ETBk gaztelaniaz eskaini ditu umeentzako tailerrak “Play ‘N’ kids” jaialdian
BBK Livek umeentzat antolatutako ekitaldia, larunbatean ospatu da Bilboko Areatzan.
Haurrei zuzendutako hainbat ekimen egon da egun osoko jaian, musika eta jolasa uztartuz.
Twitterreko hainbat erabiltzailek jakinarazi dutenez BBK Livek ETB3 gonbidatu du Areatzara eta Hiru3 izeneko gunean tailerrak eskaini ditu. Etxeko txikiek Doraemon, Nobita, Shizuka eta Gorritxo telebistako pertsonaiekin argazkia ateratzeko aukera izan dute, besteak beste.
Euskaraz zuzendu du ETB3k jaialdirako gonbitea, aldiz, tailerrak gaztelaniaz izan dira. Gainera, hezitzaile euskaldunak jarri beharrean begiraleak Kataluniatik ekarri dituztela salatu du hainbat gurasok twitterren.
Gurasoak haserre daude
Haurrek tailerretan euskaraz gozatzeko aukerarik eduki ez izanak hainbat guraso haserretu du eta horietako batzuek txio bidez adierazi dituzte kexak.
Aste osoa egon dira ETB3an gaur Areatzan jai bat egongo zela iragartzen. Alabak iragarkia hainbatetan ikusi ondoren joatea eskatu du. Ailegatzean photocall bat zegoen, ETB3ko gorritxo pertsonaiarekin, Doraemon serieko pertsonaiekin...
— uxua olalla (@uxuaola) 14 de julio de 2018
EITBren erantzuna
Albistea argitaratu eta biharamunean EITBko prentsa bulegotik gure erredakzioarekin jarri dira harremanetan eta Uxua Olallak jarritako txio kateari emandako erantzuna argitaratzeko eskatu dio ARGIAri. Hemen hiru txioak:
"Lehenengo eta behin barkatu eragozpenak. Larunbateko jaia Luk International enpresa kataluniarrak antolatu zuen (Doraemonen eskubideak esklusibidadean duenak, alegia). HIRU3k gonbidatu gisa hartu du parte: "BBK Live bereziak" ekimenaren barruan kokatutako jaia, umeei zuzenduta".
"Aurrerantzean, mota honetako ekimenetan parte hartzeko baldintzak zehaztuko ditugu, gure jaia izan ez arren, gure izena tartean den neurrian, berriz horrelakorik ez gertatzeko. HIRU3 gunean egon ziren begiraleak euskaldunak izan ziren: Beste horietan ez bezala zuk diozun moduan".
"Gure aldetik, hasieran genionez, barkamena eskatzea tokatzen zaigu. Zure familiari eta bertan egondako guztiei. Balorazioa egiterakoan hor jazotakoa kontuan hartuko dugu, guztiz zaindu beharreko gaia iruditzen zaigulako".
.jpg)
Hizkuntz Eskubideen Behatokiak jaso ditu kexak: bisita gidatuak gaztelania hutsean, eta sarrerako zerbitzuetan ere bai. Bitxia da kontua: baskoien mintzairaren hitzak dituela uste den brontzezko objektua ikustera joan... eta azalpenak gaztelaniaz. Kexek eragina izan dute, eta... [+]
Gabonetako argiak pizteko ekitaldia espainolez egin izanak, Irungo euskaldunak haserretzeaz harago, Aski Da! mugimendua abiatu zuen: herriko 40 elkarteren indarrak batuta, Irungo udal gobernuarekin bildu dira orain, alkatea eta Euskara zinegotzia tarteko, herriko eragileak... [+]
Manifestazioa goizeko 11:30ean izango da, Justizia Jauregian. Mugimenduak euskaldunon eskubideen alde eta auziperatuekiko elkartasunean luzatu du deialdia. Auziperatuek iazko Euskararen Egunean Baionako Justizia Auzitegian "Justizia Euskararentzat" pintaketa egin zuten... [+]
Eskola segregatua izan da Gasteizko Judimendi ikastetxe publikoa, hiri guztiko ikasleak hartu ditu, jatorri atzerritarreko familien seme-alabak. Baina A hizkuntza eredutik D eredura igarotzeaz gain, auzoak eskola bere sentitzeko eta auzoko familiak erakartzeko egindako... [+]
Ertzain patruila batek hizkuntz tratu desegokia eman diela salatu dute Donostiako bi herritarrek. Isuna jaso zuten, behin eta berriz euskaraz artatuak izateko eskatu ondoren. Arartekoak kargu hartu dio Ertzaintzari.
Irungo euskaldunen pazientziak gainezka egin du; haserre daude eta oraingoan ez dira "isilik geratuko". Gabonetako argiak pizteko ekitaldia erdara hutsean egin izanak hiriko 35 elkarte eraman ditu udalaren hizkuntza politika salatzera –aurrekari gutxi izango ditu... [+]
Euskalgintzaren Kontseilua hizkuntza larrialdia bizi dugula ohartarazten ari da azken astetan. Urte dezente pasa dira euskararen biziberritze-prozesuaren egoera bidegurutzean, errotondan, inpasse egoeran eta antzeko hitzekin deskribatzen hasi zenetik, hizkuntza politikek... [+]
Korsikako legebiltzarkideek ezin dute Korsikako Asanblean korsikeraz hitz egin, Bastiako Auzitegiaren 2023ko epai baten arabera. Ebazpen horri helegitea jarri zion Asanbleak, baina debekua berretsi du orain auzitegi berak. Epaiak tokiko beste hizkuntzei eragiten diela ohartarazi... [+]
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
Donostiako Decathlon saltoki handiak errotulazioak euskaraz ez dauzkalako kexa jarri du kontsumitzaile batek Behatokian. Saltokiaren erantzuna (gaztelaniaz) esanguratsua da: Erkidegoko legeak ez du jasotzen inongo inposiziorik karteldegia euskaraz jartzeari buruz. Alegia, lege... [+]
Kabia organismoaren zaharren egoitzetan 54 plaza egonkortzeko 2022an onartutako lan-eskaintza bertan behera utzi du Donostiako epaile Gonzalo Pérez Sanzek. Gipuzkoako Aldundiaren erakundeak jarritako hizkuntza eskakizuna gehiegizkoa eta baztertzailea dela dio epaileak.
6.000 eurotik 10.000 eurorainokoak izango dira zigorrak. Katalana da Andorrako hizkuntza ofizial bakarra, nahiz eta biztanleen erdiaren ama hizkuntza gaztelania den.
Eusko Legebiltzarrera heldu da gaia, eta pobrea izan da Eusko Jaurlaritzaren erantzuna. Osakidetzak medikuak falta dituen arren, apenas handitu diren Medikuntza ikasteko plazak EHUn. Gainera, karrera euskaraz ikasteko plaza gutxiago eskaintzen dituzte espainolez baino, nahiz eta... [+]