Etxahun Iruri ere gogoan hartuko dute aurtengo Xalbador Egunean
Urriaren 18 eta 19an ospatuko da aurtengo Xalbador Eguna, Deiadar elkarteak antolatuta. Urepelen izango dira ekitaldiak eta aurten Xalbador bertsolari eta poeta gogoan hartzeaz gain, Pierre Bordazarre Etxahun Iruri ere omenduko dute.
Etxahun Iruri, Pierre Bordazarre izenez, Irurin (Zuberoa) jaiotako kantagile, idazle eta bertsolaria izan zen. Lanbidez, artzain eta laborari jardun zen urteetan. Obra oparoa osatu zuen Irurik, batez ere, pastoral eta kanta idazketan nabarmenduz. Berak sortutako 107 kantu liburu batean batu zituen, hauen artean daude, besteak beste, Agur Xiberoa eta Oi ama Euskual Herria abestiak.
Xalbador eta Iruri maiz izan ziren batera kantuan. Irurik Urepeleko bertsolariaren obra asko miresten zuen, baita Xalbadorrek Etxahunen kantagintza ere.
Kantuz, hitzaldiz eta bertsoz osatutako egitaraua
Urriaren 18-19ko astebururako egitarau anitza antolatu du Deiadar elkarteak. Larunbat iluntzean emango diote hasiera, François Rossek eta Mixel Etxekoparek Transhumantzia kantaldiarekin.
Ekitaldi nagusiak, ordea, igandean egingo dira. Xalbadorren etxolaranzko ibilbidea izango da egunaren hasieran, eta jarraian meza. Ostean, Jean Mixel Bedaxagar, Allande Etxahun, Mixel Etxekopar eta Luxi Etxekoparrek Etxahun Iruriren inguruko hitzaldia emango dute.
Bertsolariak izango dira nagusi arratsaldean. Zuberoako Ibai Kapo eta Joanes Etxeberria arituko dira aurrena, eta jarraian, Maialen Lujanbio, Juan Joxe Loidisaletxe, Sebastian Lizaso, Jose Luis Gorrotxategi eta Amets Arzallus.
Horretaz gain, herri kirolak, Larraineko dantza eta Iruriri buruzko bideo emanaldia ere izango dira, besteak beste.
Urtarrilaren 25ean ospatuko dute bertsozaleek urteroko hitzordua. Honakoa Bortzirietako Bertso Eskolak eta Bertsozale Elkarteak antolatuko dute elkarlanean. Goizeko 10:00etan ibilbide bat eginez hasiko da, arratsaldean XXI mende 25 (H)ilbeltz izenburua jarri dioten bertso... [+]
Astearte goizean aurkeztu dute Gipuzkoako Bertsolari Txapelketako finala, Illunben (Donostia) bertan. Larunbatean, abenduaren 14an, izango da saioa, 17:00etatik aurrera.
Gutxi ateratzen naiz azken urteetan. Askotan esan dut, badakit, baina badaezpada ere. Bertso saio batera joan naiz gaur. “Bejondeizula”. Bai, horregatik abisatu dut gutxi ateratzen naizela, pentsatzen dut zuek kultur ekitaldi askotara joaten zaretela, eta... [+]
19 urte ditu Maddik, Matematika Gradua ikasten ari da Leioan, EHUko Zientzia eta Teknologia fakultatean, musika ikasketak eginak ditu, eta gazteagatik ere, bertsolari iaioa da. Eta bertsolari ona baino hobea izateko zumitzak ditu, bateko eta besteko plazetan ikusi dugunez... [+]
Musika ondare tradizionala “berreskuratu, zaindu eta transmititzeagatik” irabazi du Eusko Ikaskuntzaren 2024ko saria Beltranek. Urte luzeetako “dibulgazio lan multidimensionala” aitortu nahi izan dio epaimahaiak.
