ETAren armagabetzeaz geroztik lau urte pasa direla, presoen aldeko mobilizazioa eginen dute ekainaren 26an

  • 2017ko apirilaren 8an burutu zen ETAren armagabetzea, gizarte zibilaren zaintzapean. Urtemuga kari, Bake Bidea eta Bakegileek agiria bidali dute, presoen gaia berriz ere mahaigaineratuz: "Denbora badoa, eta presa du: Ion parot eta Jakes Esnal gurekin!". Bakea presoen auziaren konpontzetik iragaiten dela berretsi dute bake prozesuaren alde dabiltzan bi egiturek. Bestalde, Foro Sozial Iraunkorrak ere plazaratu du bere irakurketa.

Presoen aldeko manifestazioa Baionan (argazkia: Ibai Arrieta)

2021eko apirilaren 08an - 12:19

"Aieteko Nazioarteko Adierazpenetik hamar urteetara iristen garenean, nola uler daiteke zuzenbide arrunta etengabe indargabetzea? Denbora badoa eta presa bada! Ezin dugu errealitate bikoitz hau gehiago onartu. Kontraerranean ezartzen ditu, alde batetik euskal jendarte dinamiko eta asmamen handikoa Euskal Herriaren testuinguru politikoan aldaketa erradikala ekarri duena, eta bestetik, terrorismoaren kontrako ministerio publiko anakronikoa, logika lehengotar eta liskartiarren logiketan segitzen duena. Bakea, giza eskubideen errespetua ere da". Horra zer irakurri daitekeen Bake Bidea eta Bakegileek igorritako agirian. 2017ko apirilaren 8an burutu zen ETAren armagabetzea, jendarte zibilaren zaintzapean.

Lau urte pasa direla, presoen eskubideen errespetua eta batez ere Jakes Esnal eta Ion Paroten etxeratzea eskatzen dute bake prozesuaren alde dabiltzan bi egiturek. Beste behin oinarrizkoa oroitarazi behar izan dute: "Bakea eraikitzea, gatazkaren jatorria eta ondorioak konpontzean datza. Gatazkaren ondorioak konpontzea, minak konpontzean datza, beraien ezagupena onartuz, datozen tokitik etorririk ere. Baina gatazkaren ondorioak konpontzea, kartzelaz haratago beste perspektiba bat eskainiko duen tresna juridikoak aktibatzea da, existitzen direnak erabiliz edo egokitu behar direnak egokituz".

Bi presoak kartzelan dituzte azken 30 urteetan eta azken asteetan jakin denez, Parotek COVID-19a bildu du presondegian. Parot 2005etik baldintzapean aske izan daiteke, baina beti errefusatu dio Frantziako Justiziak –sei aldiz eskaturik du baldintzapeko askatasuna–.

Mobilizazioa ekainaren 26an

Parot eta Esnalen etxeratzea eskatzeko mobilizazioa antolatu dute ekainaren 26rako. Donibane Lohizune eta Baiona lotuko dituzte, 31 kilometro eginez, kartzela-urte kopuruaren sinbolo gisa eta " aldarrikapenak oihukatzeko eta lurralde honen borondatea adierazteko".

Foro Sozial Iraunkorraren hiru ikaskuntzak, "bakea eraikitzeko prozesuaz"

Armagabetze "ekimen arriskutsuaz" lau urte pasa direla bere irakurketa plazaratu du Foro Sozial Iraunkorrak ere, gizarte zibilaren inplikazioari garrantzia handia bideratuz. "Bakea eraikitzeko prozesuari" dagokionez, hiru ikaskuntza zabaltzen ditu Foro Sozial Iraunkorrak: hemen kausitu daiteke haien agiria.

Bideo bidez ere luzatu dute mobilizaziorako deia Bake Bidea eta Bakegileek:

 


Kanal honetatik interesatuko zaizu: Euskal preso politikoak
Xabier Atristain presoa baldintzapeko askatasunean geratu da

Hamahiru urte pasa ditu preso Atristainek, iragan abendutik hirugarren graduan zegoen eta martxoaz geroztik zigorra etxean betetzen ari zen kontrol telematikoarekin.


Jaurlaritzako Justizia sailburua: “ETAko presoek eragindako kaltea injustua zela aitortu behar dute”

ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.


Bidegabekeriaren aurrean ez dela isilduko nabarmendu du Sarek bere hamargarren urteurrenean

Plataforma herritarrak gaur egun arte lortutakoaren balioa nabarmendu du, eta adierazi du gizarteak “bultzada bat” eman behar duela “oraindik erbestean eta deportazioan daudenak” etxeratzeko. Etorkizuneko belaunaldiei gizarte hobeago bat uzteko garrantzia... [+]


Aritz Colio (HTX)
“Hatortxu amaituko da, baina elkartasuna eta auzolanaren bidean gure aletxoa jartzen jarraituko dugu”

Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]


2024-06-11 | ARGIA
Hatortxu Rock behin betiko agurtuko da 2025ean, 30. edizioarekin

2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.


2024-05-29 | Nekane Txapartegi
Zenbat lo?

Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]


'Bi arnas' proiektuaren ziklo amaiera ospatu dute
“Torturak ama eta alabarengan sorturiko zauria arintzen lagundu du dokumentalak”

Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]


54 urteko espetxe eskaera sei pertsonarentzat presoen ongi etorriak antolatzea egotzita

Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.


Presoen Euskara Irakasleen Taldeak agur esan du

Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.


2024-04-24 | Estitxu Eizagirre
'Zenbat lo' liburua aurkeztu dute Asteasun
Kartzelako hormak zeharkatzen dituen ama-alaben arteko harremana hitz eta iruditara eramana

Nekane Txapartegi Suitzako kartzela barrutik eta alaba kanpotik, elkarri hamaika modutara maitasun mezuak helarazten. Horra Txalaparta argitaletxeko Zenbat lo liburuak jaso duen historia, Iraitz Lizarragaren hitzetan eta Izaro Lizarragaren ilustrazioetan. Iragan hurbileko... [+]


Sortuko sei kide epaituko dituzte euskal presoei “ongi etorri” ekitaldiak antolatzeagatik

Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]


26 urteko espetxealdia atzean utzita aske da Iñaki Garces otxandiarra

Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.


Euskal preso eta iheslari politikoen aldeko jaialdia egingo dute Ezpeletan larunbatean

Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.


Eguneraketa berriak daude