Hilabete inguru daramagu etxean, 30 egun baino gehiago konfinamenduan. Esango nuke, hasieratik lotu genuela askok serie-film-eta-beste-ikus-entzunezkoen kontsumoa itxialdi honekin, eta horren erakusle dira han eta hemen bueltaka dabiltzan filmak doan ikusteko hamaika zerrenda. Manifestu honek filma zehatz batzuk jo nahi ditu begiz: etxe barnean eginiko horiek. Hartara, etxetik, etxean eginiko filmez ari natzaizue etxeetara.
Marko honen barnean begi-bistakoa da denon bizimoduetan Covid-19 gaitzak eragin duen eraldaketa. Ohiturak, otorduak, aisia, lana, harremanak aldatu dira, baita kasu askotan zaintzak eta poltsikoa ere. Aldaketak ez dira, halere, berdinak izan guztientzat. Emakumeak dira historikoki konfinatuak izan direnak, kalea pixkanaka bereganatzen ari badira ere; eta hemen darabilgun objektuan zentratuz, horrelako adibidez josia dago zinemaren historia. Kalea bezain deseroso zaizkit sare birtualetan dabiltzan filmen zerrendak, zeinetan beste behin ere, emakumezkoen filmak ikusezin diren, eta espazio publikotik baztertuak. Biolentzia da gure eguneroko kontsumoarekin bermatzen duguna ere, batez ere hain emakumeena izan den gai hori ere soilik gizonezkoen esku uzten dugunean. Harriduraz begiratzen ditut "Konfinamendua erretratatu duten 10 film" iragartzen dituzten estekak, zeinetan argumentua etxeari lotuta egon arren, emakumezko bat bera ere ez den zerrendatzen. Hutsune horren egonezinen ondorio dira artikulu hau eta atzetik etorriko direnak.
Emakume zuzendari askok gertutik filmatu duten eszenatokia da etxe barnekoa, baina konfinamenduari lotutako zerrendetan ez da bat bera ere agertzen
Aipatutako zerrendetan gehien agertutako filmak ditugu, besteak beste, Stanley Kubricken The Shining (Erresuma Batua, 1980) eta Martin Scorseseren Shutter island (AEB, 2010) nazioartekoen artean; baita bertakoak ditugun Moriartikoen La trinchera infinita (Euskal Herria-Andaluzia, 2019) eta Galder Gaztelu-Urrutiaren El hoyo ere (Euskal Herria, 2019). Akzioa nagusi. Egoera gehienetan, gertaera harrigarria da gizona konfinatua egotea, eta horrek dakar argumentua gidatzen duen tentsioa. Akaso ez da hain harrigarria gertatzen emakumea "naturalki" konfinatua izan denean. Badira, ordea, etxekotasun horretatik, hain zuzen, hariak bilatu dituzten emakumezko zuzendariak, eta egunerokotasunean oinarritzen diren argumentu sendoak eraiki dituztenak. Eta kontua ez da konparatzea Maya Derenen filmen eromen eta bortizkeria Kubrickenen parekoa den ala ez; edo Lucrecia Martelek tentsioa Scorsesek adina heltzen duen. Eztabaida ez dago hor. Kontua da emakumezko zuzendari askok gertutik ezagutu eta filmatu duten eszenatokia dela etxe barnekoa, baina konfinamenduari lotutako zerrendetan ez dela bat bera ere azaltzen. Eta baloia gure zelaian daukagu, aise jar baikenezake Maider Oleagaren Muga deitzen da pausoa (Euskal Herria, 2018) Garaño, Arregi eta Goenagaren izenen ondoan, Oleagak Elbira Zipitria zenaren etxean bizi dela ohartzearekin bat sortu zuen memoria-lan intimoa izanik.
Emakumezko zuzendariek etxe barneetan eginiko lanak aipatzean denetariko gaiak ditugu: etxetik etxera bidaltzen diren eskutitzen bidezko hartu-emana Rita Azevedo Gomesen Correspondências lanean (Portugal, 2016); ama-alaba harremana eta etxetik joateko unearen berariazkotasuna Celia Rico andaluziarraren Viaje al cuarto de una madre filmean (Espainia, 2018); edo aktore baten eta antzerki obra batean errepresentatzen duen paperaren arteko mugaren lausotasuna Petra Costa brasildarraren Olmo e a gaviota lan luzean (Danimarka, 2015), esaterako. Baina baita ere, Marguerite Durasen Le navire night (Frantzia, 1979) filmaren kasuan, alemanek okupaturiko Paris gautiarreko derrigorrezko konfinamenduan elkarrekin "egoteko" telefono linea anonimoak erabiltzen dituzten biztanleen istorioa. Datorren asteetako artikuluetan Chantal Akerman, Naomi Kawase, Marguerite Duras, Lucrecia Martel, Sofia Coppola, Sadie Benning eta Maya Derenen filmetan murgilduko gara, haien lanetara gehiago hurbiltzeko asmoz –eta batzuetan etxeetara ere bai–.
Eskerrak eman nahi dizkiet filmak zerrendatzen lagundu nauten emakumezko zuzendari lagunei, "beste" konfinamenduaren zinema osatzeko ezinbestekoak izan baitira.
Pantailak Euskaraz ekimena eta Filmin streaming plataforma espainiarra lankidetzan aritu dira azken hilabetetan, eta horri esker euskarazko 100 azpititulutik gora gehitu ditu plataformak katalogoan bere katalogoan. Zenbait iturritako azpidatziak dira, tartean boluntarioek [+]
Epaimahaiaren esanetan, dokumentala beharrezkoa da "bizikidetzari espazioa emateko", eta era berean, ez ahazteko urte luzez lesbianismoak ez duela ikusgarritasunik izan. Filminen dago ikusgai.
Askotariko lanak egin ditu Miren Gaztañagak antzerkian, zineman zein telebistan, baita dantza edo musikari lotutako proiektuetan ere. Txani Rodriguezen Los últimos románticos (Seix Barral, 2020) eleberrian oinarritutako pelikularen errodajea amaitu... [+]
64 urterekin, Kike Diaz de Rada donostiarra hil da, Eneko Olasagasti lankideak asteazken arratsean sare sozialetan jakinarazi duenez. Ibilbide luzeko aktorea izan zen eta Tanttaka teatroaren eta Orain gipuzkoar antzerki taldearen sortzaileetako bat.
'Queertopia' da aurtengo Zinegoak jaialdiaren izenburua. Queertopiek erakusten dute posible dela errealitate ezberdinak harremanetan jartzeko espazioak sortzea. Alaitz Arenzana jaialdiko zuzendariarekin eta Julen Nafarrate komunikazio arduradunarekin duela 21 urte Bilbon... [+]
Denbora laburrean plano aldaketa asko dituzten marrazki bizidunek, alegia erritmo azkarreko hiperestimulazio audiobisualak eragin negatiboa du umeen arretan, hainbat ariketa mental egiteko gaitasunean eta autoerregulatzeko ahalmenean, ikerketa batek ondorioztatu duenez.
Zinegoak, Bilboko LGTBIQ+ 21. nazioarteko zinema eta arte eszenikoen jaialdia, ekainaren 24tik uztailaren 1era egingo da. Jaialdiaren barruan, bigarren urtez, Bizi Bisexualitatea proiektuak bere tokia izango du. Egitasmo horrek bisexualitatea eta euskal kultura uztartzen ditu... [+]
Hari buruzko aipamenik apenas iritsi zaigu historia liburuetan, baina Jesús Carrera Olascoaga (Hondarribia 1911 – Alcala de Henares 1945) Espainiako Alderdi Komunistaren idazkari nagusi izatera iritsi zen. Frankistek atxilotu, torturatu eta fusilatua, bere... [+]
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Nina iragarritako señorizidio baten kronika da –Irantzu Varelaren terminoa erabiliz–. Pantaila handira orain iritsiko den filmak kontatzen du nola 30 urteren ondoren emakume zauritu bat herrira itzultzen den eskopeta batekin, etengabeko hileko moduko batek... [+]
Maiatzaren 7an hasiko da zikloa, Gazaren inguruko hiru dokumental laburrekin.
Ostegun arratsalde honetan Mirande, film bat egiteko zirriborroa dokumentala ikusgai izango dute Ziburun, Baltsan elkartean 18:30etan. Josu Martinez zuzendaria ere bertan izango da solaserako. Ziburuko Azokaldiaren egitarauaren barnean, aurten lehenbiziz kultur ekitaldiak egingo... [+]
“Gay azpitestuak beti hobetzen du film bat”
Quentin Tarantino
Juan Dos Ramos idazle eta Alex Tarazón ilustratzaile valentziarrek Gangsters Maricas: Extravagancia y Furia en el cine negro (Gangster maritxuak: nabarmenkeria eta indarkeria zine beltzean)... [+]
Apirilaren 12an egingo dute XXI. edizioaren estreinako emanaldia, Bergaran. Maiatzaren 12ra bitartean, 35 herri bisitatuko ditu euskarazko film laburren ekimenak. Berrikuntza gisara, ikusleek film labur onena hautatzeko aukera izango dute.