ETB jasotzeko akordioa lotzeko bilera eginen dute astelehenean Nafarroako eta EAEko gobernuek
Sanchez de Muniainek (UPN) “legearen eta Nafarroako telebisten interesen aurka” jardutea egotzi dio foru exekutiboari. Ollo kontseilariak dio gobernuak legea errespetatu duela, eta UPN ETBrekin “obsesionaturik” dagoela.
ETB Nafarroa osoan Lurreko Telebista Digitalaren bitartez jasotzerik izan dadin akordio instituzionala lotu nahi dute Nafarroako eta Euskal Autonomia Erkidegoko gobernuek, eta hori bultzatzeko bilera eginen dute astelehenean. Hala jakinarazi du gaur Ana Ollo Herritarrekiko eta Erakundeekiko Harremanetarako kontseilariak parlamentuan, UPNren galdera baten karietara.
Sanchez de Muniain: “ETB Nafarroako kanalak inbaditzen ari da”
Itaun horretan, Juan Luis Sanchez de Muniain erregionalistak galdetu du ea zer egin behar duen Nafarroako Gobernuak “ETB Nafarroatik erretira dadin” eta “legezkotasuna berrezartzeko”. UPNko eledunaren irudikoz, kontua ez da eztabaidatzea ETB Nafarroan ikusi behar den ala ez, baizik eta aztertzea zer dela kausa jokatu duen Gobernuak “modu arbitrarioan beste erkidego bateko enpresa publiko batek foru Erkidegoko kanalak inbadi ditzan”.
Sanchez de Muniainen iritziz, “egun ETB modu ilegalean emititzen ari da, Nafarroako telebisten interesen aurka”, eta hartara “gobernuak ez ditu defendatzen ez legea ezta telebista nafarren interes legitimoak ere”.
Ollo: “Sen onari jarraitu diogu, foru Erkidegoari batere kosturik eragin gabe”
Ana Ollo kontseilariak eledun erregionalistari erantzun dio UPN ETBrekin obsesionaturik dagoela, eta gobernuak “sen onak gidaturik eta kosturik txikiena bilatuz” jokatu duela. Ollok azaldu duenez, multiplex autonomikoa irtenbiderik onena da, eta ez dakarkio inolako gasturik foru Erkidegoari. “Ez gara batzuen alde eta beste batzuen kontra ari”, nabarmendu du kontseilariak. Halaber, zalantzan jarri du aurreko gobernuak lizentzia eta frekuentzia banaketan eduki zuen jokaera.
Maiorga Ramirez: “Lotsagabekeria da UPNk orain hori esatea”
Geroa Baiko eledun Koldo Martinezek hain zuzen ere salatu du UPNko gobernuak banaketak “arbitrarietatez, aurreiritzi ideologikoz eta lagunkeriaz” egin zituela. Hari horretatik tiraka, EH Bilduko Maiorga Ramirezek “lotsagabekeriatzat” jo du alderdi erregionalistak orain halakoak botatzea.
Ahal Duguko Laura Perezek afera honen “politizazioa” salatu du. ETB Nafarroan ikustearen alde azaldu da, eta gaineratu du ilegaltasunik bada konpondu beharko dela. Izquierda-Ezkerrako Marisa de Simonek ez dakusa “lehiakortasun bidegaberik” ETBren eta Nafarroako telebisten artean. Eta aurrekontuen tramitazioan telebisten finantziazioa berrazter daitekeela gaineratu du.
PSNko Santos Cerdak esan du ez duela deus ETB Nafarroan ikustearen aurka, baina hori legalki egin behar dela, eta ez “hatza erabilita”. PPko Ana Beltranek ebatzi du gobernuaren jokaera “guztiz ilegala” dela.
Ehunka herritarrek hartu dute parte Aldatu Gidoiak deitutako manifestazioarekin, larunbat arratsaldean. Kulturan eta ikus-entzunezkoetan euskararen aldeko politikak eta bitartekoak exijitu dituzte. Kulturako eta euskalgintza hainbat kidek hartu dute hitza amaierako ekitaldian.
Maiatzaren 18an, Gasteizen, egingo da mobilizazioa Aldatu gidoia euskararen alde lelopean. Kanpainan parte hartzen ari diren eragileek Eusko Jaurlaritzari eskatu diote euskararen aldeko politikak ezartzeko ikus-entzunezkoetan, eta EITBn beharrezko baliabideak jar ditzala... [+]
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Berrian lan egiten duen kazetariak, Euskal Telebistaz liburua idatzi berri du Txoria hodei artean, ETB lehen eta gero. Galdera batekin abiatzen du liburua kazetariak: 40 urte bete dituen Euskal Telebistak behar den gisan arrapostu ematen al dio euskal jendartearen egungo... [+]
2021az geroztik, ETBko zuzendaria da Unai Iparragirre. Telebista kateetako edukien ardura da berea, baina baita plazaratu berri duten Primeran plataformarena ere. Jaiotza horren aitzakian hartu gaitu Bilboko egoitzan duen bulegoan.
EITB Mediako langileek ostegunean Pablo González kazetariak bizi duen egoerari ikusgarritasuna eman nahi izan diote, "euskal gizarteak ez dezan ahaztu sufritzen ari den bidegabekeria larria", ELAk zabaldu duenez.
Irailaren 14an eta 26an eta urriaren 19an iragarri dituzte protesta egunak. Salatu dute hamahiru urtean ez dietela hitzarmena berritu eta zuzendaritzak ez duela negoziaketa markoa errespetatu.
Aldatu gidoia euskararen alde! ekimenean 31 eragile batu dira, eta kritikatu dute Eusko Jaurlaritzak EITBn euskara eta euskarazko telebista eta irratiak bigarren mailan utzi izana. Euskarazko ikus-entzunezko edukiak, EITBz gain, bestelako euskarri guztietan egoteko lan egin... [+]
Ertzaintzako bigarren sindikatuak gogor ekin dio Xabier Lapitz kazetariaren aurka, bere aburuz hark En Jake saioa eta bere Twitter kontua erabiltzen dituelako Ertzaintza eta ertzainak iraindu, eta haien aurka mespretxuz aritzeko.
Ekainaren 15ean aurkeztu dute ekimena Inés Monguilot (Kutxabank) eta Luis Manuel Martínek (EITB). Guztira 60.000 ikurrin atera dituzte Frantziako Tourrean banatzeko, hiru erakundeen logoekin.
Euskarazko bikoizketa kinka larrian dago. Egunean hamalau ordu ematen dituzte gazteek, batez beste, pantailen aurrean. ETBk bikoizketa baztertu du azken bi hamarkadetan eta streaming plataformetako euskarazko eskaintza ez da %0,1era iristen. Iker Bengoetxeak ahotsa eman die... [+]
EITBren egoitzaren aurrean elkarretaratzea egin dute (H)itzartu ETBk deituta. EAJri eta ETBri politikak errotik aldatzeko eta "premiaz euskarazko eskaintza erakargarria" osatzeko eskatu diote.