Etxebizitza eskubidearen aldeko manifestazioa egingo dute Baionan azaroaren 20an
Ipar Euskal Herriko etxebizitzaren krisiari aurre egiteko eta etxebizitza politika "egokiak" galdegiteko antolatu dute mobilizazioa. 30 eragile inguruk bultzatu dute deialdia, eta 100 bat lagunen babesa jaso dute momentuz.
Azaroaren 20an, Baionan, "Euskal Herrian bizi eta etxebizitza ukan. Espekulazioari ez!" lelopean antolatu duten manifestaziora deitu dituzte herritarrak. Asteazkenean agerraldia egin zuten 30 eragile inguruk, Ipar Euskal Herriko etxebizitza krisia salatzeko eta manifestaziora deitzeko. EH Baiko Eli Arostegik gogorarazi zuen auziak "jendarte guztia" ukitzen duela: "Batez ere behar handienetan direnak, baina baita klase ertain apalekoak ere". Ekhi Erremundegi BERRIAko kazetariak azaldu duenez, horren adierazle da prentsaurrekoan hainbat arlotako hainbeste eragile desberdin elkartu izana. Manifestaziorako deia jada 100 lagunek izenpetu dute.
Deitzaileen esanetan, azken urteetan "desafio handia" bilakatu da etxebizitza duina eskuratzea Ipar Euskal Herrian. Horren arrazoi batzuk mahaigaineratu dituzte; besteak beste, goi-mailako turismoa eta masa turismoa, lurraren prezioaren inflazioa, alokairuen garestitzea eta bigarren etxebizitzen biderkatzea. Horren aurrean etxebizitza politika "egokiak" ezartzeko eskatu dute: "Tokiko hautetsiei politika ausarta eta beheralakoa plantan ezarri dezaten galdegiteko tenorea dugu".
Deitzaileek aldarrikatu dute bost oinarri izan behar dituztela politika horiek: etxebizitzen eta lurren merkatuaren erregulazioa; lurraren eta etxebizitzaren kudeaketa publikoa edo kolektiboa; "etxebizitza bat denentzat" printzipioari lehentasuna ematea; etxebizitza duina eta eskuragarria izateko eskubidea errealki gauzatzea; urgentzia ekologiko eta klimatikoekiko uztargarritasuna bermatzea. Proposamen zehatzak aurkeztu dituzte etxebizitzen krisiari irtenbidea emateko. Esaterako, alokairuen prezioa erregulatzea, espekulazioa saihesteko etxebizitza turistikoei neurri zorrotzak aplikatzea eta bigarren etxebizitza kopurua mugatzea (egun, Ipar Euskal Herriko etxeen %21 da bigarren etxea).
Parte hartzeko deia
Azaroko manifestazioaz gain, herritarrei dei egin diete urriaren 27an Uztaritzen egingo duten asanblada irekian parte hartzera eta mobilizazioaren gastu bilketa kolektiboa diruz laguntzera. Azkenik, manifestaziora giltzak eskuan joatea eskatu dute, sinbolo gisa erabiliko dutelako.
Etxebizitza Sindikatu Sozialistak eta Harituk antolatuta, manifestazio bat izan zen ostegun arratsaldean Iruñeko Alde Zaharrean. "Etxebizitzaren negozioaren aurrean, eta hura sustatzen duten politikarien aurrean, etxebizitza eskubide unibertsalaren benetako defentsa... [+]
Abenduaren 14an Bilbon etxebizitzaren negozioaren aurkako mobilizazio nazionala antolatu dute Euskal Herriko Etxebizitza Sindikatu Sozialistak eta Euskal Herriko Etxebizitza Sindikatuen Sareak. Ia 200 izan dira auziarekiko elkartasuna adierazi duten eragileak.
Horren nabarmenki izan ez bada ere, Gipuzkoako gainontzeko lurraldeetan ere gora egin du etxebizitzaren prezioak. Modu berean higiezinen salerosketa ere handiagotu egin da, antza inflazioaren eta interes tasen jaitsiera dela eta, Gipuzkoako Higiezinen Jabetzako Agenteen Elkargo... [+]
Alokairuen bidezko espekulazioa oztopatzeko neurria azaroaren 25etik goiti izanen da indarrean Ipar Euskal Herrian. Momentuko, tentsiopean diren Lapurdiko 24 herriei eraginen die: Ahetze, Angelu, Arbona, Arrangoitze, Azkaine, Basusarri, Baiona, Biarritz, Bidarte, Biriatu,... [+]
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Lanaren Ekonomiaren 8. denboraldia etxebizitzaren gatazkari helduz hasi da, Karla Pisano, Roser Espelt, Miguel Virizuela eta Argiako Jon Tornerrekin. Bi barikutan behin 11:00tan izango da irratsaioa.
Asteburu honetan Euskalduna Jauregian Euskadiko Etxebizitza eta Dekorazio Higiezinen-aretoa egon da. Sustatzaile eta higiezinen agentziek eraikuntza berriko promozioak eta bigarren eskuko etxebizitzak eskaini dituzte partikular eta profesionalen erosketa eta inbertsiorako... [+]
Etxebizitzaren auzia aspalditik datorren egiturazko arazoa da. Giza eskubidea izan behar lukeena, gehienez ere eskubide subjektiboa baino ez da. Iruzurra dela diot instituzio eta alderdi politiko guztiek hitz politak esan arren, ez diotelako muinari heltzen. Egun, enpresa... [+]
Bilboko Udalak ez du lizentzia berririk emango, hirigintza planean etxebizitza turistikoen figura arautu bitartean. "Kautelaz" jokatzea erabaki du Juan Mari Aburtoren udal gobernuak, baina gehienez ere urtebeteko epea eman dio debekuari.
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]
Iruzur baten biktima izan da emakume bat, eta horren ondorioz bota nahi dute bere etxetik. Kaleratzeari aurre egitera deitu du Uribe Kostako Etxebizitza Sindikatu Sozialistak: asteartean, 09:00etan, Astrabuduako Aldaieta Bideko 7. zenbakian elkarretaratuko dira.
Frantziako Estatuko diputatuak eta senatariak ados jarri dira. Orain arte, alokairu turistiko bat alokatzen zutenek etekinen %50 zergapetik kentzeko aukera zuten, urte osoko alokatzaileek, berriz, %30. Lege proposamenak biak hein berdinera ekarriko ditu, hots, %30era.