Etchetok irabazi du Baionan, Brissonek Miarritzen eta Olivek Angelun
Lapurdi, Nafarroa Beherea eta Zuberoako herriko etxeetako bozak egin dituzte igandean. Baionan, Angelun eta Miarritzen bigarren itzulian erabakiko da auzapeza.
Donibane Garazin Alphonse Idiart eskuineko hautagaiak hartuko du agintea bigarren itzulira itxaron gabe eta beste hainbeste gertatuko da Donibane Lohitzunen ere: UMPko Peyuco Duhartek lehen itzulian lortu du garaipena.
Lapurdiko hiriburuan PSko Henri Etchetok irabazi du lehen itzulia eta UMP-UDIko zerrendaren buru izan den Max Brissonek berriz Miarritzen.
Hauteskunde gaueko sorpresetako bat Angeluko emaitzak eman du. UMP-UDIko Claude Olivek aurrea hartu dio Jean Espilondo (PS) egungo auzapezari.
Hendaian Kotte Ezenarro sozialistak lortu du boto gehien oraindik alkate den zentro-eskuineko Battitte Salaberryren aurretik. Bien atzetik Richard Beitia eskuineko hautagaia eta Iker Elizalde abertzalea.
Beste hautagai abertzaleei dagokienez, mila biztanleko hainbat herritan lortutako emaitza azpimarragarriez gain, seinalatzekoa da Urruñan, Uztaritzen, Hendaian eta Baionan bertan ateratako emaitzak. Bigarren itzulian Baionan hartuko duten jarrerak garrantzia izan dezake azken emaitzari begira.
Herriz herriko emaitza guztiak, Kazeta.info webgunean.
Ultraeskuina gora Frantziako Estatuan
Frantziako Estatuko emaitzei dagokienez, behera egin du François Hollande presidentearen Alderdi Sozialistak, eta gora, aldiz, eskuineko alderdiek, UMPk eta Fronte Nazionalak (FN).
Emaitza historikoak lortu ditu FNk. Hauteskundeak ixtean egindako zundaketen arabera, botoen %5-%7 eskuratu ditu, eta 200 bat herritan du aukera bigarren itzulira igarotzeko.
Abstentzioa %38,5ekoa izan da, orain arteko altuena.
Baigorri, 1958. Bi urte auzapeza dela, Aintzina Baigorri hautagaitzaren izenean. Ez dago ezein alderdi politikori atxikia. Sukaldaritza Eskolako irakaslea da Donibane Garazin. Baigorri –herria eta eskualdea– ezaguna da, eta aurten are gehiago ezagutzera eman da:
Abertzaleek zirt edo zart egin behar zutela adierazi genuen bigarren itzuliari begira, baita egin ere. Abstentzioaren gorakada azpimarratu genuen eta %40koa izan da berriz ere. Argazki hau utzi digute Ipar Euskal Herriko udal hauteskundeek.
Ipar Euskal Herriko herri bozen ostean, analisirako tartea heldu da. Hainbat autoreren lanak topatuko ditu irakurleak ondoren, hedabide eta kolektibo ugaritan beren iritziak plazaratuta.
Abertzaleek zirt edo zart egin behar zutela adierazi genuen bigarren itzuliari begira, baita egin ere. Abstentzioaren gorakada azpimarratu genuen eta %40koa izan da berriz ere. Argazki hau utzi digute Ipar Euskal Herriko udal hauteskundeek.
Lapurdi, Nafarroa Beherea eta Zuberoako herriko bozen bigarren txanda izan da igandean. Herriko Etxe handienetan auzapeza estreinatuko dute.
Ipar Euskal Herriko herriko etxeetako bozen bigarren itzuliko emaitzak zuzenean jarraitzen ari dira Kanaldude, Berria, Ipar Euskal Herriko Hitza, Euskal Irratiak, Herria eta Kazeta.info.
Baiona 2014 zerrenda abertzaleak eta Front de Gauchek astearte goizean emango dute udal bozen bigarren itzulirako lortu duten akordioaren berri.
Abstentzioa azpimarragarria izan da udal hauteskundeotan. Ipar Euskal Herrian eta Estatuan hamar herritarretik seik eman dute boza, zortzik ematen ohi baitute. Ipar Euskal Herriko hiri handiko auzapezak izendatu gabe anartean. Hautagaitza abertzaleen emaitza onek bigarren... [+]
Martxoaren 23an eta 30ean izango diren udal hauteskundeei begira, Batera plataformak Lurralde Elkargoaren eta euskararen inguruan Ipar Euskal Herriko hautagaiek duten iritziak bildu ditu. Bi aldarrikapenen alde agertu da gehiengo zabala.