Etchegaray Baionako auzapez eta abertzaleak nagusi Uztaritzen
Lapurdi, Nafarroa Beherea eta Zuberoako herriko bozen bigarren txanda izan da igandean. Herriko Etxe handienetan auzapeza estreinatuko dute.
Jean Rene Etchegaray eskuindarra izango da Baionako auzapez berria Henri Etcheto PSko kideari juxtuan irabazi ostean (lehen itzulian Etchetok lortu zuen boz gehien). Miarritzen Michel Veunac zentristaren zerrendak aurrea hartu dio lehen itzulian garaile izan zen Max Brisson eskuineko hautagaiarenari.
UMPko Claude Olivek lehen itzuliko emaitza onak errepikatu ditu Angelun eta Jean Espilondo sozialista ez da gehiago auzapez izango.
Uztaritzen abertzaleak nagusi
Joan den igandean bezala, abertzaleek bigarren itzulian ere boz asko bildu dituzte Uztaritzen eta Bruno Carrere izango da auzapez, Uztaritze Bai zerrendakoa. Bozen %45,59 lortuta alde nahiko atera dio bigarren hautagaiari, eskuineko Claude St. Jeani (%29,16).
Gainontzeko hiriburuei dagokienez, lehen itzulian ziurtatu zuen Alphonse Idiart eskuindarrak Donibane Garaziko aginte makila eta Maulen ez da aldaketarik izango: Michel Etxebestek karguari eutsiko dio bigarren itzulian irabazita.
Informazio gehiago:
Hauteskundeen emaitzak herriz herri, Euskal Irratiek, Berriak, Ipar Euskal Herriko Hitzak, Herriak, Kazeta.info eta Kanaldudek elkarlanean egin duten jarraipenari esker.
Baigorri, 1958. Bi urte auzapeza dela, Aintzina Baigorri hautagaitzaren izenean. Ez dago ezein alderdi politikori atxikia. Sukaldaritza Eskolako irakaslea da Donibane Garazin. Baigorri –herria eta eskualdea– ezaguna da, eta aurten are gehiago ezagutzera eman da:
Abertzaleek zirt edo zart egin behar zutela adierazi genuen bigarren itzuliari begira, baita egin ere. Abstentzioaren gorakada azpimarratu genuen eta %40koa izan da berriz ere. Argazki hau utzi digute Ipar Euskal Herriko udal hauteskundeek.
Ipar Euskal Herriko herri bozen ostean, analisirako tartea heldu da. Hainbat autoreren lanak topatuko ditu irakurleak ondoren, hedabide eta kolektibo ugaritan beren iritziak plazaratuta.
Abertzaleek zirt edo zart egin behar zutela adierazi genuen bigarren itzuliari begira, baita egin ere. Abstentzioaren gorakada azpimarratu genuen eta %40koa izan da berriz ere. Argazki hau utzi digute Ipar Euskal Herriko udal hauteskundeek.
Ipar Euskal Herriko herriko etxeetako bozen bigarren itzuliko emaitzak zuzenean jarraitzen ari dira Kanaldude, Berria, Ipar Euskal Herriko Hitza, Euskal Irratiak, Herria eta Kazeta.info.
Baiona 2014 zerrenda abertzaleak eta Front de Gauchek astearte goizean emango dute udal bozen bigarren itzulirako lortu duten akordioaren berri.
Abstentzioa azpimarragarria izan da udal hauteskundeotan. Ipar Euskal Herrian eta Estatuan hamar herritarretik seik eman dute boza, zortzik ematen ohi baitute. Ipar Euskal Herriko hiri handiko auzapezak izendatu gabe anartean. Hautagaitza abertzaleen emaitza onek bigarren... [+]
Lapurdi, Nafarroa Beherea eta Zuberoako herriko etxeetako bozak egin dituzte igandean. Baionan, Angelun eta Miarritzen bigarren itzulian erabakiko da auzapeza.
Martxoaren 23an eta 30ean izango diren udal hauteskundeei begira, Batera plataformak Lurralde Elkargoaren eta euskararen inguruan Ipar Euskal Herriko hautagaiek duten iritziak bildu ditu. Bi aldarrikapenen alde agertu da gehiengo zabala.