Iñigo Urkullu lehendakariak, bestalde, oroitarazi du Ertzaintzak "konpromisoa, profesionaltasuna eta errespetua" beharrezko dituela: "Horiek betetzen ez badira, nekez beteko du gizarte honek ezarri dion helburua, herritarren segurtasuna bermatzea". Astelehen goizean protestan ari diren ertzainen erantzuna etorri da: Urkulluren hitzak "handiustearekin" eta "harropuzkeriarekin" lotu dituzte.
Hamabi domina banatzen dituzten urteroko ekitaldian hain ohikoak ez diren hitz-trukaketak ere jazo dira, gizonezkoen txirrindularitzako proba nagusia, Frantziako Tourra, Euskal Herritik abiatzeko hilabete ere falta ez denean.
Josu Bujanda Ertzaintzaren buruak nabarmendu du, lehen, iraganean, "arazoa kanpoan" zeukatela, "zipaios" eta antzerakoak esanez iraintzen zitzaielako. Orain, ordea, "arriskua barruan" daukatela iradoki du: "Lehen, gure polizia eredua aldatzeko arrisku hura kanpotik zetorren. Orain etxe barruan daukagu eta argi ibili behar gara, gure polizia eredua mantendu nahi badugu".
Iñigo Urkullu Jaurlaritzako lehendakariak ere hartu du parte, ohiko legez, Arkautiko aitortza ekitaldian. Inongo momentuan ika-mikak piztu dituen ertzain taldea aipatu gabe, zera oroitarazi du: "Ertzain izatearen arrazoiak aldatu al dira azken urteotan? Sentimenduak, balioak... aldatu dira? (...) Badira gaur egun ere bete beharrekoak: konpromisoa, profesionaltasuna eta errespetua. Ertzaintzaren nahitaezko hiru ezaugarri dira horiek, nabarmendu nahi ditudanak. Izan ere, horiek betetzen ez badira, erakunde honek, Ertzaintzak, nekez beteko du gizarte honek ezarri dion helburua: herritarren segurtasuna bermatzea".
Astelehen goizean heldu da Ertzaintzako sindikatuen eta "Ertzainak borrokan" protestan ari den ertzain taldearen oharra. Urkulluren hitzak "zitalkeriaren" adierazle dira haien arabera, "harropuzkeriaz" eginikoak, eta "bistako intentzionalitate argia" sumatzen da: "Ertzainen aurkako gerra deklarazioa egin dute".
Aldarrikapenak eta zailtasun handirik gabeko tranbia mozketak
Ertzaintzako adar batek, "Ertzainak borrokan" izenaren pean, hainbat mobilizazio deitu ditu azken asteotan, "lan-baldintza hobeak" eskatzeko. Hurrengoa ekainaren 6an izango da, asteartez, Jaurlaritzako Gobernu Bileraren ordu berean, bilkura horren leku berean.
Besteak beste, talde horrek, sareetan publiko egin eta gerora ezabatu zuten eskakizun zehatzak zekartzan oharraren arabera (El Correo-k jaso zituen albiste honetan, gazteleraz), honakoa aldarrikatzen dute: soldatak 1.100 euro igotzea hasteko, eta urtez urte KPIaren araberako igoerak edukitzea; bestelako neurri batzuk hartzea azken hamar urteotako eros ahalmenaren galera konpentsatzeko; 22 euroko dietak eguneko; eta disponibiliatea izatearen plusa 300 eurokoa izatea hilero, besteak beste.
Azken egunetan ugaritu egin dituzte protestak eta aldarri egiteko moduak. Esaterako, joan den ostegunean, Gasteizko Legebiltzarrean pleno eguna zela baliatuta, dozenaka lagunek tranbiaren zerbitzua eten zuten ordubete pasatxoz. Manifestarien parean ziren ertzainek, lanean ari zirenek, besoak gurutzatuta erantzun zioten ekintzari, eta hainbatek txalo egin zuten bukaeran. Segurtasun sailburuak, hurrengo egunean, legebiltzarreko kontrol saioan jakinarazi zuen espedienteak zabalduko zituela. Protestan ari den ertzain taldearentzat "gehiegizkoa" da izapideak zabaltzea, eta "haien aurkako erasoa" dago erakundeen partetik, Euskadi Irratian salatu dutenez.
Rosa Zarra Ertzaintzaren pilotakada baten ondorioz hil zela da Eusko Jaurlaritzako Poliziaren Biktimen Balorazio Batzordeak atera duen ondorioa, Berria-k jakinarazi duenez. Orain arte, Ertzaintzak beti egin dio uko bertsio horri, eta Rosa Zarra berak zuen gaixotasunaren ondorioz... [+]
Ustez, lokalaren jabetza eskuratu dutenek bidali dituzte sarrailagileak sarraila aldatzera; Ertzaintzak babestuta aritu dira hori egiten. Birundak epaiketa bat irabazi du duela gutxi.
Ertzaintzak martxoaren 13an Bilbon zauritutako bi pertsonaren testigantza jaso ditugu. Athleticen partidaren ostean larriki zauritu zituzten aita-semeak, borra-kolpeka, eta atxilo eraman zuten haietako bat. Furgonetatik ikusi zuen ertzainek nola egin zuten tiro jendearen kontra,... [+]
ERNE, ESAN eta SIPErekin egin du akordioa Eusko Jaurlaritzak 2025-2028 aldirako. Besteak beste, urteko soldatan 4.200 euro gordineko igoera "graduala" izango du ertzain bakoitzak. Sindikatuen iturriek El Diario Vascori azaldu diotenez, akordioarekin Ertzaintza Espainiako... [+]
49 urte eta gero Espainiako Poliziak Gasteizko Maria Sortzez Garbiaren katedralean eraildako bost langileak oroitu dituzte beste behin astelehen arratsaldean. Milaka pertsona batu dira Zaramagatik abiatutako eta katedralean amaitutako manifestazioan. Manifestari guztiek ez dute... [+]
.jpg)
31 urteko emakume kolonbiarra osasun zentrora eraman ordez ertzain etxera eramatean agenteek "akatsa" egin zutela aitortu du Segurtasun sailburuak, baina azpimarratu du ez zuela "jipoirik" jaso.
.jpg)
Karen Daniela Ágredok dioenez, zortzi bat ordu eman zituen ziegako zoruan etzanda Ertzaintzak ospitalera eraman aurretik. Segurtasun sailburu Bingen Zupiriak berak eskatu du Eusko Legebiltzarrean agerraldia egitea.
Karen Daniela Ágredok dioenez, atxilotu zutenean berak ez zuen ertzainik zauritu, haiek lurrera bota zuten eta konortea galdu zuen. Ondoren, Ertzaintzaren komisariaren zoruan iratzartu zen eta handik ospitalera eraman zuten.
Salburuako futbol kantxetan polizia-operazio planifikatu bat egin zuen igandean Ertzaintzak, eta Gasteizko GKSk nahiz Gasteiz Antirrazista eragileek salatu dutenez, bertan zeuden pertsona ugari identifikatu, miatu eta kolpatu zituzten.
Segurtasun sailburu Bingen Zupiriak adierazi du oraingoz ez dutela neurririk hartuko kasuaren inguruan, "gauzak ondo edo gaizki egin izanaren inguruko segurtasun edo ziurtasunik" ez duten bitartean. Ertzaintzaren agenteek eraso egin zioten emakumea "indarrik... [+]
Emakumearen familiako kideek jarri dute salaketa Bilboko Kolonbiaren kontsulatuan. Otsailaren 1ean jasan zuen erasoa, Donostiako Manterola kaleko diskoteka baten atarian. Hainbat testigantzen arabera, konorterik gabe egon arren berari kolpeka jarraitu zuen ertzain batek.
Gipuzkoako Fiskaltzak sei urteko espetxe-zigorra ezarri nahi dio Donostiako Herritarren Babeseko patruiletako buruari. Ertzainak kokainaren truke prozesu judizialean onurak eskaini zizkion droga trafikatzea egotzita atxilotutako gizon bati.
Eusko Jaurlaritzak isunak kendu dizkie ertzainei euskaraz hitz egiteagatik zigortuak izan ziren Donostiako herritarrei. Manex Ralla eta Amaia Abendaño dira herritar horiek, isunak kendu dizkietela baieztatu diote hedabide honi.
Polizia ez zegoen lanean ustezko gertakaria jazo zenean.
Donostian 2024ko martxoan jokatutako futbol partiduaren aurretik Ertzaintzak egindako kargetan, Amaya Zabarte zaleaz gain bigarren pertsona bat zauritu zuten, ustez foam pilota batekin begian jota. Orain, kasu hori ere ikertzeko agindu du Gipuzkoako Lurralde Auzitegiak.
