“Itzali azpijokoak, piztu eskubideak” dinamika aurkeztu dute hiriko dozenaka mugimenduren babesarekin. Kaleratzeak gelditzea, bizitzeko gainontzeko oinarrizko baliabideak bermatzea, kalean inor ez bizitzea eta etxebizitza eskubide bihurtzea exijitu dute.
Larunbatean aurkeztu du kanpaina Gasteizko Etxebizitza Eskubidearen aldeko eta Gizarte Bazterkeriaren kontrako Ekimenak. Hiriko dozenaka mugimendu sozial, politiko eta sindikal daude ordezkatuak ekimenean. Etxebizitzaren arloan larrialdi egoera bizi dela adierazi dute ekimenaren ordezkariek prentsaurrekoan. COVID-19aren aurretik ere egoera larria zela ziurtatu dute, eta birusaren etorrerak egoera gaiztotu besterik ez duela egin. Egoeraren erantzule egin dituzte Udala eta enpresariak bultzatzen duten eredua: “Azpiegitura handiak eta luxuzko etxebizitzak eraikitzen jarraitu, gure hirian etxerik ez duten bizilagunak eta bizilagunik ez duten etxeak egoten jarraitzen duten bitartean
Aldarrikapen taula
Lau aldarrikapen zehatz egin dituzte. Lehenik, pertsona guztien kaleratzeak gelditzea, alarma egoera den bitartean zein hori behin desagertuta ere. Salatu dute, etxegabetzeko debekua ez dela bete kasu guztietan Gasteizen. Etxebizitza eskubide bezala tratatzea da taulako bigarren puntua. Horretarako, alokairu sozialeko etxebizitza parke publikoa handitzea, etxebizitza ordaintzeko bideratzen den diru-kopurua legez mugatzea, eta etxebizitza eskuratzeko orduan arraza, genero, adin edo bestelako edozein diskriminazio ekiditea galdegin dute. Hirugarrenik, bizitzeko oinarrizkoak diren elementuak bermatzea eta publikoak izatea eskatu dute prentsaurrekoan, ura, argindarra, gasa, eta interneterako sarbidea aipatuz. Azkenik, gogoratu dute udalaren ardura dela Gasteizen kale gorrian bizi den herritarrik ez egotea eta, hori bermatu ordez, EAJ-PSE Udal Gobernuak etxegabeen egoera are gehiago larriagotu duela azken urtean bere neurriekin. Olarizuko etxe okupatuetako bizilagunen aurkako jazarpena jarri dute adibidetzat.
Hausnarketa eta borroka
“Urgentziazko egoeran urgentziaz” egindako aldarrikapenak direla azaldu dute ekimenaren ordezkariek, baina etxebizitza negozio izatetik eskubide izatera lortzeko bidean “askoz gehiago” dela “hausnartu, esan eta borrokatu” beharrekoa. Horretarako gonbita egin diete gasteiztar guztiei. “Gaur aurkezten ari garen dinamikaren baitan ekintzak egingo ditugu hurrengo hilabeteetan, gure hausnarketa eta borroketan aurrera-pausoak ematen jarraitzeko. Egon adi beraz, martxotik aurrera antolatuko ditugun deialdietara”.
Bruselan legez kanpokoa da etxebizitza hutsak izatea, eta hainbat komunek (Belgikako hiriburua banatzeko barruti modukoak) lege-tresna bat jarri dute martxan etxebizitzen kontrola hartu eta merkatura ateratzeko, arrazoizko prezioetan.
Iazko urritik eraiki dituzte hainbat kokaleku jatorri magrebtarreko ia 100 lagunek. Poliziak duela hainbat aste jaso zuen haiek basotik botatzeko agindua.
Groseko hainbat maizterrek, Saretxe etxebizitza sindikatuarekin elkarlanean, Azora putre funtsaren gehiegikeriak salatu dituzte. Bizilagunek elkarrekin egin nahi diote aurre jabetza duen enpresari, eta manifestaziora deitu dute, hilaren 25erako.
Alokabidek gutxienez sei etxegabetze prozesu ireki dituela salatu du Gasteizko Etxebizitza Sindikatuak. Horietako bat uztailaren 18an izanen da.
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Etxe turistikoek alokairuaren merkatuan duten pisua aztertu dute, eta hainbat datu adierazgarri gelditu dira agerian.
Donostiako auzokide horiek Saretxe Groseko Etxebizitza sindikatuarekin batera ari dira lanean, Azora enpresak Inmobiliaria Vascongadaren jabetzak erosi zituenetik pairatu dituzten arazoei konponbidea bilatzeko. "Klausula ilegalak" dira kexa nagusienetariko bat, eta... [+]
Alokairuzko etxebizitzaren prezioa %10,3 handitu da azken urtean Euskal Autonomia Erkidegoan, Idealista etxeak egindako azken txostenaren arabera. Hala, metro koadroaren prezioa 14 eurokoa da hilean, batez beste. Hiriburuka aztertuta, Donostiak dauzka preziorik altuenak.
Turistek neurrigabeko prezioak dituzten apartamentu eta hotelak bete dituzte. Eta zu gurasoen etxean, etsita, konpainia handiek eta espekulatzaileek alokairua puzten duten bitartean.
Azora funts putrearen maizterrak diren beste lau familiaren etxegabetzea geldiarazi nahi dute Inquilinos de Azora, Alokairu Benta Berri eta Kaleratzeak Stop eragileek. Horretarako, Donostiako Udalari, Gipuzkoako Foru Ogasunari eta Eusko Jaurlaritzari zenbait eskaera egin... [+]
Alokabideri, Gasteizeko Udalari eta Gizarte Zerbitzuei konponbide bat bilatzeko exijitu die Auzoan Bizi Etxebizitza Sareak. Eusko Jaurlaritzarena da etxebizitza.
Etxebizitza turistikoen aurkako kalejira egin dute Zaharraz Harro! jaien barnean, Auzoan Bizi etxebizitza sareak antolatuta. Etxebizitzarekin “negozioa” egiten dituztenak salatu dituzte, bereziki Gustavo Antepara PPko zinegotzia, eta beren atarietan etxebizitza... [+]
Besteak beste biltegi modura erabiltzen dute lokala, oinarrizko hainbat material jasotzeko eta beharra duten pertsonei emateko. Aurretik ere izan dira desokupen mehatxuak.
Fuera Okupas desokupazio-enpresa gutxienez bi aldiz joan da haiek jazartzera. Gaur Bilboko Udaltzaingoa eta Ertzaintza bertaratu dira, eta eraikinetako batean sartu dira: pertsona bat kanporatu eta atxilotu dute.