzte partikular eta profesionalen erosketa eta inbertsiorako... [+]
Etxebizitzaren auzia aspalditik datorren egiturazko arazoa da. Giza eskubidea izan behar lukeena, gehienez ere eskubide subjektiboa baino ez da. Iruzurra dela diot instituzio eta alderdi politiko guztiek hitz politak esan arren, ez diotelako muinari heltzen. Egun, enpresa... [+]
Bilboko Udalak ez du lizentzia berririk emango, hirigintza planean etxebizitza turistikoen figura arautu bitartean. "Kautelaz" jokatzea erabaki du Juan Mari Aburtoren udal gobernuak, baina gehienez ere urtebeteko epea eman dio debekuari.
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]
Iruzur baten biktima izan da emakume bat, eta horren ondorioz bota nahi dute bere etxetik. Kaleratzeari aurre egitera deitu du Uribe Kostako Etxebizitza Sindikatu Sozialistak: asteartean, 09:00etan, Astrabuduako Aldaieta Bideko 7. zenbakian elkarretaratuko dira.
Frantziako Estatuko diputatuak eta senatariak ados jarri dira. Orain arte, alokairu turistiko bat alokatzen zutenek etekinen %50 zergapetik kentzeko aukera zuten, urte osoko alokatzaileek, berriz, %30. Lege proposamenak biak hein berdinera ekarriko ditu, hots, %30era.
Nafarren %68,3 biltzen dituzten 21 udalerri tentsio handiko eremu izendatuko dituela aditzera eman du Begoña Alfaro kontseilariak. Albistea begi onez hartu arren, EH Bilduk aurrekontuak babestearen truke herrietan “hutsik dauden etxebizitzak bizigarri” egitea... [+]